Лахти

Лахти
фин. Lahti швед. Lahtis
Герб
Нигеҙләү датаһы	1905
Рәсми атамаһы	Lahden kaupunki һәм Lahtis stad
Рәсми тел	Фин теле
Дәүләт	Финляндия
Административ үҙәге	Пяйят-Хяме
Административ-территориаль берәмек	Пяйят-Хяме
Сәғәт бүлкәте	UTC+2:00 һәм UTC+3:00
Статистическая область	Lahti sub-region
Ассоциацияләшкән сайлау округы	Häme
Хөкүмәт башлығы	Нико Кюняряйнен
Закондар сығарыу органы	Lahti City Council
Халыҡ һаны	120 809 кеше (29 февраль 2024)
Диңгеҙ кимәленән бейеклек	122 метр
Туғандаш ҡала	Калуга, Зуль, Акюрейри, Раннерс, Олесунн, Запорожье, Печ (ҡала, Венгрия), Гармиш-Партенкирхен, Нарва, Дэян, Вестерос, Нурберг, Тамсалу һәм Уси
Милке	Стадион Лахти һәм Спортивный центр Лахти
Сиктәш	Асиккала, Холлола, Хейнола, Ийтти һәм Ориматтила
Алдағы	Настола
Майҙан	459,5 км² (1 ғинуар 2023)
Рәсми сайт	lahti.fi
Классификация климата Кёппена	влажный континентальный климат с тёплым летом (Dfb)
Иң тәүге яҙма ваҡыты	1445
Элементтың күренеше өсөн категория	Category:Views of Lahti
Лахти Викимилектә

Лахти (фин. Lahti — «ҡултыҡ», швед.Lahtis) — Финляндияла ҡала һәм коммуна, Көньяҡ Финляндия губернаһында Пяйят-Хяме провинцияһының административ үҙәге. Пяйянне күлдәре системаһына ингән Весиярви күленең көньяҡ өлөшөндә ҡултыҡ яры буйында урынлашҡан. Халҡы һаны 102 000 кеше тәшкил итә (2011).

Тарихы

Лахти тәүге тапҡыр 1445 йылғы документтарҙа Холлола улусының ауылы булараҡ телгә алына. Шул ваҡыттағы сауҙа юлында — Үрге Выборг юлында (фин.Ylinen Viipurintie) урынлашҡан, ул Хямеэнлинн һәм Выборгты тоташтырған. 1558 йылғы Хяменың Ер китабында Лахти ауылында 24 йорт бар тип телгә алына.

1905 йылда Лахти ҡала статусын ала, унда өс меңдән кәм булмаған халыҡ йәшәй.

Мется-Хеннала исеме аҫтындағы ҡаланың тарихи өлөшөндә (фин. Metsä-Hennala) урыҫ сиркәүе урынлашҡан, ул ҡаланы төҙөй башлаған ваҡыттан алып һаҡланған һәм рус армияһының Император атлы полктарының урынлашыуы өсөн Хеннала хәрби гарнизонын төҙөү ваҡытында 1910—1912 йылдарҙа төҙөлгән. Рус офицеры Н. Г. Пушкаревтың 1914 йылғы ҡәберлеге һаҡланған. 1917 йылғы рус революцияһы (февраль һәм октябрь) һәм 1918 йылдағы Көньяҡ Финляндияға һәм Лахтиға ҡағылған фин граждандар һуғышы ваҡиғалары менән бәйле сиркәү тураһында мәғлүмәттәр юғала.

Географияһы

Лахти климаты көслө диңгеҙ йоғонтоһо менән уртаса континенталь. Ҡыш оҙон һәм һалҡын (әммә үҙенең киңлеге өсөн йомшаҡ), уртаса температура −5 °C алып −8 °C тиклем, йәй ҡыҫҡа, әммә шаҡтай йылы — 16-19 °C. Рекордлы күрһәткестәр ҡышҡы осорҙа −38 °C һәм йәйге осорҙа 35 °C.

Халҡы

Ҡала Финляндияла халҡы һаны буйынса һигеҙенсе урында тора

Сәнәғәте һәм иҡтисады

Сәнәғәте: ағас эшкәртеү, туҡыу, аяҡ кейеме, быяла, аҙыҡ-түлек. Бынан тыш, Лахти ҡалаһында ҡорамалдарҙы иретеп йәбештереү заводы бар, ҡорамалдарҙы Kemppi маркаһы аҫтында сығара. Pilkington концерн заводы эшләй.

Мәҙәниәте

Лахтила йыл һайын халыҡ-ара джаз һәм орган музыкаһы фестивале үткәрелә, плакаттар күргәҙмәһе, яҙыусылар һәм шағирҙар семинары үтә. Инде бер нисә йыл дауамында июлдә «Lahden Yöt 2016 йыл 9 ноябрь архивланған.» («Лахти төндәре») ҡала фестивале үтә.

2003 йылдан ҡалала хип-хоп һәм регги Summer Up музыка фестивале уҙғарыла, унда бер нисә тиҫтә мең кеше йыйыла

Дирижер Осмо Вянска етәкселегендәге «Лахти симфонияһы» оркестры илдә, шулай уҡ сит илдә лә киң билдәле.

Sibeliustalo

Лахтила Төньяҡ Европала иң ҙур булған концерт залы һәм ағастан конгресс-холл — Сибелиус Залы (фин. Sibeliustalo, арх. Раймо Рясанен) урынлашҡан. Унда даими Лахти симфоник оркестры уйнай (фин. Sinfonia Lahti). 2006 йылдың октябрендә шунда формаль булмаған Рәсәй-ЕС саммиты үтә.

Музейҙары

• Ҡаланың тарихи музейы (фин.Museo Lahden historiallinen).
• Лахти художество музейы (фин.Lahden taidemuseo). Уның музейы менән берлектә плакат музейы эшләй (фин.Julistemuseo), унда йылына ике тапҡыр халыҡ-ара плакат биенналеһы үтә
• Саңғы музейы (фин.Hiihtomuseo).
• Радио һәм телевидение музейы (фин.Radio — tv ja-museo).
• Хәрби медицина һәм хәрби музыка музейы

Спорты

Лахти халыҡ-ара масштабтағы саңғы спорты «Салпаусселян кисат» (фин. Salpausselan kisatSalpausselan kisat, ингл.  Ski Lahti) буйынса донъя чемпионаты менән билдәле, ул 1923 йылдан башлап үткәрелә, ә 1926 йылдан халыҡ-ара ярыштар уҙа. Ярыштар март башында үткәрелә. 2010 йылда 85-се, 2011 йылда — 86-сы, ә 2012 йылдың март айында — 87-се этабы үтә.

Ҡала 1964, 1968 һәм 1972 йылдарҙа Ҡышҡы Олимпия уйындарын ойоштороу буйынса өс тапҡыр ғариза бирә (швед Оре менән бергә), әммә Инсбрук, Гренобль һәм Саппоро ҡалаларынан ҡалыша.

Спорт үҙәге ҡаланың үҙәгенә яҡын урынлашҡан. Бында стадиондар, бассейндар һәм өс саңғы трамплинынан торған Салпауссельки (фин. Salpausselän hyppyrimäet) комплексы урынлашҡан, күп һанлы халыҡ-ара ярыштарҙан һуң ул ҡала символы була. Лахтила биатлон һәм саңғы спорты буйынса күп тапҡыр халыҡ-ара чемпионаттар үтә.

2009 йылдың июнендә Лахтила Весиярви күлендә һыуҙа «Формула-1» этабы үтә.

Ҡала янында шулай уҡ гольф уйыны өсөн дүрт майҙансыҡ бар.

2001 йылда ҡалала юниорҙар араһында шайба менән хоккей буйынса сираттағы донъя чемпионаты үтә.

2017 йылдың 22 февраленән алып 5 мартына тиклем Лахтила саңғы спорты төрҙәре буйынса 7-се тапҡыр донъя чемпионаты уҙғарыла.

Мәғарифы

LAMK (Lahti University of Applied Sciences) — ҡулланма фәндәр университеты.

Транспорты

Ҡала үҙәгендә тимер юл вокзалы урынлашҡан. Поезд өс йүнәлештә бара: Керава, Риихимяки, Коувола аша Хельсинки. Шулай уҡ Лахти станицяһында үтеп барыусы «Allegro» һәм «Лев Толстой» поездары туҡтай.

Оҙонлоғо 75 км булған Лахти-Керава тимер юл тармағы (фин. oikorata) 2006 йылдың 1 сентябрендә асыла (хәрәкәт 3 сентябрҙә башлана). Был заманса өс станция менән ике юллыҡ линия.

Бәйләнеше

Радиотапшырыуҙары

Ҡалала Voima радиостанцияһы урынлашҡан, ул бөтә Пяйят-Хяма провинцияһына хәбәр итә (Пяйят-Хям — 98,6 МГц, Кюменлааксо — 91,0 МГц, Көнбайыш Хяме (Ита-Хяме) — 94,9 МГц)

Туғандаш ҡалалар бүлеген мөхәррирләргә" class="mw-editsection-visualeditor">үҙгәртергә | сығанаҡты үҙгәртеү]

• Акюрейри (исл.Akureyri), Исландия (1947)
• Дэян (ҡыт. ябай. 德阳, пиньинь: Déyáng), Ҡытай (2000)
• Гармиш-Партенкирхен (нем. Garmisch-Partenkirchen), Германия (1987)
• Калуга, Рәсәй (1994)
• Нарва (эст.Narva), Эстония (1994)
• Печ (венгр.Pécs), Венгрия (1956)
• Раннерс (дат. Randers), Дания (1947)
• Зуль (нем. Suhl), Германия (1988)
• Вестерос (швед.Västerås), Швеция (1940)
• Запорожье (укр. Запоріжжя), Украина (1953)
• Олесунн (норв. Ålesund), Норвегия (1947)
• Вустершир графлығы (ингл. Worcestershire), Англия (2000)
• Чикаго, АҠШ (1960)

Иҫкәрмәләр

Һылтанмалар

• Lahti.fi (фин.), (инг.), (нем.), (фр.), (рус.) — официальный сайт
• Kuka, Mitä, Lahti(недоступная ссылка) (фин.) — история Лахти
• Лахти. Фоторепортаж. 2017 йыл 25 ноябрь архивланған.
• ru.lahti.fi 2019 йыл 16 апрель архивланған.