Педафілія (ад стар.-грэч.: παῖς, родны склон παιδός — «дзіця» і φιλία) — палавая ненармальнасць; палавая цяга да дзяцей. Можа мець гетэрасексуальную і гомасексуальную скіраванасць. Сярод магчымых прычын педафіліі называюць псіхічныя захворванні, псіхалагічнае вяртанне дарослага чалавека ў дзяцінства, адчуванне сексуальнай непаўнавартасці і боязь перад дарослым партнёрам. Паводле дадзеных сексуальнай статыстыкі, каля 25 % жанчын узгадваюць спробы мужчын збліжэння з імі, калі яны былі яшчэ дзецьмі. Палова такіх спроб — акты эксгібіцыянізму, 12 % выпадкаў — цялесны кантакт у форме петынгу.