El zoroastrismu, pol nombri del su hundaor, o mazdeísmu, pol nombri de la su deidá, es la denominación e la religión y filosofía basá en las enseñanzas del profeta y reformaor iraní Zoroastru (Zarathustra), que reconocin comu devinidá a Ahura Mazda, considerau por Zoroastru comu'l únicu criaor increau de tó.
El términu zoroastrismu es una construzión moderna que, según el Izionariu Oxford, apareció en primer lugar en 1874 en Prencipius e filología compará d'Archibald Sayce. La primera referencia a Zoroastru en Ozidenti es atribuía a Thomas Browne, quien brevementi se refieri a él en el su libru criau por sí mesmu Religio Medici (1642).
El términu mazdeísmu probablementi derivi de Mazdayasna, una espresión compuesta del avésticu que combina el últimu elementu del nombri Ahura Mazda y la palabra avéstica yasna, la cual significa devoción. Un rei persa, Ciru el Grandi, era seguior d'esa religión.