Im Chávez si Vorbild isch dr Simón Bolívar gsi und däm si Iisatz für e veräints Südamerika. Si politischs Brogramm isch e Bolivarischi Revoluzioon gsi, won er mit sozialistischi und marxistischi Ideä ergänzt het. In dr Armee isch er Oberstlütnant gsi, denn het er am Aafang vo de 1980er Joor d Undergrundbewegig Movimiento Bolivariano Revolucionario 200 gründet. Er het e Putschversuech gmacht, wo abverheit isch, und isch für zwäi Joor ins Gfängnis choo. Er het denn d Partei Movimiento Quinta República gründet und 1998 isch s em glunge, d Waale zum Bresidänt z gwünne. Bi de drei Waale 2000, 2006 und 2012 isch er immer wider gwelt worde.
Er isch chräbschrank worde, het sich e baar Mol z Kuba lo behandle und isch schliesslig am 5. Merz 2013 draa gstorbe.
Litratuur
Die vielen Gesichter des Hugo Chávez. Schwerpunkt- und Titelthema der Lateinamerika-Nachrichten, Heft 318, Dezember 2000, ISSN 0174-6342
Arturo Uslar Pietri: Venezuela für Chávez und gegen Korruption. In: Le Monde diplomatique, Nr. 5709, 11. Dezember 1998 (online)
Pablo Aiquel: Was meint Hugo Chávez mit Bolivarismus? In: Le Monde diplomatique, Nr. 6293, 10. November 2000 (online)
Maurice Lemoine: Der Herbst des Populisten Hugo Chávez. In: Le Monde diplomatique, Nr. 6751, 17. Mai 2002 (online)
Javier Corrales, Michael Penfold: Dragon In The Tropics: Hugo Chávez And The Political Economy Of Revolution In Venezuela. Brookings Institution Press, 2011.