Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
A relichión (d'o latín< RELIGIO) puede definir-se, tanto positiva como negativament, de muitos modos:
Auto u representación explicita por a que l'hombre creye contrimostrar o suyo reconoiximiento d'a existencia d'un u cuantos dioses que tienen poder sobre o suyo destín, a qui obedeixen, sirven y onran.
O sentimiento u expresión de l'ombre d'amor, cerina u medrana enta un poder sobrehumán y totpoderoso, ya siga por a manifestación de creyencia, por a realización de ritos y cerimonias, u por a conducta d'a mesma vida.
Parando cuenta en a suya etimolochía dende 'religare', ta beluns sería un intento de l'hombre por ligar a lo mundo con el mesmo, isto ye, a explicación que un se da d'o que li rodía partindo de dios (siga cual siga la imachen que d'iste se tienga). Ta atros, o termin relichión esplicaría la ligazón (re-ligar) que aune l'hombre relichioso con o suyo dios.