Клаус Вернер Яханіс (рум.: Klaus Werner Iohannis, ням.: Klaus Johannis, нар. 13 чэрвеня1959, Сібіу) — прэзідэнт Румыніі.
Біяграфія
Нарадзіўся ў сям’і трансільванскіх саксаў Сусанны і Густава Хайнца Яханісаў. У 1992 годзе яго бацькі перабраліся ў нямецкі Вюрцбург і атрымалі нямецкае грамадзянства, скарыстаўшыся правам на вяртанне.
У 1979 годзе Клаус Яханіс паступіў на факультэт фізікі ва Універсітэце Бабеш-Бояі ў г. Клуж-Напока, пасля здачы ўступных экзаменаў быў накіраваны на 9 месяцаў у г.Тымішаара, для праходжання вайсковай службы. Пасля заканчэння ўніверсітэта ў 1983 годзе працаваў настаўнікам фізікі ў розных школах і каледжах Сібіу, у тым ліку з 1989 па 1997 ў гімназіі імя Самуэля фон Брукенталя, найстарэйшай нямецкамоўнай школе Румыніі.
З 1997 па 1999 год ён быў намеснікам галоўнага школьнага інспектара жудзеца Сібіу, а з 1999 года да свайго абрання на пасаду мэра ў 2000 годзе ён быў галоўным школьным інспектарам жудзеца.
Клаус Яханіс валодае румынскай, нямецкай і англійскай мовамі. З 1989 года ён жанаты з Кармен Яханіс (у дзявоцтве Лэзуркэ), якая з’яўляецца выкладчыкам англійскай мовы ў нацыянальным каледжы імя Георгія Лазара ў Сібіу.