Krzysztof Kamil Baczyński (* 22. januara 1921 we Waršawje, † 4. awgusta 1944 runje tam) bě pólski basnik a wojak Waršawskeho zběžka.
Nan Krzysztofa Kamila Baczyńskeho bě pólski spisowaćel Stanisław Baczyński a jeho mać Stefania Zieleńczyk je napisała humanistiske a pedagogiske spisy. Wón wopyta gymnazij „Stefan Batory“ we Waršawje a přistupi w lěće 1935 socialistiskej młodźinskej organizaciji „Spartakus“.
Baczyński spřećeli so w lěće 1940 ze spisowaćelom Jerzymom Kamilom Weintraubom. Wón pisaše pod pseudonymom „Jan Bugaj“. Wojowaše we Waršawskim zběžku a zemrě 4. awgusta 1944.