Лаваль
Laval
| ||||||||||||||||||||||||||||
Лаваль (фр.: Laval) — горад у Канадзе, размешчаны ў паўднёва-заходняй правінцыі Квебек, на поўначы ад Манрэаля. Лаваль з'яўляецца цэнтрам аднайменнага рэгіёна правінцыі. Гэта самае вялікае прадмесце Манрэаля, трэці паводле велічыні муніцыпалітэт у правінцыі Квебек, і трынаццаты паводле велічыні горад у Канадзе з насельніцтвам у 401 553 чалавекі ў 2011 годзе.
Першымі еўрапейскімі пасяленцамі былі езуіты ў 1636 годзе, дзе яны атрымалі маноры. Сельскай гаспадаркай на тэрыторыі сучаснага горада пачалі займацца ў 1670 годзе. У 1675 годзе кантроль над тэрыторыяй атрымаў Франсуа дэ Манмарансі-Лаваль.
Разнастайнасць эканомікі Лавалю засяроджаная вакол тэхналогій, фармацэўтычнай прамысловасці і рознічнага гандлю. У горадзе маецца шмат фармацэўтычных лабараторый. Лаваль мае чатыры розныя прамысловыя паркі.