Montréal | |||
---|---|---|---|
| |||
Koordinate | 45° 30′ N, 73° 34′ W | ||
Symbole | |||
| |||
Basisdate | |||
Staat | Kanada | ||
Québec | |||
Höchi | 234 m | ||
Flechi | 363,5 km² | ||
Iiwooner | 1.620.693 (2006) | ||
Dichti | 4.458,3 Ew./km² | ||
Poschtleitzahl | H0H – H9X | ||
Website | ville.montreal.qc.ca |
Montréal isch mit knapp vier Millione Iwohner die zwäitgröschti Stadt vo Kanada. Si het dr Name nach em Mont Royal, em königliche Bärg, emene Hügu ir Mitti vo dr Stadt.
Früecher emou isch Montréal die gröscht Stadt vo Kanada gsi. Mit dr Schiffbarmachig vom Sankt Lorenz Strom bis zu de grosse See het sie aber starch a Bedütig verlore, will d Schiff jetzt direkt witer is Landesinnere chöi fahre u nümme d Waare z Montreal müesse umlade. Dezue chunt, das wäge de Unabhängikeitsbesträbige vo Quebec villi kanadischi Ungernäme ihre Houptsitz uf Toronto verlagered hei.
Die offiziell Sproch isch wie i dr ganze Provinz Québec Französisch, aber praktisch gseh isch d Stadt zwöisprochig. Es gitt sogar en richtigi Trennigslinie: Östlich vom Boulevard St. Laurent dominiert Französisch, westlich dervo Englisch. Versuecht me aus Usländer, mit de Lüt Französisch zredä u het en Akzent oder versteit de örtlich Dialekt, s Québequois, schlächt, wärde si eim meischtens automatisch abiete, englisch zrede. Trotzdem isch es aber ratsam, es Gspröch immer uf französisch azfange, wüus doch es paar Lüt ir Stadt gitt, wo Englischsprecher nid so chöi lide.
Die wichtigste regelmässige Verastautige z Montreal si La francopholie (e Wuche lang Gratiskonzert im Stadtzentrum), de Grand Prix du Canada (Formel 1), s Jazz Festival (Gratiskonzert) sowie s Festival juste pour rire (Humorfestival).