Émilia-Romagna inggih punika silih tunggil wawengkon pinih sugih miwah modérn ring Éropa, anruk produk doméstik bruto per kapita pinih tegeh katiga ring Itali. Bologna, ibu kotané, ngelah indéks kualitas urip pinih tegeh ring Itali miwah paayahan sosial pinih becik. Émilia-Romagna taler dados pusat budaya, ékonomi, miwah wisata, manados umah antuk Univérsitas Bologna, univérsitas pinih purwa ring jagat; madaging kota Romawi miwah Rénaisan, sekadi Modéna, Parma miwah Férrara, taler polih dados ibu kota Kakaisaran Romawi Kauh, Ravénna; ngacakupin solas situs tetamian UNESCO; manados pusat produksi ajengan miwah mobil (umah perusahaan otomotif minakadi Férrari, Lamborghini, Masérati, Pagani, Dé Tomaso, Dallara, miwah Ducati); taler wénten résor pasisi kasub sekadi Cérvia, Césénatico, Rimini lan Riccioné.
Ring warsa 2018, pamandu Lonely Planet ngasengguh Émilia-Romagna dados genah becik antuk nyingakin ring Éropa. Wawengkon puniki taler pinaka umah antuk komunitas panjak dura negara pinih ageng katiga ring negara ipun, sesampun Lombardia miwah Lazio.