Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Juan Pablo Martínez Cortés | |
---|---|
Información personal | |
Calendata de naixencia | 1976 |
Puesto de naixencia | Zaragoza (Aragón) |
Ocupación | Profesor universitario |
Miembro numerario de l'Academia de l'Aragonés |
Juan Pablo Martínez Cortés (Zaragoza, 1976) ye un incheniero y profesor universitario aragonés. Incheniero de Telecomunicación en a especialidat de comunicacions dende 1999 y doctor por a Universidat de Zaragoza dende 2005.
A suya trachectoria profesional s'ha desembolicato en o Centro Politecnico Superior, primero, y Escuela d'Incheniería y Arquitectura (EINA), dimpués, d'a Universidat de Zaragoza a on ye actualment profesor titular en l'aria de Teoría d'o Sinyal y Comunicacions en o Departamento d'Incheniería Electronica y Comunicacions (IEC) d'iste centro.
L'aria d'investigación en a cual s'ha centrato o suyo treballo ye a d'o procesamiento de sinyal, aplicato mas que mas a sinyals biomedicos. Ye o coordinador d'o grupo d'investigación Biomedical Signal Interpretation and Computational Simulation (BSICoS) de l'Instituto d'Investigación en Incheniería d'Aragón, liderando bels cuantos prochectos d'investigación. En o suyo curriculum investigador se puede trobar mas d'una cuarantena de publicacions en revistas internacionals y bel centenar de publicacions en congresos dende 1999 dica hue.
Miembro de l'Asociación Cultural Nogará-Religada, a on ye estau mayestro, ye tamién miembro de l'Academia de l'Aragonés dende o 15 d'aviento de 2012, cuan s'i incorporó como miembro correspondient. Dende lo 25 d'octubre de 2014 ye miembro numerario de dita entidat. En ella, ha participau en diferents fayenas de codificación, destacando la coordinación d'a comisión de redacción d'a Gramatica Basica de l'Aragonés, publicada en a suya versión preliminar lo 13 de marzo de 2017.
Juan Pablo Martínez ye editor y colaborador habitual d'a Biquipedia, a versión en aragonés de Wikipedia. Tamién ye socio fundador de l'Asociación Softaragonés, a on ha colaborato con a localización de software en aragonés, destacando-ne las versions en aragonés d'o navegador Firefox, l'aplicación de mensachería Telegram u lo sistema de campus virtual Moodle. Tamién ha desembolicau tecnolochías de linguistica computacional como los pars aragonés-castellano y aragonés-catalán d'o traductor automatico Apertium . Softaragonés.</ref> u o corrector ortografico basato en Hunspell, desembolicau de conchunta con Santiago Paricio.
Ye fundador y miembro de l'equipo d'edición y corrección d'Edicions Transiberiano, una editorial asociativa que publica literatura en aragonés . Ha colaborau con o Seminario Aragonés de Sociolingüistica en bels treballos y publicacions, incuyindo la explotación d'os datos demolingüisticos d'o Censo de Población y Viviendas de 2011 en Aragón, estando coautor de l'informe L'aragonés y lo catalán en l'actualidat. Analisi d'o Censo de Población y Viviendas de 2011.
Tamién ye coautor, en chunto a Santiago Paricio, d'o reporte Aragonese: The Aragonese language in education in Spain sobre la situación d'a luenga aragonesa en a educación, publicau por o Centro d'Investigación Mercator y l'Academia Frisona.
Ye estau coautor d'articlos relacionatos con l'aragonés y as nuevas tecnolochías y ponent en diferents foros, chornadas, seminarios y congresos.
Antiparte, Juan Pablo Martínez Cortés ye tamién intresato por a Historia y por a Chenealochía d'Aragón, estando miembro fundador, primer secretario y dimpués vocal d'a chunta directiva de l'Asociación Cultural de Genealogía e Historia de Aragón (AragónGen), estando tamién autor de cuantas charradas y comunicacions arredol d'ixos temas.