Isabel II do Reino Unido
.svg)
Isabel II ou Elizabeth Alexandra Mary of Windsor, nada en Londres o 21 de abril de 1926, e finada o 8 de setembro de 2022 en Balmoral, Escocia, foi unha monarca inglesa. Foi raíña do Reino Unido, de Antiga e Barbuda, Australia, Bahamas, Belize, Canadá, Granada, Nova Zelandia, Papúa Nova Guinea, Saint Kitts e Nevis, Santa Lucía, San Vicente e as Granadinas, Illas Salomón, Tuvalu e Xamaica.
Tamén foi a Cabeza da Commonwealth, Gobernadora Suprema da Igrexa de Inglaterra, Comandante en xefe das forzas armadas do Reino Unido e Señora da illa de Man.
Asumiu os seus títulos despois da morte do seu pai, o rei Xurxo VI o 6 de febreiro de 1952. É filla de Elizabeth Bowes-Lyon, irmá de Patrick, 15º conde de Strathmore.
Primeiros anos
Isabel foi a primeira filla do príncipe Alberte, duque de York (máis tarde rei Xurxo VI) e a súa esposa Isabel, duquesa de York (máis tarde raíña Isabel). O seu pai era o segundo fillo do rei Xurxo V e da raíña María, e súa nai era a filla máis nova do aristócrata escocés Claude Bowes-Lyon, XIV conde de Strathmore e Kinghorne. Isabel naceu por cesárea ás 2:40 GMT o 21 de abril de 1926 na casa londiniense do seu avó materno no número 17 de Bruton Street, Mayfair. Logo, residiu brevemente nunha vivenda adquirida polos seus pais pouco despois do seu nacemento no número 145 de Piccadilly en Londres e na residencia White Lodge en Parque Richmond. O 29 de maio de 1926, o arcebispo de York, Cosmo Lang, bautizouna baixo a relixión anglicana na capela privada do Palacio de Buckingham (destruída durante os bombardeos de Londres na segunda guerra mundial). Foi nomeada «Isabel» en honra a súa nai, «Alexandra» pola nai de Xurxo V (súa bisavoa paterna), que falecera seis meses antes e «Mary» pola súa avoa paterna. Na intimidade, era chamada «Lilibet». Xurxo V apreciou moito á súa neta e durante a súa grave enfermidade en 1929, as súas visitas periódicas eleváronlle o ánimo e favorecéronlle na súa recuperación, segundo acreditaron a prensa pública e os seus biógrafos posteriores.
A única irmá de Isabel foi a princesa Margarita, nacida en 1930. Ambas foron educadas na súa casa a supervisión de súa nai e Marion Crawford, a súa institutriz chamada informalmente «Crawfie». As clases concentrábanse principalmente en historia, lenguaxe, literatura e música. Para consternación da familia real, Crawford máis tarde publicou un libro biográfico sobre os primeiros anos de Isabel e Margarita titulado The Little Princesses. O libro describe o amor de Isabel polos cabalos e os cans, a súa disciplina e a súa actitude de responsabilidade. Outros fixeron eco de tales observacións: Winston Churchill describiu a Isabel cando tiña dous anos como «un personaxe. Ten un aire de autoridade e reflexión sorprendentes para un neno». Súa prima Margaret Rhodes describiúna como «unha nena alegre pero, fundamentalmente, sensible e de bo comportamento».
Familia
Xunto ao seu esposo, o duque de Edimburgo, a raíña tivo catro fillos. Ademais, o matrimonio ten oito netos e oito bisnetos.
- Carlos, príncipe de Gales (nado o 14 de novembro de 1948), casou o 29 de xullo de 1981 con lady Diana Spencer (1961-1997) e divorciouse o 28 de agosto de 1996. O 9 de abril de 2005 casou novamente, nunha cerimonia civil, con Camilla Parker-Bowles.
- Guillerme, duque de Cambridge (nado o 21 de xuño de 1982), casou o 29 de abril de 2011 con Catarina Middleton (nada o 9 de xaneiro de 1982).
- Xurxo de Cambridge (nado o 22 de xullo de 2013).
- Carlota de Cambridge (nada o 2 de maio de 2015).
- Lois de Cambridge (nado o 23 de abril de 2018).
- Henrique de Gales (nado o 15 de setembro de 1984). Casou o 19 de maio de 2018 con Meghan de Sussex (nada o 4 de agosto de 1981).
- Archie Mountbatten-Windsor (nado o 6 de maio de 2019).
- Lilibet Mountbatten-Windsor (nada o 4 de xuño de 2021).
- Guillerme, duque de Cambridge (nado o 21 de xuño de 1982), casou o 29 de abril de 2011 con Catarina Middleton (nada o 9 de xaneiro de 1982).
- Ana do Reino Unido (nada o 15 de agosto de 1950), casou o 14 de novembro de 1973 con Mark Phillips (nado o 22 de setembro de 1948) e divorciouse o 28 de abril de 1992. Casou logo o 12 de decembro de 1992 co vicealmirante Timothy Laurence (nado o 1 de marzo de 1955).
- Peter Phillips (nado o 15 de novembro de 1977), casou o 17 de maio de 2008 con Autumn Patricia Kelly (nada o 3 de maio de 1978).
- Savannah Phillips (nada o 29 de decembro de 2010).
- Isla Phillips (nada o 29 de marzo de 2012)
- Zara Phillips (nada o 15 de maio de 1981). Casou o 30 de xullo de 2011 con Mike Tindall (nado o 18 de outubro de 1978).
- Mia Tindall (nada o 17 de xaneiro de 2014).
- Lena Tindall (nada o 18 de xuño de 2018).
- Lucas Tindall (nado o 21 de marzo de 2021).
- Peter Phillips (nado o 15 de novembro de 1977), casou o 17 de maio de 2008 con Autumn Patricia Kelly (nada o 3 de maio de 1978).
- Príncipe André, duque de York, (nado o 19 de febreiro de 1960), casou o 23 de xullo de 1986 con Sarah Ferguson (nada o 15 de outubro de 1959) e divorciouse o 30 de maio de 1996.
- Princesa Beatriz de York (nada o 8 de agosto de 1988). Casou con Edoardo Mapelli Mozzi o 17 de xullo de 2020 (nado o 19 de novembro de 1983).
- Sienna Mapelli Mozzi (nada o 18 de setembro de 2021).
- Princesa Uxía de York (nada o 23 de marzo de 1990). Casou con Jack Brooksbank o 12 de outubro de 2018 (nado o 3 de maio de 1986).
- August Brooksbank (nado o 9 de febreiro de 2021).
- Princesa Beatriz de York (nada o 8 de agosto de 1988). Casou con Edoardo Mapelli Mozzi o 17 de xullo de 2020 (nado o 19 de novembro de 1983).
- Príncipe Eduardo de Wessex, (nado o 10 de marzo de 1964), casou o 19 de xuño de 1999 con Sofía Rhys-Jones (nada o 20 de xaneiro de 1965).
- Luísa Mountbatten-Windsor (nada o 8 de novembro de 2003).
- Xaime Mountbatten-Windsor (nado o 17 de decembro de 2007).
Notas
- ↑ Seus padriños foron o rei Xurxo V e a raíña María; o príncipe Arturo, duque de Connaught (seu tío avó paterno); a princesa María, vizcondesa Lascelles (súa tía paterna); lord Strathmore e lady Elphinstone (súa tía materna) (citado de Brandreth, p. 103; Hoey, p. 40).
- ↑ Tanto a Enciclopedia Galega Universal como a Diciopedia do século 21 utilizan esta forma
- ↑ Alonso, Juan Francisco (8 de setembro de 2022). "Muere Isabel II, testigo directo del último siglo de historia del Reino Unido". lavozdegalicia.es (en castelán). Consultado o 8 de setembro de 2022.
- ↑ Brandreth, p. 103; Pimlott, pp. 2-3; Lacey, pp. 75-76; Roberts, p. 74.
- ↑ "The Queen's Early Life" (en inglés). Reino Unido: Sitio web oficial de la Monarquía Británica. Consultado o 4 de abril de 2011.
- ↑ Hoey, p. 40.
- ↑ Brandreth, p. 103
- ↑ Pimlott, p. 12.
- ↑ Lacey, p. 56; Nicolson, p. 433; Pimlott, pp. 14-16.
- ↑ Crawford, p. 26; Pimlott, p. 20; Shawcross, p. 21.
- ↑ Brandreth, p. 124; Lacey, pp. 62-63; Pimlott, pp. 24, 69.
- ↑ Brandreth, pp. 108-110; Lacey, pp. 159-161; Pimlott, pp. 20, 163.
- ↑ Brandreth, pp. 108-110
- ↑ Brandreth, p. 105; Lacey, p. 81 y Shawcross, pp. 21-22.
- ↑ Brandreth, pp. 105-106.
Véxase tamén
Outros artigos
 |
Wikimedia Commons ten máis contidos multimedia na categoría: Isabel II do Reino Unido  |
.svg) Monarcas do Reino de Gran Bretaña Ana • Xurxo I • Xurxo II • Xurxo III .svg) Xurxo III • Xurxo IV • Guillerme IV • Vitoria • Eduardo VII • Xurxo V • Eduardo VIII • Xurxo VI • Isabel II • Carlos III |
| Control de autoridades |
|
|---|
