La laśèina (ascella in itagliàṅ, da 'l latèinaxilla) l'è cla pèrt dal corp umàn, e anca dal bésti, ch'la stà 'd sòt'a la spàla mèinter che 'l bràs al s egh tàca arèint. El laśèini gl'ìn pìni ed dimòndi ghiàndli dal sudōr, ed cherna grasa, e cuacèdi 'd soquànt pēl. In di ùltem tèimp a custùma che cal dòni i gh'toghen vìa i pēl da tórna, perchè 'l s'rèv un quèl 'd mia cunvgnìnt, 'd fèri vèder in dl'istê 'd sòt'a i vistîśgulê.
Manéri 'd dir
(CARPŚ) Avér-egh la camìśa strèta sòt'a 'l laśèini, (IT) (lett.) Avere la camicia stretta sotto le ascelle, (fig.) Avere poca voglia di lavorare.
(CARPŚ) Ciapèr-en fin sòt'a 'l laśèini,(IT) Prenderne tantissime (sotintéś: ed bóti, finànc ed sòt'ai laśèini).
↑(IT) e (MUD) Vocabolario etimologico del dialetto modenese edl Istituto enciclopedico Settecani, Spilambèrt, 2011
↑(CARPŚ) e (IT) In dal "Dizionario del dialetto carpigiano" ed G. Malagoli e dl'A. M. Ori, Mòdna, 2011, a s escrìv:„Avéer la camiiṡa strètta sòtt'èl laṡèini”.
↑Ibidem, a s escrìv: „Ciapèer en fin sòtt'èl laṡèini”.
↑(CARPŚ) e (IT) In dal disiunàri "Dèscòrèr Càrpšan" ed Massimo Loschi, Chèrp, novèmber 2016, a s escrìv: „Ai lašàrôun bišgnàrèv dêrghèn fin sòta al lašêini”.