Vúda rape térã vudísmo (oúva karaiñe'ẽgui: budismo) ha'e niko jeroviapy, arandupykuaaty ha ánga jekuaa mbo'epy oĩva dharma atýpe. Hekoteépe oĩ heta tavarandu mba'e, jegueroviapy ha tekombo'e ángape guarã Buda Gautama ombo'e va'ekue. Kóva niko jeroviapy tuichavéva irundyha, oĩ amove 500 sua ojeroviáva Vúda rape rehe, upe niko 7 % opaite tekovégui ko Yvýpe.
Vúda rape oñepyrũ Índia retãme amoite saro'y VI térã IV Kirito mboyvépe, upe guive oñemosarambi Ásia vore kuarahyresẽygua tuichakue rupi ha imichĩve umíva ohóva hese hetã ypykuépe Ára Mbytegua pukukue.
Vúda rekombo'e ohechaukase mba'éichapa ikatu jagueropu'aka pe oporombohasa'asýva (dukkha) ha pe oporombohasáva manóre ha jeikovejeýre (samsara), taha'e ha'éva jahupytykuaágui pe nirvana térã jaikóramo Vúda rekópe.