đčđŽđđżđ đđđčđđđżđ (đșđđŽđșđ°đđ°đ¶đłđ°: ÎηÏÎżÏ Ï Î§ÏÎčÏÏÎżÏ), đ°đčđžđžđ°đż đčđŽđđżđ đœđ°đ¶đ°đđ°đčđž (đșđđŽđșđ°đđ°đ¶đłđ°: ÎηÏÎżÏÏ Î±ÏÏ ÎαζαÏÎÏ) đ đ°đ đčđżđłđ°đčđ đčđđșđ° đŒđŽđđŸđ°đœđłđ đđđżđŒđčđđđčđ đŸđŽđđ°đ·đżđœđłđčđ. đčđœ đđđčđđđ đčđđșđ°đč đČđ°đ»đ°đżđ±đŽđčđœđ°đč đčđđ đčđŽđđżđ đČđżđž đđ° đđżđœđżđ. đčđŽđđżđ đ đ°đ đčđżđłđ°đčđżđ đżđ đČđ°đ»đŽđčđ»đ°đčđ°đż đŸđ°đ· đłđ°đżđđčđžđ đ đ°đđž đđđ°đŒ đčđđ·đ°đœđœđŽ. đłđżđ·đČđ°đœđœ đžđ°đœ đđ đŽđ° đ»đ°đčđđŽđčđœ đŒđŽđđŸđ°đœ. đčđœđżđ· đžđčđ đ»đ°đ đđčđđđœđŸđ°đœđ, đžđ°đœđ¶đŽđč đČđ°đŸđżđșđđŒ đ»đ°đčđđčđłđ°. đđđ°đ·đżđœđžđ°đœđ đ đ°đđž đđđ°đŒ đ°đ»đŸđ°đčđŒ đčđżđłđ°đčđčđŒ đŸđ°đ· đżđđ·đđ°đŒđčđžđ đ đ°đđž đđđ°đŒ đđ°đżđœđđčđ°đż đđŽđčđ»đ°đđ°đż, đđżđŒđđœđčđđșđ°đŒđŒđ° đșđčđœđłđčđœđ°. đ°đđ°đ đłđ°đżđžđ°đżđ, đđčđđđœđŸđđ đđŽđčđœđ°đč đČđ°đ»đ°đżđ±đčđłđŽđłđżđœ đŽđč đčđŽđđżđ đżđ đłđ°đżđžđ°đżđ đżđđđ°đčđđčđłđ°.
đčđœ đđđčđđđ đčđđșđ°đč đČđ°đ»đ°đżđ±đŽđčđœđ°đč đčđŽđđżđ đČđ°đ±đ°đżđđ°đœđ đ đ°đđž đđđ°đŒ đžđčđ¶đ°đč đŒđ°đČđ°đžđ°đč đŒđ°đđčđ°đŒ đžđ°đčđđ· đ°đ·đŒđ° đžđ°đœđ° đ đŽđčđ·đœđ°. đ°đđČđ°đ đđčđș đđčđ»đ±đ°đœ đ·đżđœđđ» đŸđ°đ· đđ°đżđž đČđżđłđ° đŽđč đđđ°đżđ đ°đżđđ·đđ°đœđ đœđ°đđŸđ°đč. đżđđđ°đčđđčđłđ° đżđ đłđ°đżđžđ°đżđ, đČđ°đ»đ°đčđž đčđœ đ·đčđŒđčđœ, đŸđ°đ· đ°đđ đ°đœđłđŽđčđž đđčđș. đŒđ°đœđ°đČđ°đč đ±đ»đđđŸđ°đœđł đčđŽđđż đđ đŽ đČđżđž, đđ°đŽđč đ»đŽđčđș đ đ°đđž; đ°đœđžđ°đ đžđđčđŸđŽ đđčđżđœđŽ đČđżđłđčđ.
đčđœ đčđđ»đ°đŒđčđđșđ°đč đČđ°đ»đ°đżđ±đŽđčđœđ°đč đčđŽđđżđ đđđ°đżđđŽđđżđ đČđżđłđčđ đčđđ. đČđ°đ·đ»đ°đżđ±đŸđ°đłđ° đŽđč đ đ°đđž đŸđ°đ· đđđ°đŒ đŒđ°đČđ°đžđ°đč đČđ°đ±đ°đżđđ°đœđ, đčđž đœđč đ đ°đ đđżđœđżđ đČđżđłđčđ. đșđđđ°đżđœ, đžđđ đ±đđșđđ đ đŽđčđ·đđœđ đčđđ»đ°đŒđ°đčđ¶đđ đČđ°đ»đ°đżđ±đŽđčđœđ°đčđ, đčđœđđ°đșđčđž đŽđč đčđŽđđżđ đđčđ»đ±đ° đœđč đ°đčđ đ”đ°đž đŽđč đČđżđž đ đŽđđč. đŒđ°đœđ°đČđ°đč đČđ°đ»đ°đżđ±đŸđ°đœđł đŽđč đčđŽđđżđ đœđč đ đ°đđž đżđđ·đđ°đŒđčđžđ. đ°đžđžđ°đœ đœđ°đđčđžđ đ đ°đđž đđđ°đŒ đČđżđłđ° đŸđ°đ· đżđđđ°đčđđčđžđ đčđœ đ·đčđŒđčđœ.
đčđœ đčđżđłđ°đčđ đčđđșđ°đč đČđ°đ»đ°đżđ±đŽđčđœđ°đč đčđŽđđżđ đœđčđđ đđđčđđđżđ. đČđ°đ»đ°đżđ±đŸđ°đłđ° đŽđč đœđč đ đ°đ đđđ°đżđđŽđđżđ đœđčđ· đżđđđ°đčđđčđžđ.
đ°đđ°đ đ°đčđ đ°đČđČđŽđ»đŸđđœ, đčđŽđđżđ đđđčđđđżđ đČđ°đ±đ°đżđđ°đœđ đ đ°đđž đčđœ đ±đŽđžđ»đ°đčđ·đ°đčđŒ. đčđ đ°đčđ đ°đČđČđŽđ»đčđłđ° đČđ°đ· đČđ°đđ°đ đčđłđ° đđ°đčđșđœđčđœđ. đżđđ·đđ°đŒđčđžđ đ đ°đđž đčđœ đčđ°đčđđżđđ°đżđ»đ đŒđ°đč. đžđđ đđčđłđ đđ đ°đčđ đ°đČđČđŽđ»đŸđđ (đžđ°đčđđ· đŒđ°đđžđčđ°đż, đŒđ°đđșđż, đŸđ°đ· đčđđ·đ°đœđœđŽ) đđčđœđł đžđ°đč đ·đ°đżđ±đčđłđ°đ±đđżđœđœđ°đœđ đ»đčđ±đ°đčđœđ°đčđ đŸđ°đ· đ»đ°đčđđŽđčđœđ°đčđ đčđŽđđżđčđ, đčđž đœđč đđ°đđŸđđ· đ°đčđ đ°đČđČđŽđ»đŸđđœđ đčđđ đđ°đŒđ. đčđœ đ°đœđ°đđđđłđŽđčđœđ°đč đ°đčđ đ°đČđČđŽđ»đŸđđœđ đžđ°đčđđ· đčđđ·đ°đœđœđŽ đ·đ°đčđđ°đłđ° đčđŽđđżđ đžđ°đđ° đ đ°đżđđł đ»đŽđčđș đ đ°đżđđžđ°đœđ, đčđœđżđ· đžđčđ đ đ°đ đčđŽđđżđ đđčđœđđŽđčđœđ đŒđčđž đČđżđłđ° đđđ°đŒ đ°đœđ°đđđđłđŽđčđœđ°đč. đœđč đžđ°đđ°đčđœđŽđč đ đ°đ đŒđ°đčđ¶đ° đ°đ»đ»đ°đčđŒ đŒđ°đœđœđčđđșđ°đŒđŒđ° đđđ°đżđđŽđđżđŒ, đ°đș đŸđ°đ· đŒđ°đčđ¶đ° đ°đœđ°đ đ°đčđđžđ°đŒđŒđ° đđđ°đżđđŽđđ°đż. đœđč đžđ°đđ°đčđœđŽđč đđđłđŽđčđž đČđżđłđčđ đ đ°đżđđłđ°; đčđ đčđđ đČđżđłđčđ đ đ°đżđđłđ°. đčđœ đ°đčđ đ°đČđČđŽđ»đŸđđœ đžđ°đčđđ· đčđđ·đ°đœđœđŽ đ°đœđ°đ·đżđ»đčđž đčđŽđđżđ đžđ°đđŽđč đČđżđłđčđđșđ đčđđ; đčđđ đ·đ»đ°đčđđ đ»đ°đčđ±đ°đčđœđ°đčđ, đ»đčđżđ·đ°đž đđ°đčđđđ°đżđ.
đčđŽđđżđ đ đ°đ đčđżđłđ°đčđżđ, đČđ°đ±đ°đżđđ°đœđ đđđ°đŒ đŒđ°đđčđ°đŒ, đ”đŽđœđ đčđđđŽđđčđ.
đčđŽđđżđčđ đČđ°đđłđ đčđœ đ°đčđ đ°đČđČđŽđ»đŸđđœ đžđ°đčđđ· đ»đżđșđ°đœ đŸđ°đ· đŒđ°đđžđčđ°đż đčđđ đ±đ°đżđđČđ đœđ°đ¶đ°đđ°đčđž đčđœ đČđ°đ»đŽđčđ»đčđ°đż, đžđ°đđŽđč đ±đ°đżđčđłđ° đŒđčđž đđ°đłđđŽđčđœđ°đč đđŽđčđœđ°đč. đ·đ°đ±đ°đčđłđ° đđ°đčđ·đđčđ đ°đ»đŸđđ đđ°đłđđŽđčđœđčđœđ - đ±đđđžđđżđœđ đčđ°đŒđ, đčđđđŽđ, đčđżđłđ°đœ đŸđ°đ· đđŽđčđŒđđœ đŸđ°đ· đœđ°đŒđđ»đ°đżđđđ đđ đčđđđđżđœđ. đčđŽđđżđ đ·đ°đčđđ°đłđ° ÏÎÎșÏÏÎœ, đžđ°đđŽđč đčđđ đđčđŒđđŸđ°. đ±đčđžđŽ đčđŽđđżđ đ±đ°đđœđčđ»đ đ đ°đ, đŒđ°đœđœđ° đ·đ°đčđđ°đłđ° đđ đŒđ°đčđđœ đ”đ°đž đłđż đŒđ°đđčđ°đŒ đŸđ°đ· đčđđđŽđ±đ° đŽđč đčđŽđđżđ "đ»đčđČđčđž đłđż đłđđżđđ° đŸđ°đ· đżđđđđ°đđđ°đč đŒđ°đœđ°đČđ°đčđ¶đŽ đčđœ đčđđđ°đŽđ»đ° đŸđ°đ· đłđż đđ°đčđșđœđ°đč đ°đœđłđđ°đșđ°đœđ°đč đŸđ°đ· đžđ°đœ đžđŽđčđœđ° đđčđ»đ±đđœđ đđ°đčđ đ°đ»đ° đžđ°đčđđ·đČđ°đČđČđčđž đ·đ°đčđđżđ, đŽđč đ°đœđłđ·đżđ»đŸđ°đčđœđłđ°đż đżđ đŒđ°đœđ°đČđ°đčđŒ đ·đ°đčđđđ°đŒ đŒđčđđđœđŽđčđ". đ°đđ°đ đžđ°đđŽđč đžđ°đœ đČđ°đđđđž đčđŽđđżđ đčđœ đčđ°đčđđżđđ°đ»đŽđŒ, đŸđ°đ· đ±đŽđđżđđŸđđ đđŽđčđœđ°đč đœđč đ±đčđČđčđđ°đœđłđđœđ° đČđ°đ đ°đœđłđčđłđŽđłđżđœ đđčđș đŸđ°đ· đ±đčđČđŽđđżđœ đčđœđ° đ°đ»đ· đđčđđ°đœđłđ°đœ đčđœ đŒđčđłđŸđ°đčđŒ đ»đ°đčđđ°đđŸđ°đŒ đŸđ°đ· đ·đ°đżđđŸđ°đœđłđ°đœ đčđŒ đŸđ°đ· đđđ°đčđ·đœđ°đœđłđ°đœ đčđœđ. đ°đčđžđŽđč đđŽđčđœ đ°đœđ°đ·đ°đčđ·đ°đčđ đčđŒđŒđ°, đčđž đčđŽđđżđ đ°đœđłđ·đđ đ”đčđžđ°đœđłđ đŽđč "đœđčđż đ đčđđđŽđłđżđž đžđ°đđŽđč đčđœ đžđ°đčđŒ đ°đđđčđœđ đŒđŽđčđœđčđ đđșđżđ»đ° đ đčđđ°đœ?"
đčđœ đ°đčđ đ°đČđČđŽđ»đŸđđœ đžđ°đčđđ· đŒđ°đđșđż đłđ°đżđđčđžđ đ đ°đ đčđŽđđżđ đđđ°đŒ đčđđ·đ°đœđœđŽ đŸđ°đ· đčđđ·đ°đœđœđŽđ đČđ°đđ°đ đ°đ·đŒđ°đœ đđ đŽ đ°đ·đ°đș đ°đđČđ°đČđČđ°đœđłđ°đœ đ°đœđ° đčđŽđđż đŸđ°đ· đČđ°đ·đ°đżđđčđłđ° đđđčđ±đœđ° đ”đčđŒđ°đœđłđ°đœđ° đżđ đ·đčđŒđčđœđ°đŒ: "đžđż đčđ đđżđœđżđ đŒđŽđčđœđ đđ° đ»đčđżđ±đ° đčđœ đžđżđ¶đŽđč đ đ°đčđ»đ° đČđ°đ»đŽđčđșđ°đčđłđ°. đżđđżđ·đđ°đżđ· đžđ°đœ đčđŽđđż đčđœ đ°đżđžđčđłđ° đžđ°đđŽđč đ đ°đ đłđ°đČđŽ đđčđłđ đđ đđżđČđżđœđ đđđ°đčđđ°đœđ đđđ°đŒ đđ°đđ°đœđčđœ. đ°đđ°đ đžđ°đđŽđč đ°đđČđčđ±đ°đœđ đ đ°đđž đčđđ·đ°đœđœđŽđ đŸđ°đ· đ”đ°đŒ đčđŽđđżđ đčđœ đČđ°đ»đŽđčđ»đ°đčđ°đż đŒđŽđđŸđ°đœđłđ đ°đčđ đ°đČđČđŽđ»đŸđđœ. đčđœ đ°đčđ đ°đČđČđŽđ»đŸđđœ đžđ°đčđđ· đŒđ°đđžđčđ°đż đčđđ đłđ°đżđđŽđčđœđ đčđŽđđżđčđ đČđ°đ»đŽđčđșđ° đ°đčđ đ°đČđČđŽđ»đŸđđœ đžđ°đčđđ· đŒđ°đđșđż.
đčđœ đ°đčđ đ°đČđČđŽđ»đŸđđœ đžđ°đčđđ· đ»đżđșđ°đœ đ°đđčđłđłđŸđ° đłđ°đ»đ°đž đ°đ·đŒđ° đđ° đ đŽđ·đ° đđ đŽ đ°đ·đ°đș đ±đčđžđŽ đ±đčđłđŸđ°đœđłđ đ đ°đ đčđŽđđżđ.
đčđœ đ°đčđ đ°đČđČđŽđ»đŸđđœ đžđ°đčđđ· đčđđ·đ°đœđœđŽ đ đŽđčđđ đđłđŽđčđž đčđđ·đ°đœđœđŽđ đŽđč đČđ°đđ°đ đ°đ·đŒđ°đœ đ°đđČđ°đČđČđ°đœđłđ°đœ đ°đœđ° đčđŽđđż, đčđž đœđč đ·đ°đ±đ°đčđž đłđ°đżđđŽđčđœ đœđčđ· đđđ°đčđđŽđčđœ đčđŽđđżđčđ.
đčđŽđđżđ đ·đ°đ±đ°đčđłđ° đđ đ°đ»đčđ đ°đđ°đżđđđ°đżđ»đżđœđ. đčđœ đ°đčđ đ°đČđČđŽđ»đŸđđœ đžđ°đčđđ· đŒđ°đđžđčđ°đż đŸđ°đ· đŒđ°đđșđż đ đŽđđżđœ đ°đđ°đżđđđ°đżđ»đŽđčđ đđčđđșđŸđ°đœđ đžđ°đčđ¶đŽđč đđżđœđ đ°đđ»đ°đčđ»đđđżđœ đžđ đœđ°đđŸđ° đđŽđčđœđ° đłđż đ»đ°đčđđđŸđ°đœ đ°đđ°đ đčđŽđđżđ°. đčđœ đ°đčđ đ°đČđČđŽđ»đŸđđœ đžđ°đčđđ· đčđđ·đ°đœđœđŽ đ°đđ°đżđđđ°đżđ»đŽđčđ đ đŽđđżđœ đđ°đżđđžđčđ đđčđđđœđŸđđ đčđđ·đ°đœđœđčđ. đčđđ·đ°đœđœđŽđ đČđ°đđ°đčđđ°đœđłđ đčđŽđđż đŸđ°đ· đ·đ°đčđ·đ°đčđ đčđœđ° đžđ°đœđ° đ đčđžđđż đČđżđłđčđ; đžđ°đđ° đČđ°đ·đ°đżđđŸđ°đœđłđ°đœđ đđčđđđœđŸđđ đ»đ°đčđđđčđłđŽđłđżđœ đ°đđ°đ đčđŽđđżđ°.
đčđŽđđżđ đ»đ°đčđđčđłđ° đČđ°đŸđżđșđđŒ đ±đč đžđčđżđłđ°đœđČđ°đđłđ° đČđżđłđčđ. đ»đ°đčđđčđłđ° đŸđ°đ· đđ°đčđ·đđčđ đžđđ đ°đœđ°đ±đżđđœđčđœđ: đœđč đ·đđđčđœđđ, đœđč đŒđ°đżđđžđđ°đčđ, đœđč đ·đ»đčđđ°đčđ; đœđč đđčđŸđ°đčđ đČđ°đ»đčđżđČđ°đ đŽđčđđđłđ; đœđč đ°đœđ°đŒđ°đ·đđŸđ°đčđ; đđ đŽđđ°đč đ°đđđ°đœ đžđŽđčđœđ°đœđ° đŸđ°đ· đ°đčđžđŽđčđœ đžđŽđčđœđ°.
đżđđ·đđ°đŒđŽđčđœđ đčđŽđđżđčđ đčđœ đ°đ»đ°đčđŒ đ°đčđ đ°đČđČđŽđ»đŸđđŒ đčđđ. đżđđ·đđ°đŒđčđžđ đ đ°đđž đđđ°đŒ đđżđŒđđœđčđđșđ°đčđŒ đČđ°đłđđ°đżđ·đđ°đŒ. đđ°đżđđžđčđ¶đŽ đżđđ·đđ°đŒđčđžđ đ đ°đżđđžđč, đđđđž đčđŽđđżđ đđ°đżđđ° đđ°đżđœđđčđ°đż đđŽđčđ»đ°đđ°đż, đđ°đŽđč đđđ°đ· đčđœđ° đ”đčđžđ°đœđłđ: "đžđż đčđ đžđčđżđłđ°đœđ đčđżđłđ°đčđŽ?" đčđŽđđżđ đ°đœđłđ·đđ đ”đčđžđ°đœđłđ: đžđż đ”đčđžđčđ". đ°đđ°đ đžđ°đđŽđč đœđč đ°đœđłđ·đđ đčđŒđŒđ° đčđŽđđżđ, đđ đ°đđ đŽ đđčđ»đłđ°đ»đŽđčđșđčđłđ° đđ° đșđčđœđłđčđœđ đđčđ»đż. đ đ°đđżđ· đžđ°đœ đŸđ°đ· đđ đ°đč đ±đ°đœđłđŸđ°đœđ: đčđŽđđżđ đđđčđđđżđ đŸđ°đ· đčđŽđđżđ đ±đ°đđ°đ±đ±đ°đ, đžđ°đđŽđč đčđđ "đčđŽđđżđ đđżđœđżđ đŒđ°đœđ". đđ° đșđčđœđłđčđœđ đŒđ°đ·đđ° đ°đčđœđ°đœđ° đ±đ°đœđłđŸđ°đœ đžđčđ¶đ°đč đŒđ°đœđ°đČđŽđčđœ đđđ°đ»đŽđđ°đœ, đžđ°đœđŽđč đ đčđ»đłđŽđłđżđœ. đ”đ°đž đžđ°đœ đčđŒ đđŽđčđ»đ°đđżđ: "đđ°đœđ° đ đčđ»đŽđčđž đŽđč đđđ°đ»đŽđđ°đż đčđ¶đ đčđ? đ±đ°đđ°đ±đ±đ°đœ đžđ°đż đčđŽđđż, đđ°đŽđč đ·đ°đčđđ°đłđ° đđđčđđđżđ?" đđ đŒđ°đœđ°đČđŽđč đČđ°đ đ°đ»đčđłđŽđłđżđœ đ±đ°đđ°đ±đ±đ°đœ, đčđœđżđ· đžđčđ đčđŽđđżđ đđđčđđđżđ đżđđ·đđ°đŒđčđžđ đ·đ°đ±đ°đčđłđ° đ đ°đčđđžđ°đœ.
đžđ°đč đČđ°đłđđ°đżđ·đđđ đžđ°đœ đčđŽđđż đżđđ·đđ°đŒđčđłđŽđłđżđœ. đżđđ°đ đ·đ°đżđ±đčđž đčđŽđđżđčđ đđđđž đđŽđčđ»đ°đđ°đżđ đČđ°đŒđŽđ»đŽđčđœđ "đčđŽđđżđ đœđ°đ¶đ°đđ°đčđž đžđčđżđłđ°đœđ đčđżđłđ°đčđŽ". đ đ°đżđđžđżđœ đŸđ°đ· đđ đ°đč đžđčđżđ±đđ đżđđ·đđ°đŒđčđłđ°đč. đČđ°đłđđ°đżđ·đđđ đČđ°đ±đđŽđșđżđœ đđđđżđœđ đžđčđżđ±đŽ đłđż đđœđčđżđŒđŸđ°đœ đłđ°đżđžđż đčđ¶đŽ, đčđž đœđč đđđđżđœđ đčđŽđđżđčđ đżđœđđŽ đŸđż đłđ°đżđžđ đ đ°đ.