Şahidê Yehovay, yew cemato diniyo u Yehova inan de Homayo, her çi vıraşto. Dınya sero 8,6 milyon ra vêşêr ezay cı estê u 240 ca u mıntıqa dı faliyetê xo rameno. Şahidê Yehovay hetê alemê Xıristiyanan ra cıra vêniyenê, vênayışê inan yewbina ra cıyayê. Ê Teslis ra bawer nêkenê. İnan ra gore Xıristiyani raya raştıkêni ra veciy. Riyê itıqadi ra, ê sigana nêşımenê, sileh nêgırweynenê, nêkışenê. Coka zi ê nêkewnê eskeriya, eskeriya nêkenê, lec nêkenê, politika nêkenê u kırıştışê goyni nêdanê vıraştış. Ê bawer kenê ke problemê na dınya asmên ra, hetê Homay ra do hal bıbê.
Dinê Şahidanê Yehovay de ceheneme u adırê ceheneme çıniyê, teyna cenet esto. Merdımê rındi merdış ra tepeya şınê cenete, merdımê xırabi zi benê çıne, ebedi benê çıne. Merdımê rındi merdış ra tepeya reyna do bıcıwiyê, merdımê xırabi zi do aniya bımanê.