Vicipéid na Spáinnise
 | |
 | |
| Teanga | An Spáinnis |
|---|---|
| Dáta cruthaithe | 11 Bealtaine 2001 |
| Ceadúnas | Creative Commons Attribution-ShareAlike 3.0 Unported (en)  agus Ceadúnas GNU do Dhoiciméadú Saor |
| Cainéal IRC | irc://irc.freenode.net/#wikipedia-es |
| Aibítir | aibítir Laidineach |
| Staitisticí | |
| Ailt | 1,943,425 |
| Úsáideoirí cláraithe | 7,105,716 |
| Riarthóirí | 57 |
| Leathanaigh iomlána | 8,137,966 |
| Comhaid áitiúla | 0 |
| Vicipéid na Spáinnise | |
An leagan Spáinnise den chiclipéid phoiblí ilteangach Vicipéid is ea Vicipéid na Spáinnise (Spáinnis: Wikipedia en español). Bhí an Spáinnis ar na chéad trí leaganacha a tháinig ar an saol i ndiaidh Vicipéid an Bhéarla i mí Bealtaine, 2001. Ar 8 Márta 2006 baineadh amach tairseach an 100,000ú alt, agus ar an 16 Bealtaine 2013 bhí 1,000,000 alt ar an saol acu. Is í an naoú Vicipéid is mó ó thaobh líon na n-alt de agus an ceathrú ceann is mó ó thaobh líon na n-athruithe eagarthóireachta a dhéantar uirthi. Ar an 14 Aibreán 2019, bhí 1,516,185 alt ann.
Stair
An rud is suntasaí dár tharla i stair Vicipéid na Spáinnise ná an chonspóid a chothaíodh sa bhliain 2002 faoi cheist na fógraíochta ar an Vicipéid. Tharla gur scríobh Larry Sanger i dteachtaireacht ríomhphoist go raibh Bomis ag smaoineamh ar fhógraí trádálacha a ghlacadh ar shuíomh Idirlín na Vicipéide. Gí gur dhiúltaigh Jimmy Wales agus Sanger go raibh aon fhógraiocht ar na bacáin acu, thosaigh Edgar Enyedy, úsáideoir ar Vicipéid na Spáinnise, ag cur gabhal ar bun sa tionscadal. Is é sin le rá, nach mbacfadh seisean agus a chomhghleacaithe leis an Vicipéid ach go leanfaidís ag obair feasta go neamhspleách ar chiclipéid nua bunaithe ar an ábhar a bhí i Vicipéid i Spáinnis go dtí sin. Chuir siad an Enciclopedia Libre—mar a thug siad uirthi—ar bun ar 26 Feabhra 2002. Lean formhór mór na n-úsáideoirí Spáinnise Enyedy agus thóg sé i bhfad sula ndéanfaí mórán oibre ar Vicipéid na Spáinnise arís.
Gnéithe ginearálta
Ní úsáidtear íomhánna ar Vicipéid na Spáinnise seachas iad atá le fáil ag an gComaoin. Bibliotecarios (“leabharlannaithe’’) a thugtar ar riarthóirí an tionscadail.
Tá craobhacha den Wikimedia Foundation curtha ar siúl sa Spáinn (mar a ndéantar 26.6% de na hathruithe eagarthóireachta ar Vicipéid na Spáinnise) agus san Airgintín (12.8%). Tíortha tábhachtacha eile ná Meicsiceo (16.5%) agus an Cholóim (11.4%).
Bhí 15,698 úsáideoir gníomhach ar Vicipéid na Spáinnise ag tús na bliana 2015 (seachtar díobh in Éirinn).
Tagairtí
- Lih, Andrew. The Wikipedia Revolution: How a Bunch of Nobodies Created the World's Greatest Encyclopedia. Hyperion, Nua-Eabhrac. 2009. Chéad eagrán. ISBN 978-1-4013-0371-6.
Nótaí
- ↑ "Enciclopedia:Por qué estamos aquí y no en es.wikipedia.org" (Spanish). Cartlannaíodh an bunleathanach ar 2010-04-12. Dáta rochtana: 2015-01-06.
Naisc sheachtracha
Vicipéid na Spáinnise Curtha i gcartlann 2008-07-05 ar an Wayback Machine
 | Is síol é an t-alt seo. Cuir leis, chun cuidiú leis an Vicipéid. Má tá alt níos forbartha le fáil i dteanga eile, is féidir leat aistriúchán Gaeilge a dhéanamh. |