Blaze Your Glory! eta People on X are the first to know. | |
Datuak | |
Izen ofiziala | X, Twitter eta twttr |
Mota | Gizarte-sare zerbitzua, mikrobloga, user-generated content platform (en) eta online community (en) |
Jarduera sektorea | komunikabide soziala |
Herrialdea | Ameriketako Estatu Batuak |
Erabilitako hizkuntza | eleaniztun |
Agintea | |
Zuzendari exekutiboa | Linda Yaccarino (en) |
Kudeatzailea | X Corp. (en) |
Egoitza nagusi | |
Jabea | X Corp. (en) |
Historia | |
Sorrera | 2006ko martxoaren 21a 2023ko uztailaren 24a |
Sortzailea | |
webgune ofiziala |
X, 2023ko uztailerarte Twitter, gizarte-sare eta mikroblogintza zerbitzu bat da, erabiltzaileei txio izeneko testu soileko mezu laburrak bidaltzeko aukera ematen diena, gehienez 280 karakterez (2017ko azaroaren 7a arte, gehienez 140 karaktere ziren). Mezuak bidaltzeko, SMSz, bat-bateko mezularitzaz, Xren webguneaz eta hainbat aplikazioz (adibidez, Xrificez) baliatzen dira. Erabiltzaileari txiolari edo tuiterlari deritzo.
Mezuak txiolariaren profilean erakusten dira eta jasotzeko aukera hautatu duten beste txiolariei ere bidaltzen zaie. Jatorrizko txiolariak mezu horiek berak aukeratutako lagunei soilik bidaltzea aukera dezake edo txiolari guztien eskura jartzea.
Euskal txiolariak, 2013ko apirilaren bukaeran, 5.500-6.500 ziren. 2010. urtean, berriz, 500 txiolari inguru zebiltzan euskaraz. Benetako gorakada 2011-2012 bitartean gertatu zen. Gizarte sare bazterrekoa izatetik ezagun izatera igaro zen eta 2012ko udarako, UMAPek berak 3.000 inguru euskal txiolari zituen bere datu-basean, gutxienez: geroztik, kopuruak etengabe egin du gora.
Gizarte sare hori 2006ko martxoan sortu zen San Frantziskon (Kalifornia), Jack Dorseyren, Evan Williamsen, Biz Stoneren eta Noah Glassen eskutik. Urte bereko uztailean aurkeztu eta ezagutarazi zen. 2007az geroztik, X enpresa Delawareko jurisdikziopean dago.
Sorreratik bertatik, haren ospea handituz joan da. Jendartean lekua oso azkar eta erraz egin zuen mikroblogintza sare horrek. 2011n, 500 milioi erabiltzaile baino gehiago zituela balioztatu zen eta 65 milioi txio baino gehiago zituela. Era berean, egunean 800.000 bilaketa inguru egiten zirela baietsi zuten. Handik bi urtera, web orrialde bisitatuenen artean zegoenez, egungo Interneteko SMSa jotzen da. .
2013ko irailaren 12an, Xrek beharrezko dokumentazioa aurkeztu zuen SECen, burtsan sartu baino lehenago.
Azken inkestek, nolanahi ere, erakusten dute gaur egun 500 milioi erabiltzaile baino gehiago daudela eta haietako 332 milioi soilik aktiboak direla.
2023ko uztailaren 25ean X batek ordeztu zuen arte, Xren identifikatzaile nagusia txori urdina zen, Larry Txoria. Haren hastapenetatik logoak aldaketa gutxi izan zituen. Txori hura 2012ko ekainaren 5ean Twiterreko Txoria bilakatu zen. Era berean, X hitza eta haren "t" letra xehea aldatuz joan ziren baina, egun, ez dira erabiltzen.
Twiterren diseinatzaile Douglas Bowman-en hitzetan, gizarte sare horretako logoak gero eta antza handiagoa zuen Sialia currucoides txoriarekin.
Twiterrek darabiltzan hizkuntza nagusiak ingelesa eta frantsesa dira. Hala ere, beste batzuk ere erabilgarri daude: ez dira X taldekoek eginak, erabiltzaileek itzultzen eta proposatzen dituztenak baizik, dirua irabazteko asmorik gabe. Lan hori Translate X webgunearen bitartez egiten dute, https://translate.X.com/ helbidean, alegia. Euskal bertsioa dago, baina anitz hobekuntza egin behar dira. Adibidez:
Txiolariak beste txiolarien txioak ikusteko, bestearen profilean “jarraitu” botoia sakatu behar dute, geroago haien hormetan txio guztiak ager daitezen. Behin txioak horman daudela, txiolariek erabaki dezakete zein txio partekatu nahi duten «bertxio» edo «retweet» botoia sakatuz. Horrela, besteen txioak haien jarraitzaileen hormetan agertuko dira, bertxio ikurrarekin. Era horretan, ideia onak, bereziak edo barregarriak parteka daitezke.
Horretaz aparte, «Atsegin dut» botoia ere erabil daiteke: haren bidez, txioak ez dira partekatzen baina “Atsegin dut” izeneko karpeta publikoan gordetzen dira.
Xren ospearen ondorioz, web orri horrek aplikazioak sortzeari ekin zion. Gaur egun, aplikazioa mugikorretan zein tabletetan gehien erabiltzen direnetako bat da. Izan ere, Xren erabilera haren sinpletasunari lotuta dago.
Pear Analystics firmak Estatu Batuetan idatzitako 2.000 txiotako edukia ikertu zituen. Hauexek izan ziren ondorioak:
Edukia |
---|
2009ko ikerketaren ondorioak. |
Txiolariek gai bakar eta berezi bati buruz hitz egiteko, normalean momentuan dagoen gaia, hashtageko («joera», euskaraz) # (traola) ikurra erabiltzen dute. Beste ikur ezagun bat @ (a bildua) da: haren bidez, txiolariek elkarri idatz diezaiokete. Erabiltzailearen izenaren aurrean jartzen da, beste norbaitek aipatu egin duela jakin dezan.
Era berean, 2009 urtean Xren “zerrendak” sortzeko aukera eskaini zuen. Horiek erabiliz, erabiltzaileak haien barruan dauden txiolarien txioak soilik ikusteko aukera du.
Txiolari askok hitz edo esaldi berbera behin eta berriz erabiltzen dutenean, hitza edo esaldia trending topic bihurtzen da. Zerbitzu horrek agintzen du X elkarteak gai berrien berri izan dezan eta, era berean, elkarrizketan segi dezan. Halere, batzuetan abeslari edo pertsonaia famatu baten jarraitzaileek lan egiten dute, haien izenak trending topic, TT, gisa ager daitezen.
Erabiltzaileei dagokienean, 2009an Jeremiah Owyangek azpimarratu zuen gehienak helduak zirela, aurretik horrelako sarerik sekula erabili gabeak, hain zuzen ere. comScoreren arabera, erabiltzaileen % 11 soilik 12-17 urte bitarteko tartean da.
Horrez gain, 2009ko ekainean egindako beste ikerketa batek jakinarazi zuen emakumeak gizonak baino zaletuagoak zirela, hurrenez hurren, % 53 eta % 47ko ehunekoetan, hain zuzen.
2012ko artikulu batean ezagutarazi zenez, Japoniako gizarte sarerik handiena da, Facebooken aurretik. Halaber, erabiltzaile gehienak Estatu Batuetan dira.
Hauek dira mundu osoan jarraitzaile gehien dituzten Xreko kontuak, 2022ko abuztuaren 18an eguneratuta:
Xreko kontu zaharrenak hamalau dira, denak ere 2006ko martxoaren 21ean sortuak. Xreko langile zein sortzaileenak dira, hala nola, @jack (Jack Dorsey), @biz (Biz Stone) eta@noah (Noah Glass).
Zerbitzari erorketak
2019ko uztailaren 11n, Xren zerbitzariak erori egin ziren munduan zehar.