Rěki su w powšitkownym zmysle přirodne a runočarne běžate wodźizny na powjerchu zemje. Zapřijeće we wšědnym wužiwanju zamjezuje a poćahuje so potom jenož na běžate wodźizny srěneje wulkosće w rozdźělu k wjetšim wulkorěkam a mjeńšim rěčkam. Powšitkownje płaćiwe mězne hódnoty za tute historisce a geografisce wšelakore rěčne rozdźěle njeeksistuja, čehoždla so zapřijeći wulkorěka a rěčka w geowědomostnym rěčnym wužiwanju wobeńdu.
Najwažnišej rěce we Łužicy stej Sprjewja (kotraž so w delnjoserbskich dialektach husto prosće „Rěka“ mjenuje) a Nysa.