Kinäsische Schrift | ||
---|---|---|
Schrifttyp | Logographisch | |
Sprochn | Kinäsisch Japanisch Vietnamesisch Koreanisch | |
Offiziö in | China Taiwan Japan Korea Singapur | |
Obgleitate | Kanji Hanja Hán Tự Hán Nôm Chữ Nôm | |
Bsundaheitn | Laungzeichn und Kuazzeichn | |
Unicode-Block | U+4E00..U+9FAF U+3400..U+4DBF U+20000..U+2A6DF | |
ISO 15924 | Hani Hant (Laungzeichn) Hans (Kuazzeichn) | |
De kinäsische Schrift (kin. 文字, wénzì „Schrift“) is de Schrift, de wos in de kinäsischn Sprochn vawendt wiad. Kinäsische Schriftzeichn wean owa aa in da japanischen Schrift ois Kanji, da koreanischen Schrift ois Hanja und friaa aa in da vietnamesischn Schrift ois Hán Tự gnutzt.
De kinäsische Schrift is a Morphemschrift oda morphosyllabische Schrift. Es is des anzige heit no gnutzte Schriftsystem, des wos ned primea auf da Phonetik basiat, sundan iwawiegend auf da Semantik vau Sprochelementn (Morphemen). De kinäsische Schrift is desweng aa ka Sübnschrift wia de koreanische Schrift, weu verschiedane Morpheme mit da gleichn Lautstrukdua duach vaschiedane Zeichn wiedagem wean.
Es gibt rund 87.000 Schriftzeichn, vau dena owa vü nua sötn vawendt wean. In an Weatabuach stengan rund 10.000 Zeichn. Gebüdete Kinäsn beheaschn 3000 bis 5000. Um an Text lesn und vasteh z kena, muass ma ned olle Zeichn vasteh. Noch ana Untasuachung vaum Jun Da reichn bei Informationstextn im modeanan Kinäsisch de 1948 haifigstn Schriftzeichn, um 98 % vau an Text lesn z kena, 2445 Zeichen reichn fia 99 % und 2987 für 99,5 % vau an Text. Bei modeanan belletristischn Textn muasst 3632 Schriftzeichn beheaschn, um 99,5 % z vasteh; bei Textn, de wos vua 1911 gschriem wuan san, brauchts 5.095 Zeichn.