«Heaven», կանադացի երգիչ, կիթառահար և երգերի հեղինակ Բրայան Ադամսի երգը, որը թողարկվել է 1985 թվականի ապրիլի 9-ին՝ որպես նրա «Reckless» չորրորդ ալբոմի երրորդ սինգլ։ Երգի հեղինակներն են Բրայան Ադամսը և Ջիմ Վալանսը, իսկ պրոդյուսերները՝ Բոբ Քլիմոնթեյնը և անձամբ Ադամսը։ Սինգլը գլխավորել է ամերիկյան «Billboard Hot 100» հիթ-շքերթը և Կանադայում ստացել ոսկե հավաստագրում։
Համացանցում տեսահոլովակի դիտումների քանակը, ըստ 2020 թվականի տվյալների, կազմում է 192 միլիոն։
Պատմություն
1983 թվականին Ադամսն ավելի քան 100 անգամ հանդես է եկել «Journey» խմբի հետ, նա խմբի «Frontiers Tour» համերգային շրջագայությանը ներկայացել է առաջինը։ Այդ ժամանակ Ադամսը Ջիմ Վալանսի հետ գրել է նոր երգ, որն անվանվել է «Heaven»։ Երգի ստեղծման համար ոգեշնչման աղբյուր է հանդիսացել «Journey» խմբի «Faithfully» երգը։ Երգը ձայնագրվել է 1983 թվականի հունիսի 6-ին և 7-ին Նյու Յորքի «Power Station» ստուդիայում։ Սկզբում պրոդյուսերներից մեկը, որի հետ այն ժամանակ աշխատել է Բրայանը, խորհուրդ չէր տալիս «Heaven»-ը ներառել նոր ալբոմում՝ պատճառաբանելով, որ այն չափազանց «թեթև» է նրա համար։ Եվ միայն վերջին պահին Ադամսը մտափոխվել է և այն ներառել «Reckless» ալբոմում։
Ստեղծագործությունների ցանկ
US 7" (A&M 2729)
«Heaven»
«Heaven» (live)
US 12" promo (A&M SP-17318)
«Heaven»
«Heaven» (live)/«Kids Wanna Rock» (live)
UK 7" (A&M AM256)
«Heaven»
«Diana»
UK 12" (A&M AMY256)
«Heaven»/«Diana»
«Heaven» (live)/«Fits Ya Good»
Տեսահոլովակ
Նկարահանվել է այս երգի երկու տեսահոլովակ։ Առաջին տեսահոլովակը նկարահանվել է Կանադայի Վանկուվեր քաղաքի «Stanley Industrial Alliance Stage» թատրոնում։ Տեսահոլովակի ռեժիսորն իռլանադացի Սթիվեն Բերոնն է, որն ավելի վաղ նկարահանել էր «a-ha» խմբի «Take on Me» և Մայքլ Ջեքսոնի«Billie Jean» երգերի տեսահոլովակները։ Տեսահոլովակում հայտնվել են բրիտանացի դերասանուհի Լիզեթ Էնթոնին և կանադացի դերասան Գարվին Սենֆորդը։
Երկրորդ տեսահոլովակը նկարահանվել է Մեծ Բրիտանիայի մայրաքաղաք Լոնդոնում անցկացվող կենդանի համերգի ժամանակ։ Այս տեսահոլովակն առաջադրվել է MTV երաժշտական տեսահոլովակի մրցանակաբաշխության «Լավագույն կինեմատոգրաֆիա» անվանակարգի։
2001 թվականին եվրոպացի դիջեյներ իսպանացի Sammy-ն և գերմանացի Yanou-ն ձայնագրել են «Heaven» երգի պարային տարբերակը (վոկալիստը եղել է հոլանդացի երգչուհի Do-ն)։ Այն բրիտանական հիթ-շքերթում զբաղեցրել է առաջին հորիզոնականը, Միացյալ Նահանգներում՝ ութերորդ։
*Վաճառքի վերաբերյալ տվյալները հիմնված են միայն հավաստագրումների վրա։ ^Տվյալները հիմնված են միայն հավաստագրումների վրա։ xՉճշտված տվյալները հիմնված են միայն հավաստագրումների վրա։
Ծանոթագրություններ
↑ 1,01,1«Heaven». JimVallance.com. Արխիվացված է օրիգինալից 2004 թ․ մայիսի 7-ին. Վերցված է 2004 թ․ մայիսի 7-ին.
↑«Album notes for Anthology by Dave Marsh (CD booklet). A&M Records (A&M 5613)». 2005 թ․ հոկտեմբերի 18.