Leddoge

Y leddogeyr singylyn Frangagh Guillaume Rufin shirveishagh rish y leddogeyr Sheckagh Tomáš Berdych ec cloie leddoge 'syn Australian Open

She spoyrt baghyl ee leddoge ny laddoge, ny tennys ny bassag ny keayrtyn. T'eh cloiet fer-er-fer (singylyn) ny eddyr daa wirran as daa chloieder er dagh fwirran (dooblaghyn). Ta dagh cloieder gymmydey baghyl ta strengit lesh coyrd son bluckan rubbyr follym ta coodit lesh pelt y woalley harrish ny mygeayrt lieen stiagh ayns cooyrt y chondaigagh. She dean y ghamman y vluckan y arraghey lheid as nagh vel y condaigagh jargal aa-woalley fondagh y chloie. Yn cloieder nagh vel jargal y bluckan y aa-woalley, cha gossyn eh poynt choud cheddin ta'n cloieder elley cosney poynt.

She spoyrt Olympagh ee yn leddoge, as t'ee goll er cloie ec dagh keim y çheshaght as ec dagh blein d'eash. Foddee leddoge y chloie ec peiagh erbee foddee baghyl y reayll, goaill stiagh adsyn ayns caairyn wheeyllagh. Hoshee yn gamman noa-emshiragh ayns Birmingham, Sostyn, 'sy 19oo eash myr leddoge aaie. Va kianglaghyn çhion ec y leddoge rish gammanyn faaie eigsoylagh, lheid as crokay as boulleraght, chammah's rish y çhenn spoyrt baghyl ta goll er enney jiu myr leddoge chiart.

Ta reillyn y leddoge noa-emshiragh unnane as adsyn v'ayn ayns ny 1890yn, goaill magh daa reill er lhimmey: derrey 1961 cha row eh lowit ec y çhirveishagh yn daa chass echey ny eck y ghoaill seose ass y laare, as doltey y chorrym-vrishey ayns ny 1970yn. She bishaght rish y leddoge cheirdey na doltey çhaghnoaylleeaght yn aavriwnys lectraneagh goll rish corys arganey poyntyn. Ta'n corys shen lhiggey da cloieder eam linney poynt y arganey noi as she Hawk-Eye yn ennym ta currit er y chorys shen.

Ta'n leddoge goll er cloie ec millioonyn dy chloiedern soccar as she spoyrt fakinagh er feie'n chruinney t'ee chammah. Ta ny kiare yl-chloiaghyn Grand Slam feer ennoil: yn Australian Open, ta cloiet er cooyrtyn creoi; y French Open, ta cloiet er cooyrtyn cray ruy; Wimbledon, ta cloiet er cooyrtyn faiyragh; as yn US Open, ta cloiet er cooyrtyn creoi.

Imraaghyn

  1. ↑ "Tennis Rules: How To Play Tennis | Rules of Sport". www.rulesofsport.com. Feddynit magh er 2021-11-25.
  2. ↑ "Tennis Rules". Pro Tennis Tips. 2015-03-15. Feddynit magh er 2021-11-25.
  3. ↑ William J. Baker (1988). "Sports in the Western World". dg. 182. University of Illinois Press,
  4. ↑ "tennis | Rules, History, Prominent Players, & Facts | Britannica". www.britannica.com. Feddynit magh er 2021-11-25.
  5. ↑ "leg drive on the serve". Intuitive Tennis – Online Tennis Lessons, Video, and Blog. Er ny hashtey veih yn lhieggan bunneydagh er 2021-11-25. Feddynit magh er 2021-11-25.
  6. ↑ Macdonald, Geoff (2011-08-28). "How the Serve Went Over the Top", The New York Times. Feddynit magh er 2021-11-25. 
  7. ↑ "Tennis 360: tiebreaks explained". Tennis Australia. Feddynit magh er 2021-11-25.
  8. ↑ Maine, D'Arcy (25 Boaldyn 2021). "US Open to use Hawk-Eye line-calling technology on all tennis courts for first time", ESPN. Feddynit magh er 25 Sauin 2021. 
  9. ↑ "Hawkeye Tennis Line-Calling System". www.topendsports.com. Feddynit magh er 2021-11-25.
  10. ↑ "PARTICIPATION INCREASES AS ITF PUBLISHES GLOBAL TENNIS REPORT 2021", ITF (16 Luanistyn 2021). Feddynit magh er 25 Sauin 2021. 
  11. ↑ "Grand Slam Tournaments". ITF. Feddynit magh er 25 Sauin 2021. {{cite web}}: Check date values in: |accessdate= (cooney)CS1 maint: url-status (link)

Kianglaghyn magh

Ta tooilley mean ayns Wikimedia Commons bentyn rish: Leddoge.