Буйһонған территория (диңгеҙ аръяғы территорияһы) — башлыса йыраҡта урынлашҡан дәүләт-метрополия юрисдикцияһы аҫтында булған, билдәләнгән дәүләт сиктәре менән, ер йөҙөнөң бер өлөшө. Бындай территорияның сәйәси бойондороҡһоҙлоғо һәм суверенитеты юҡ, әммә автономияһы булыу мөмкин.
Хәҙерге буйһонған территорияларҙың күп осраҡта элекке киң колониаль империяларҙың ярсыҡтары булып тора. Эске идаралыҡ барлығына һәм уның характерына ҡарап һәм тарихи һәм юридик сәбәптәр арҡаһында бындай территорияларҙың рәсми статустары төрлө булып тора.