| ||||
---|---|---|---|---|
منظمه ارهابيه ، ومنظمه اجراميه | ||||
شعار | ||||
تاريخ التأسيس | 1865 | |||
المؤسس | ناثان بيدفورد فورست | |||
الايديولوجيا | ارهاب منسوب للمسيحيين | |||
الموقع الرسمى | الموقع الرسمى | |||
تعديل |
السنه | عدد الاعضاء |
---|---|
1920 | 4,000,000 |
1924 | 6,000,000 |
1930 | 30,000 |
1980 | 5,000 |
2008 | 6,000 |
كو كلوكس كلان - بالانجليزى Klu Klux Klan ، و بتختصر لـ " ك.ك.ك KKK " - . دى منظمه عنصريه موجوده فى امريكا اول ظهور ليها كان سنة 1865. كانت بتدعو للعنصريه للعرق الابيض وبتعتقد ان الجنس الابيض هوه الافضل فى كل حاجه والمفروض اى جنس تانى يموت. لبسهم المميز كان كله ابيض و كانو بيغطوا وشهم و مش بيبان منهم غير عيونهم بس. المنظمه دى كل اعضائها كانو من البيض و من المسيحيين البروتستانت قابلتهم معارضه كبيره جدا فى كل العالم ومن المسيحيين البروتستانت التانيين و وصفوهم بالارهابيين باسم الدين والعرق.
المنظمه العنصريه استخدمت اللنشيه Lynching ( اعدام من غير محاكمه ) و قتلت ناس كتيره من السود فى امريكا و كانت بتستخدم فى الغالب المشانق او النار لقتلهم .
وبما ان دى كانت اول مرحله للمنظمه مكنش موجود عندهم تنظيم او ترتيب محدد وفى الفتره دى ابتدت افكارهم تنتشر فى الجنوب على انهم تنظيم سرى وبما انهم كانو عنصريين وبيؤمنو بتفوق العرق الابيض كان لبسهم كله ابيض وبيتكون من جلابيه كبيره بيضا وطاقيه كبيرة شبه القرطاس بتغطى راسهم ووشهم ومش بيبان غير عيونهم , وطول مراحل المنظمه التزمو باللبس ده مع تطوير بسيط فيه من ناحيه الرموز والرتب.
فى سنة 1930 انفصل اعضاء من المنظمه و كونوا منظمه تانيه اسمها بلاك ليجيون The Black Legion و ارتكبوا جرايم ضد السود و من ضمن ضحاياهم كان ابو مالكوم اكس Malcom X قبل ما يتزعم حركته المناهضه للعنصريه.
| ||||
---|---|---|---|---|
| ||||