جراند ثيفت اوتو اى فى
| |||||||
|---|---|---|---|---|---|---|---|
| (بالانجليزى: Grand Theft Auto IV)، و(باليابانى: Gurando sefuto ōto IV) | |||||||
 | |||||||
| المطور | روكستار نورث روكستار تورونتو (حاسوب) | ||||||
| الناشر | روكستار جيمز | ||||||
| الموزع | سيمون أشلي كيث مكليمان | ||||||
| سلسلة اللعبة | جراند ثيفت اوتو | ||||||
| محرك اللعبة | محرك روكستار المتقدم للألعاب أوفوريا | ||||||
| النسخة الحالية | 1.06 (بلاي ستيشن 3) 1.06 (اكس بوكس 360) 1.0.0.4 (ويندوز) | ||||||
| النظام | بلاى ستيشن 3 اكس بوكس 360 مايكروسوفت ويندوز | ||||||
| تاریخ الإصدار | بلاي ستيشن 3، اكس بوكس 360 29 أبريل 2008 مايكروسوفت ويندوز أ.ش. 2 ديسمبر 2008 | ||||||
| نوع اللعبة | لعبة أكشن, تصويب منظور الشخص التالت, عالم مفتوح, قيادة السيارات | ||||||
| النمط | لعب فردي، لعب جماعي | ||||||
| متطلبات النظام | أنظر قسم نسخة ويندوز لمعلومات حول متطلبات هذه اللعبة | ||||||
| الوسائط | بلو راي، 2 أقراص دي في دي، تحميل من الإنترنت | ||||||
| مدخلات | ماوس | ||||||
| التقييم | |||||||
|
|||||||
| الموقع الرسمي | الموقع الرسمى (انجليزى ) | ||||||
|
|||||||
تعديل  |
|||||||
جراند ثيفت اوتو اى فى او جى تى ايه اى فى (GTA IV) هى لعبة مغامره واكشن من النوع المفتوح، يعني تقدر تقريبا تعمل اى حاجه و ماتلتزمش بسياق الاحداث او النمط المتسلسل. واللعبة 3d وهى الجزء السادس فى السلسله الثلاثيه الابعاد والجزء الحداشر على مستوى الاجزاء كلها. الشركة المطورة للعبة هى "روكستار نورث" و نزلت على بلاى ستاشن ثري و اكس بوكس 360 والويندوز.
اللعبة موقعها المدينة الخيالية "ليبيرتي سيتي" او "مدينة الحرية" ودي نسخة تعتبر الي حد كبير شبيهة فى مدينة "نيو يورك". المطورين استخدمو محرك "يوفوريا" اللى بيعتمد على الذكاء الاصطناعي والفيزيا والميكانيكا الحيوية وده بيخلي الشخصية الاساسية والناس اللى موجوديين فى اللعبة وبيمشو فى الشارع بيتصرفو بطريقة طبيعية جدا.
"نيكو بيليك" هو الشخصية الاساسية اللى بيتلعب بيها فى اللعبة، وده كان محارب فى الجيش فى دولة مقالوش عليها، بس هى موقعها شرق اوروبا.
اللاعب يقدر يخلي "نيكو" يمشي، يجري، ينط، يعوم، يتشعبط على الحيطة والسور، وكمان - والاساسي - يستخدم الاسلحة و يتخانق ويضرب بايده ورجله. وكمان يسرق اى عربية او موتوسكل او طيارة او حتى مركب.
القصة مش ماشية علي خط واحد، لكن فى مهمات بتخلى اللاعب هوا اللى يختار مصير شخص او يختار يعمل حاجة او مايعملهاش. والاضافة الجديدة والمهمة فى النسخة دي الموبايل، والموبايل اصلا ليه دور كبير فى اللعبة، وعن طريقه الناس بتكلم "نيكو" عشان يطلبو منه يعملهم خدمه او مهمة او يحددو معاه معاد التنفيذ، او يتصلو بيه عشان يخرجو يشربو او يلعبو بولينج او اى لعبة تانية. "ونيكو" بردو بيستخدم الموبايل عشان مش شرط الناس هى اللى لازم تكلمو، ده ممكن هو يكلمهم عشان المهمات او يخرجو مع بعض. "نيكو" ممكن يستخدم الموبايل عشان يبلغ عن جريمة او يطلب الاسعاف او المطافي.
لما اللاعب يرتكب جريمة او كذا جريمة الناس اللى فى الشارع ممكن تبلغ عنه البوليس، وكل ما عدد الجرايم اللى بيرتكبها تكتر البوليس بيتعامل معاه بطريقة مختلفة واعنف.
"نيكو" ممكن يستخبا ورا حيطة او عربية او اى حاجة ده لو فى حالة انه بيحارب حد او البوليس.
