Сіналогія (ад познелацінскага Sina - Кітай), або кітаязнаўства — комплекс навук, якія вывучаюць гісторыю, эканоміку, палітыку, філасофію, мову, літаратуру, культуру старажытнага і сучаснага Кітая. У Кітаі для навукі пра мінулае гэтай краіны выкарыстоўваецца тэрмін 汉学 (hànxué) або 国学 (guóxué, можа быць перакладзена як «радзімазнаўства»). Першы часцей выкарыстоўваецца ў даследаваннях гісторыі і культуры ханьскага этнасу, другі - іншых нацыянальнасцей, якія жывуць на тэрыторыі Кітая. У Японіі для пазначэння гэтай навукі служыць тэрмін кангаку (汉学, даслоўна «ханьскае вучэнне»).