Unión de Republicas Socialistas Sovieticas

	Unión de Republicas Socialistas Sovieticas; Союз Советских Социалистических Республик
	Lema nacional: Пролетарии всех стран, соединяйтесь! (Proletarii vsiej stran, soiediniaities'!); (Ruso: Proletarios de toz os países, unir-tos!)
	Himno nacional: A Internacional (1922-1944); Himno d'a Unión Sovietica (1944-1991)
	Situación de URSS
Capital	Moscú
Idioma oficial	No bi'n heba, ruso de facto
Gubierno	Estau socialista
• Constitución; - Declarata; - Reconoixida	; 30 d'aviento de 1922; 1 de febrero de 1924
• Desaparición	25 d'aviento de 1991
Superficie; • 1991	; 22,402,200 km²
Población; • 1991 est.; Densidat	; 293.047.571 hab.; 13,1 hab/km²
Chentilicio	Sovietico/a
Moneda	Rublo
	Miembro de: ONU, Pacto de Varsovia

A Unión de Republicas Socialistas Sovieticas (URSS) (en ruso: Союз Советских Социалистических Республик (СССР), Soyuz Sovietskij Sotsialistichieskij Riespublik (SSSR)), u Unión Sovietica (Советский Союз, Sovietskii Soyuz) estió un estau socialista que existió mientres gran parti d'o sieglo XX, dende o trunfo d'os comunistas en a guerra civil que siguió a la Revolución Rusa, en 1922 y a suya desaparición mientres o gubierno de Mikhail Gorbachev en 1991. Establida dimpués de l'asasinato d'o zaguer zar, s'estendilló dende la mar Baltica y la mar Negra dica l'oceano Pacifico, con una duperficie parellana a la d'antigo Imperio Ruso. Integrada en primerias nomás que por 4 republicas federadas, en as suyas zagueras anyadas yera formada por 15 republicas socialistas sovieticas, ya que o suyo numero y grandaria heba variau dende 1922. Rusia yera a republica mas gran d'a Unión, tanto en superficie como en población, y dominaba politicament y economica lo conchunto d'a URSS. A suya vida politica estió marcada por o predominio absoluto d'o comunismo, con un rechimen politico monopartidista dominau por o Kommunistíchieskaya pártiya Soviétskogo Soyuza (o Partiu Comunista d'a Unión Sovietica) dica la disolución d'a URSS.

A Unión de Republicas Socialistas Sovieticas prencipió la suya existencia como estau en l'anyo 1922 en un proceso impulsau por Lenin ta consolidar as institucions naixidas con a Revolución Rusa y refirmadas con a victoria de l'Exercito Royo en a Guerra Civil Rusa. Mientres a suya existencia estió lo centro que toz os comunistas d'o mundo consideraban como l'exponent maximo d'a suya ideolochía politica. Mientres as suyas primeras anyadas, o nuevo estau remató con a intervención de tercers países en o suyo territorio, y dimpués d'a muerte de lenin o suyo succesor, Stalin, controló ferriament cualsiquier esbarre d'a doctrina politica oficial. Con a Segunda Guerra Mundial, a URSS habió de luitar por a suya propia supervivencia como estau y como nación frent d'o Tercer Reich, y con a suya victoria en a guerra chunto con os Aliaus enampló la suya aria d'influyencia en Europa Central. Posteriorment o suyo refirme a Mao Zedong aduyó a la victoria d'o comunismo en China, encara que en anyos posteriors toz dos países no compartiban posicions politicas. Mientres a Guerra Fría que la URSS mantenió con os Estaus Unius y los suyos aliaus d'a Organización d'o Tractau de l'Atlantico Norte una constant pugna, que remató en os anyos 1998 con o gubierno de Mikhail Gorbachev, dica que en 1991 s'escaició la disolución d'a Unión Sovietica.

Referencias

↑ (an) Diccionario ortografico de l'aragonés (Seguntes la Propuesta Ortografica de l'EFA). Versión preliminar. Estudio de Filología Aragonesa. ISSN 1988-8139. Octubre de 2022.

Se veiga tamién

Exercito Royo.

Vinclos externos

Se veigan as imáchens de Commons sobre a Unión Sovietica.
Se veigan as imáchens de Commons sobre a Unión Sovietica.

Republicas d'a Unión Sovietica
	RSS d'Armenia \| RSS d'Azerbaichán \| RSS de Belarrusia \| RSS de Cheorchia \| RSS d'Estonia \| RSS de Letonia \| RSS de Lituania \| RSS de Moldavia \| RSS de Cazaquistán \| RSS de Kirguisistán \| RSSF de Rusia \| RSS de Tachiquistán \| RSS de Turkmenistán \| RSS d'Ucraína \| RSS d'Usbekistán Republicas Sovieticas de curta vida: RSS Carelo-Finesa (1940-1956) \| RSSF Transcaucasica (1922-1936)

	Ex Unión de Republicas Socialistas Sovieticas (URSS)
	Armenia \| Azerbaichán \| Belarrusia \| Cazaquistán \| Cheorchia \| Estonia \| Letonia \| Lituania \| Moldavia \| Kirguizistán \| Rusia \| Tachiquistán \| Turkmenistán \| Ucraína \| Uzbekistán

[DORTO-1] (an) Diccionario ortografico de l'aragonés (Seguntes la Propuesta Ortografica de l'EFA). Versión preliminar. Estudio de Filología Aragonesa. ISSN 1988-8139. Octubre de 2022.