Ñemoirũrape térã socialismo niko pe ypykatu osako'íva tetã sãmbyhyrã ha viru remimono'õrã he'íva umi mba'e mba'aporã (kokue, mba'eapopyha, tembipuru ha mákina) oĩ va'erãha mba'apoharakuéra poguýpe. Toiko hag̃ua upéicha, umi mba'apohára ikatu oiko mba'e mba'aporã jára ramo térã tetã ikatu oñemomba'e hese. Upéicha ko ypykatu iñambue capitalismo-gui, kóva niko he'i mba'e mba'aporã oĩ va'erãha umi ohepyme'ẽkuaáva térã apoñemyakãhára poguýpe. Ko'ã mokõi ypykatu oñombohovái.