Al leader dal Pòpul dla Libertà, Silvio Berlusconi
Al leader dal Partî Demucràtic, Pier Luigi Bersani
Al leader dal Muimènt Sinc Stéli, Beppe Grillo
Al leader dla Sièlta Cìvica, Mario Monti
Al leader dla Rivulusiòṅ Civìla, Antonio Ingroia
Al leader ad Far par Farmàr al Declîṅ, Oscar Giannino
Al cap 'd Amnistìa Giustìsia e Libertà, Marco Pannella
La leader di Rifurmìsta Itagliàṅ, Stefania Craxi
Al leader ad Mè A Vój Bèṅ a l'Itàglia, Magdi Cristiano Allam
Gl’Elesiòṅ pulìtichi itagliàni dal 2013 par la Cambra e 'l Senàt dla Repùblica i gh'èṅ stadi Dméndga 24 e Lunadè 25 Favràr 2013 dòp al dasfacimènt dal cambri dal 22 ad Dicémbar dal 2012, quàtar méś prima dla scadénsa dla XVI Ligiśladùra. La léǵ ch'a s è druàda par stablìr i deputâ e i senadōr elèt l'è la Léǵ Calderoli , cgnusùda anc cuma Porcellum (Léǵ Pursèl ).
Gl'eletōr a la cambra i eṅ stâ 51 migliòṅ. I sìmbui ad partî tgnû bòṅ i èṅ 184 in tut.
La circuscrisiòṅ XI dla Cambra, qvéla dl'Emìglia-Rumàgna , l'è la più granda 'd Itâglia (insém a la IV dla Lumbardìa II) parchè l'à purtâ a Róma 45 deputâ. P'r al Senàt a la regiòṅ i gh spèt'n invéci 22 senadōr, 13 garantî par la cualisiòṅ ch'la vins.
Schieramènt
Fra i leader ad cualisiòṅ, candidâ a dvintàr presidènt dal cunsìli, a gh'è al piacintèṅ ad Bétla Pier Luigi Bersani (p'r Itàglia. Bèṅ Cumùṅ ). I gh'èṅ anc tri leader ad partî emigliàṅ in camp, i bulgnéś Pier Ferdinando Casini (Ugnòṅ ad Sèntar ) e al presidènt dla Cambra Gianfranco Fini (Futùr e Libertà ), ch'i daṅ al lōr apòǵ a la cualisiòṅ ad sèntar ad Mario Monti , Sièlta Cìvica - Insém a Monti par l'Itàglia , e al banchēr mudnéś ad Muntéś Gianpiero Samorì (Muderâ Itagliàṅ in Rivulusiòṅ ), da la banda ad Silvio Berlusconi .
Cualisiòṅ in camp
Itàglia. Bèṅ Cumùṅ (Italia. Bene Comune ) ad Pier Luigi Bersani - Cualisiòṅ ch'la mét insém al sò Partî Demucràtic cun Sinìstra Eculugìa Libertà dal presidènt dla regiòṅ dla Puglia Nichi Vendola , al Partî Sucialìsta ad Riccardo Nencini e al Sèntar Demucràtic ad Bruno Tabacci . Qvést chè al s éra preśentâ a 'l primàri ad cualisiòṅ dal 25 ad Nuvémbar dal 2012 insém a Matteo Renzi (sìndic ad Firénse ) e Laura Puppato dal PD , pardénd in di cunfrònt ad Bersani ;
Sèntar Dèstra (Centro Destra ) ad Silvio Berlusconi - Cualisiòṅ ch'la mét insém al sò Pòpul dla Libertà cun la Léga Nòrd ad Roberto Maroni (ex minìstar d'l Intéran e candidâ a dvintar al presidènt dla regiòṅ Lumbardìa ), Fradèi 'd Itàglia 'd Ignazio La Russa , Giorgia Meloni e Guido Crosetto , La Dèstra ad Francesco Storace (ex minìstar dla salùt e candidâ a dvintar al presidènt dla regiòṅ dal Lasi ), Sud Grand ad Gianfranco Miccichè e Adriana Poli Bortone , al Partî di Pensiunâ ad Carlo Fatuzzo , Muderâ Itagliàṅ in Rivulusiòṅ ad Gianpiero Samorì e àt'r incóra;
Sièlta Cìvica - Insém a Monti par l'Itàglia (Scelta Civica - Con Monti per l'Italia ) ad Mario Monti - Insém a lò i gh'èṅ anc l'Ugnòṅ ad Sèntar ad Pier Ferdinando Casini e Futùr e Libertà ad Gianfranco Fini ;
Cualisiòṅ ch'la gh'à a cap Ottavio Pasqualucci , cun i partî: Nò a la saràda di Uśdài , Tajém a mèś al Stipléndi a i Pulìtic e Viva l'Itàglia .
Partî ch'i vaṅ da par lōr
Muimènt Sinc Stéli (MoVimento Cinque Stelle ) ad Beppe Grillo - Muimènt ch'al pòrta avànti la demucrasìa dirèta e al gh'à sinc téma sentrài in tèsta: àqua pùblica, traspòrt, śvilùp, cunét'r-as insém e ambiènt. 'L à sarnî i sò candidâ via web, cun di elesiòṅ tgnudi da 'l 3 a 'l 6 ad Dicémbar dal 2012;
Rivulusiòṅ Civìla (Rivoluzione Civile ) 'd Antonio Ingroia - Partî ch'al mét insém gl'ex magistrâ Antonio Ingroia , Antonio Di Pietro (leader dal partî Itàglia di Valōr ) e Luigi De Magistris , sìndic ad Nàpuli , cun i Vérd e soquànt Partî Cumunìsta . In lista a la Cambra in Emìglia-Rumàgna (pòst nùmar 2) a gh'è anc 'l ex cunsilēr regiunàl dal Muimènt Sinc Stéli , elèt a Mòdna , Giovanni Favia , casâ via al 12 ad Dicémbar da 'l sò vèć partî par Beppe Grillo in parsòna;
Far par Farmàr al Declîṅ (Fare per Fermare il Declino ) 'd Oscar Giannino - Muimènt liberàl nâ da 'l impégn ad soquànt ecunumìsta cuma Luigi Zingales e Michele Boldrin e da 'l giurnalìsta turinéś Oscar Giannino ;
Amnistìa Giustìsia e Libertà (Amnistia Giustizia e Libertà ) ad Marco Pannella - Schieramènt di Radicài ch'al vrév impgnàr-as par risòlvar i prubléma di carserâ e dla giustìsia;
CàPound Itàglia (CasaPound Italia ) ch'la gh'à a cap Simone Di Stefano ;
Fiàma Triculōr (Fiamma Tricolore ) ad Luca Romagnoli ;
Fòrsa Nōva (Forza Nuova ) ad Roberto Fiore ;
I Piràta (I Pirati ) cun a cap Marco Marsili ;
Liberài par l'Itàglia (Liberali per l'Italia - PLI ) ch'al tîṅ a drē a gl'idéi dla Renata Jannuzzi ;
Mè A Vój Bèṅ a l'Itàglia (Io Amo l'Italia ) dal giurnalìsta egisiàṅ Magdi Cristiano Allam ;
Partî Cumunìsta di Lavuradōr (Partito Comunista dei Lavoratori ) ad Marco Ferrando ;
Partî 'd Asiòṅ p'r al Śvilùp (Partito di Azione per lo Sviluppo ) dal scritōr dal rumànś Labirinto Femminile , Alfonso Luigi Marra ;
Rifurmìsta Itagliàṅ (Riformisti Italiani ) dla Stefania Craxi . Chi lē la vliva candidàr p'r al sò partî Luciano Moggi ;
Ugnòṅ Padàna (Unione Padana ) cun a cap Giulio Arrighini ;
Vènet Stat (Veneto Stato ) ch'al gh'à Antonio Guadagnini cuma leader ;
Riśultâ
Regiòṅ ciapàdi a 'l Senàt par Bersani (in aràns) e par Berlusconi (in blù)
Pruvìnsi da la banda ad Bersani (in aràns) , ad Berlusconi (in blù) e ad Grillo (in śal)
CAMBRA: Lista/Cualisiòṅ
Vōt
%
Séǵ
PD
8.644.187
25,42
297
SEL
1.089.442
3,20
37
Sèntar Demucràtic
167.170
0,49
6
SVP
146.804
0,43
5
TUTÀL Sèntar-Sinìstra
10.047.603
29,54
345
PDL
7.332.667
21,56
98
Léga Nòrd
1.390.156
4,08
18
Fradèi 'd Itàglia
666.035
1,95
9
TUTÀL Sèntar-Dèstra
9.923.109
29,18
125
Muimènt Sinc Stéli
8.689.168
25,55
109
Siélta Cìvica
2.824.001
8,30
39
UDC
608.199
1,78
8
TUTÀL Cun Monti par l'Itàglia
3.591.629
10,56
47
Àtar
-
-
4
SENÀT: Lista/Cualisiòṅ
Vōt
%
Séǵ
PD
8.400.255
27,43
113
SEL
912.374
2,97
7
SVP
-
-
2
Partî Autunumìsta Trintèṅ Tiruléś
-
-
1
Al Megàfun - Lista Crocetta
138.581
0,45
1
TUTÀL Sèntar-Sinìstra
10.047.603
31,63
123
PDL
6.829.373
22,30
98
Léga Nòrd
1.328.555
4,33
18
Sud Grand
122.100
0,39
1
TUTÀL Sèntar-Dèstra
9.405.679
30,71
117
Muimènt Sinc Stéli
7.285.850
23,79
54
Cun Monti par l'Itàglia
2.797.486
9,13
19
Àtar
-
-
2