القاعدة العامه في ويكيبيديا هى حرية التعديل للكل بمن فيهم اليوزرات اللى مش متسجلين, اي شخص بيقرا أي مقاله ليه الحق في تطوير او تصحيح المعلومات بشكل تعاونى, و ده اللى بيمنح ويكيبيديا خاصيتها التعاونيه و نجاحها كمشروع حر, لكن للاسف فى ناس مبتحترمش القاعده دي, و بيحاولو فرض رأى تانى او بيخربو الصفحات بشكل مستمر, اما لاسباب دينيه عقائديه أو لانتمائهم لاحزاب سياسيه أو غيرها من الاسباب و مابيسمحوش لغيرهم يدو رأيهم فى موضوع الصفحه.
فى ويكيبيديا, معلومات أى صفحه ممكن تسترجع و ده بفضل نظام (النسخ) المستخدم, بمعنى ان أى تعديل علي اى صفحه بيعتبر نسخه منفصله عن التعديل اللى قبلو, و بكدا استرجاع بيانات اى صفحه بيكون ممكن, بس لو كان التخريب متكرر و كبير و صعب استحماله, او لو كان حيأثر علي اكتر من صفحه بنفس الوقت, ده بيضطر السيسوب بمنع تحرير الصفحات المتعرضه للتخريب.
بستثني من قاعده حريه التعديل الصفحات اللى اتعرضت لتخريب متكرر و كبير و القوالب المتضمنه فى عدد كبير من الصفحات التانيه.