လော့လင်ꩻထာꩻ (မန်း: ရွာကျခြင်း) (အိန်းကလေတ်: Precipitation) ကရိုꩻနဝ်ꩻ ခမ်းတလီꩻဝသပညာႏကိုအလꩻ ထီလူးဖုံႏကအဝ်ႏစုပြုံႏအလူႏ အွိုးအာႏကာႏမို့ꩻလောင်းကီသူꩻနဝ်ꩻ ကွပ်ပွိုးစွဉ်ႏဒျာႏ ဟံႏတန်ပထဝီႏထွို့ꩻငင်ႏအာႏသန်ငါႏတဲင်တွော့ꩻ ကထဲ့လင်ꩻ(ကလော့လင်ꩻ)လွဉ်ဗာႏထာꩻသူꩻနဝ်ꩻ ဝင်ꩻဟဲ့ꩻအလော့လင်ꩻထာꩻနုဲင်းနဝ်ꩻသွူ။[၂]
ခမ်းကလော့လင်ꩻထာꩻနဝ်ꩻ လော့လင်ꩻနေးအထီ၊ လော့လင်ꩻနေးအခြုံး၊ လော့ရော်ꩻရယ်ꩻနေးတဝင်ꩻ စတဲင် ခွဲꩻချာꩻနွောင်ꩻနုဲင်းယိုဖုံႏသွူ။
ကလော့လင်ꩻထာꩻအကို လော့လင်ꩻနေးခမ်းထီယိုနဝ်ꩻ ထီႏဗာႏအာလွိုလဲဉ်းဝင်ꩻသွူ။ ခမ်းကလော့လင်ꩻထာꩻယို ဝင်ꩻထူႏတွမ်ႏ ကိရိယာႏကတဲက်အီႏဒါႏ ခမ်းထီအဆေ့ꩻအအာနဝ်ꩻတဲင် ခွဲꩻချာꩻအီခမ်းအပေႏအတန်နုဲင်းလ့ယိုအတွိုင်ꩻသွူ။
ခမ်းမီႏလော့ပေႏပေႏ မီႏလော့ကြုန်ႏကြင်ႏနေးဗော့ꩻထာꩻလွုမ်ꩻနဝ်ꩻ ဝင်ꩻဟဲ့ꩻခမ်းတဆေ့(ခမ်းတဆီ)နုဲင်းနဝ်ꩻသွူ။
အလျားခိဉ်ႏမီႏအဝ်ႏလွဉ်သွူ (၀) ဒီႏဂရီႏရပ်နဝ်ꩻ ခမ်းတွမ်ႏတꩻအိုကုဲင်းရောꩻဒါႏတဝင်ꩻတဲင် ခမ်းတွမ်ႏတꩻအို ကလော့ꩻရော်ꩻတဝင်ꩻနုဲင်းယိုနဝ်ꩻ ဝင်ꩻဟဲ့ꩻခမ်းတꩻအိုလော့ꩻထာꩻသွူ။