Malaysia Airlines-vlug 370 | |
---|---|
Die vermiste vliegtuig.
| |
Datum | 8 Maart 2014 |
Oorsaak | Onbekend |
Plek van ramp | Golf van Thailand, Indiese Oseaan |
Sterftes | 239 (almal) |
Beserings | 0 |
Vliegtuigtipe | Boeing 777-2H6ER |
Vliegtuigstertnommer | 9M-MRO |
Oorsprong | Kuala Lumpur Internasionale Lughawe, Maleisië |
Bestemming | Beijing Capital Internasionale Lughawe, China |
Passasiers | 227 |
Bemanning | 12 |
Oorlewendes | 0 |
Malaysia Airlines-vlug 370 (MH370/MAS370) was 'n geskeduleerde internasionale vlug van Kuala Lumpur, Maleisië na Beijing, China. Op 8 Maart 2014 het die vliegtuig spoorloos verdwyn. Die vliegtuig het 227 passasiers en twaalf bemanningslede aan boord gehad.
Vlug 370 het op 8 Maart 2014 om 00:41 (Maleisiese Standaardtyd; UTC+8) van die Kuala Lumpur Internasionale Lughawe opgestyg en moes na 'n vlug van 6 ure op die Beijing Capital Internasionale Lughawe land. Vlugbeheer het egter omstreeks 01:22, terwyl die vliegtuig oor die Golf van Thailand was, kontak daarmee verloor. Die vliegtuig is om 02:40 as vermis aangemeld.
'n Grootskaalse soektog is van stapel gestuur, maar het niks opgelewer nie. In Julie 2015 is 'n wrakstuk van 'n Boeing 777 naby die Réunion-eiland, oos van Afrika opgespoor. Die wrakstuk, 'n deel van die vlerk, is van dié vliegtuig afkomstig.
Kaptein Zaharie Ahmad Shah (53) was 'n ervare vlieënier met 18 365 vlugure agter sy naam. Die onderkaptein, Fariq Ab Hamid (27), het reeds 2 763 vlugure gehad. Die passasierslys is deur Malaysia Airlines bekend gemaak:
Nasionaliteit | Aantal |
---|---|
Australië | 6 |
Kanada | 2 |
China | 152 |
Frankryk | 4 |
Hongkong | 1 |
Indië | 5 |
Indonesië | 7 |
Iran | 2 |
Maleisië | 50 |
Nederland | 1 |
Nieu-Seeland | 2 |
Rusland | 1 |
Taiwan | 1 |
Oekraïne | 2 |
Verenigde State van Amerika | 3 |
Totaal (15 nasies en streke) | 239 |