Ингилис мацӀ | |
---|---|
The English language | |
English | |
Абулеб куц | /ˈɪŋɡlɪʃ/ |
Регион | Британиялъул чӀинкӀиллъаби (байбихьуда) ТӀолго дунялал |
Этниклъи | Англалгин саксонал (тарихияб къагӀидаялъ) |
КӀалъалел | 360–400 million (2006) КӀиабилеб мацӀ хӀисабалда: 750 млн чиясе; къватӀисеб мацӀ хӀисабалда: 600–700 млн чиясе |
Цесел формаби | |
Ингилисалъул кверзул кодификация (чанго система) | |
Официалаб статус | |
Официалаб мес |
БатӀи-батӀиял гӀуцӀалаби |
МацӀалъул кодал | |
ISO 639-1 | en |
ISO 639-2 | eng |
ISO 639-3 | eng |
Glottolog | stan1293 |
Linguasphere | 52-ABA |
Ингилис мацӀ рахьдалаблъун кколел икълимал
Ингилис мацӀ расмияблъун бугел, амма рахьдалаблъун кколарел икълимал | |
Ингилис мацӀ (инг. English, The English language , ХФА: ˈɪŋɡlɪʃ) ккола гьиндгин европияб хъизаналъул герменияб къокъаялъул бакътӀерхьул германияб мацӀ, жибги тӀоцебе цебесеб гьоркьогӀасрулъиялъул Ингландалъул гӀадамаз бицунеб букӀараб. Гьелъул цӀар бачӀараб буго некӀсиял герман халкъазул англал абураб халкъаздаса, жал гочун рачӀарал КӀудияб Британиялъул ракьалде, жинде гьанже Ингланд–илан абулеб (Ингракь). КӀиябго цӀар бачӀараб буго Англия абураб Балтик ралъадалда бугеб бащдабчӀинкӀиллъиялдаса. Ингилис бищунго хурхараб буго фриз ва гъоркьасаксон мацӀазда, гьелъул лексикаялдени кӀудияб асар гьабун буго цогидал германиязул мацӀаз, бутӀаккун некӀсияб норвег мацӀалъ (шималияб герман мацӀ), ва гьединго латин ва паранс мацӀаз.
Ингилис мацӀ цебетӀолеб букӀана 1400-ялдаса цӀикӀкӀун соналъ. Ингилисалъул бищун цересел формабазде, жалги англо-саксоназ V гӀасруялда КӀудияб Британиялде рачӀарал бакътӀерхьул германиял (инвгеон) сверелазул къокъалъун кколел, гӀаммго абула басрияб ингилис мацӀилан. Гьоркьохъеб ингилис байбихьана XI гӀасруялъ норманаз Ингланд бахъиялдаса, гьеб букӀана период инглисалде басрияб паранс мацӀалъ, бутӀаккун жиндирго басрияб норман сверелалдасан асар гьабураб. Цебесеб модерн ингилис байбихьана XV гӀасруялдаса хадуб Лондоналда басмаялъул пресс хӀалтӀизабигун, Джеймс къираласул библия басма гьабигун ва кӀудияб рагьаразул хъущтӀигун цадахъ.
Гьанжесеб ингилис тӀибитӀизе байбихьан дунялалда XVII гӀасруялдаса байбихьун Британиялъул империялъул ва Цолъарал Штатазул асаралда гъоркь. Гьел улкабазул басмаяб ва электронияб медиаялъул киналниги тайпабаздасан ингилис лъугьун буго халкъаздагьоркьосеб дискурсалъул бетӀераб мацӀлъунги, гӀемерал икълимазда лингва франкалъунги ва профессионалияб контексталдаги, гӀелму, навигация ва къанун гӀадал. Гьанжесеб ингилисалъул грамматика буго бечедаб инфлективияб морфология ва дандеккун эркенаб рагӀул тартиб бугел тайпадул гьиндгин европиял цогиязда бараб паттерналдаса аслияб хӀалалъ аналитикияб паттерналде, жиндилъ гьитӀинабго инфлекцияги, гӀезегӀан цоккураб субъект–верб–объект (SVO) рагӀул тартибги жубараб синтаксисги бугеб. Гьанжесеб ингилисалъ гӀемерисеб мугъчӀвай гьабула кумекалъул фигӀлабазде ва рагӀул тартибалде журарал заманаби, аспект ва буссинаби бихьизабизе, гьедиго пассивияб конструкциял, интеррогативал (суалиял жумлаби) ва цо-цо негатион (гьечӀолъи) бихьизабизеги.
Ингилис мацӀ буго бищун кӀудияб кӀалъалезул къадаралъул рахъалъги, ва лъабабилеб бищун тӀибитӀараб рахьдал мацӀги, стандартияб син ва испан мацӀаздаса хадуб. Гьеб буго бищун цӀикӀкӀун жиб лъазабулеб кӀиабилеб мацӀ ва хӀалтӀизабула расмияб мацӀ ялъуни кӀиабилеб мацӀ гӀадин 60-гӀанасеб суверенияб пачалихъалда. Ингилис кӀиабилеб мацӀ хӀисабалда лъазабулезул къадар буго гьеб рахьдал мацӀлъун кколезул къадаралдаса цӀикӀкӀараб. 2005 соналде бугеб хӀалалда рекъон, ингилис мацӀалда кӀалъалезул къадар кколеб буго 2 миллиард. Ингилис буго аслияб рахьдал мацӀлъун Цолъараб Къираллъиялда (КӀудияб Британия), Цолъарал Штатазда, Канадаялда, Австралиялда, ЦӀияб Зеландиялда ва Ирландиялда, ккола Сингапуралъул расмияб ва аслияб мацӀлъун, ва гьеб гӀатӀидго хӀалтӀизабула Карибазул территориялда, Африкаялда, Жанубияб Азиялда ва Океаниялда. Гьеб буго Цолъарал Миллатазул ГӀуцӀиялъул, Европаялъул цолъиялъул ва цогидал тӀолгодунялалъулал ва икълимиял халкъаздагьоркьосел организациязул расмиял мацӀазул цояб. Гьеб буго бищун тӀибитӀараб германиязулаб мацӀ, гьиндгин европиял мацӀазул гьеб гӀаркьелалда кӀалъалезул къадаралъул 70 % ккола ингилисалда кӀалъалел. Ингилис мацӀалда кӀалъалезда абула анлофонал–илан. Руго гӀемерал вариантал батӀи-батӀиял пачалихъазда ва икълимазда хӀалтӀизабулеб ингилисалъул гӀемерисел акцентазда ва сверелазда гьоркьоб — фонетикаялъул ва фонологиялъул рахъалъ, ва цо-цо лексикаялъул, идиомазул, грамматикаялъул ва абулеб къагӀидаялъул рахъалъ, амме гьез гӀемерисеб квал-квал гьабуларо батӀиял сверелазда ва акценталда кӀалъазел ричӀчӀиялъе.
№ | Авар | Ингилис | ХФА |
---|---|---|---|
1 | дун | I | |
2 | мун | you | |
3 | гьев, гьей, гьеб | he | |
4 | ниж, нилӀ | we | |
5 | нуж | you | |
6 | дол | they | |
7 | гьаб | this | |
8 | доб | that | |
9 | гьаниб | here | |
10 | доба, гъоба | there | |
11 | щив | who | |
12 | щиб | what | |
13 | киб | where | |
14 | кида | when | |
15 | кин | how | |
16 | гуро | not | |
17 | киналго, кинабго | all | |
18 | гӀемер, гӀемераб, гӀемерал | many | |
19 | чанго | some | |
20 | дагь, дагьаб, дагьал | few | |
21 | батӀияб | other | |
22 | цо | one | |
23 | кӀиго | two | |
24 | лъабго | three | |
25 | ункъго | four | |
26 | щуго | five | |
27 | кӀудияб | big | |
28 | халатаб | long | |
29 | гӀатӀидаб | wide | |
30 | бицатаб | thick | |
31 | бакӀаб | heavy | |
32 | гьитӀинаб | small | |
33 | къокъаб | short | |
34 | чӀедераб | narrow | |
35 | тӀеренаб | thin | |
36 | чӀужугӀадан | woman | |
37 | бихьинчи, чи | man | |
38 | гӀадан, инсан | person | |
39 | лъимер | child | |
40 | лъади, чӀужу | wife | |
41 | рос | husband | |
42 | эбел | mother | |
43 | эмен | father | |
44 | рухӀчӀаголъи, хӀайван | animal | |
45 | ччугӀа | fish | |
46 | хӀинчӀ | bird | |
47 | гьой | dog | |
48 | нацӀ | lousw | |
49 | борохь | snake | |
50 | хӀапаро | worm | |
51 | гъветӀ | tree | |
52 | рохь | forest | |
53 | тӀил | stick | |
54 | пихъ | fruit | |
55 | хьон | seed | |
56 | тӀамах | leaf | |
57 | кьибил | root | |
58 | хъал | bark | |
59 | тӀегь | flower | |
60 | хер | grass | |
61 | квар | rope | |
62 | тӀом | skin | |
63 | гьан | meat | |
64 | би | blood | |
65 | ракьа | bone | |
66 | беэнлъи, кьаралъи, тӀатӀи | fat | |
67 | хоно | egg | |
68 | лълъар (лӀар) | horn | |
69 | рачӀ | tail | |
70 | хӀули | feather | |
71 | рас | hair | |
72 | бетӀер | head | |
73 | гӀин | ear | |
74 | бер | eye | |
75 | магӀазукъалал | nose | |
76 | кӀал | mouth | |
77 | гӀус, ца | tooth | |
78 | мацӀ | tongue | |
79 | малъ | fingernail | |
80 | хӀетӀе | foot | |
81 | бох | leg | |
82 | наку | knee | |
83 | квер, хъат | hand | |
84 | кваркьи | wing | |
85 | чехь | belly | |
86 | бакь-кӀач, ургьимес | guts | |
87 | габур | neck | |
88 | мугъ | back | |
89 | керен | breast | |
90 | ракӀ | heart | |
91 | тӀул | liver | |
92 | гьекъезе | to drink | |
93 | кваназе | to eat | |
94 | хӀанчӀизе | to bite | |
95 | цӀункӀизе | to suck | |
96 | тузе | ro spit | |
97 | лагӀизе | to vomit | |
98 | пузе | to blow | |
99 | хӀухьел цӀазе | to breathe | |
100 | релъизе | to laugh | |
101 | бихьизе | to see | |
102 | рагӀизе | to hear | |
103 | лъазе | to know | |
104 | ургъизе, пикру гьабизе | to think | |
105 | махӀ чӀвазе, сунтӀизе | to smell | |
106 | хӀинкъизе | to fear | |
107 | кьижизе | to sleep | |
108 | гӀумру гьабизе | to live | |
109 | хвезе | to die | |
110 | чӀвазе | to kill | |
111 | къеркьезе, рагъизе | to fight | |
112 | чан гьабизе | to hunt | |
113 | кьабизе | to hit | |
114 | къотӀизе | to cut | |
115 | бикьизабизе, бикьизе | to split | |
116 | къазабизе, хӀунчизабизе | to stab | |
117 | хъарсине | to scratch | |
118 | бухъизе | to dig | |
119 | лъедезе, лъим ххазе | to swim | |
120 | роржине | to fly | |
121 | рилӀине, ине, хьвадизе | to walk | |
122 | рачӀине | to come | |
123 | регизе | to lie | |
124 | гӀодор чӀезе | to sit | |
125 | рахъун чӀезе | to stand | |
126 | сверизаризе, руссинаризе | to turn | |
127 | бортизе, щапизе | to fall | |
128 | кьезе | to give | |
129 | кквезе | to hold | |
130 | данде къазе, тӀаде цузе | to squeeze | |
131 | лӀулӀазе | to rub | |
132 | чуризе | to wash | |
133 | бацIцӀине | to wipe | |
134 | цӀазе | to pull | |
135 | цузе | to push | |
136 | рехизе | to throw | |
137 | бухьине | to tie | |
138 | букъизе (гурде) | to sew | |
139 | рикӀкӀине | to count | |
140 | абизе | to say | |
141 | кечӀ ахӀизе | to sing | |
142 | хӀазе | to play | |
143 | лъедон ине, лъедине (гама) | to float | |
144 | чвахизе | to flow | |
145 | цӀорозе | to freeze | |
146 | гьорозе | to swell | |
147 | бакъ | sun | |
148 | моцӀ | moon | |
149 | цӀва | star | |
150 | лъим | water | |
151 | цӀад | rain | |
152 | гӀор | river | |
153 | хӀор | lake | |
154 | ралъад | sea | |
155 | цӀам | salt | |
156 | гамачӀ | stone | |
157 | сали | sand | |
158 | хӀур | dust | |
159 | ракь | earth | |
160 | накӀкӀ | cloud | |
161 | хьухь, гIодонакIкI | fog | |
162 | зоб | sky | |
163 | гьури | wind | |
164 | гӀазу | snow | |
165 | цӀвер | ice | |
166 | кӀкӀуй | smoke | |
167 | цӀа | fire | |
168 | рахъу, бухIун | ash | |
169 | цӀа рекӀине, бухӀизе | to burn | |
170 | нух | road | |
171 | мегӀер | mountain | |
172 | багӀараб | red | |
173 | гӀурччинаб | green | |
174 | тӀогьилаб | yellow | |
175 | хъахӀаб | white | |
176 | чӀегӀераб | black | |
177 | сордо | night | |
178 | къо | day | |
179 | сон, лъагӀел | year | |
180 | хинаб | warm | |
181 | цӀорораб | cold | |
182 | цӀураб | full | |
183 | цӀияб | new | |
184 | басрияб | old | |
185 | лъикӀаб | good | |
186 | квешаб | bad | |
187 | махӀцараб | rotten | |
188 | чорокаб, хъубаб | dirty | |
189 | битӀараб, цӀанбитӀараб | straight | |
190 | гургинаб | round | |
191 | бегӀераб | sharp | |
192 | тӀехIараб | dull | |
193 | цӀвакараб, битӀараб | smooth | |
194 | биччараб | wet | |
195 | бакъвараб | dry | |
196 | битӀараб, ритӀухъаб | correct | |
197 | гӀагараб, аскӀосеб | near | |
198 | рикӀкӀадаб | far | |
199 | кваранаб | right | |
200 | квегӀаб | left | |
201 | аскӀоб, -хъ, -да | at | |
202 | жаниб, -лъулӀ, -улӀ, -об, -иб | in | |
203 | цадахъ, -гун | with | |
204 | ва, -ги | and | |
205 | нагагь, -ани, -ни | if | |
206 | щайгурони, щай абуни, щай гурелъул | because | |
207 | цӀар (инсанасул) | name |
{{cite web}}
: Check date values in: |access-date=
and |date=
(квеки)