Աննա Հարիսոն անգլ.՝ Anna Harrison | |
Մասնագիտություն՝ | քաղաքական գործիչ |
---|---|
Դավանանք | պրեսբիտերականներ |
Ծննդյան օր | հուլիսի 25, 1775 |
Ծննդավայր | Մորիսթաուն, Նյու Ջերսի նահանգ, Բրիտանական Ամերիկա |
Վախճանի օր | փետրվարի 25, 1864 (88 տարեկան) |
Վախճանի վայր | Նորթ Բենդ |
Թաղված | William Henry Harrison Tomb State Memorial |
Քաղաքացիություն | ԱՄՆ |
Ի ծնե անուն | անգլ.՝ Anna Tuthill Symmes |
Հայր | Ջոն Քլիվս Սիմս |
Մայր | Աննա Թաթիլ |
Ամուսին | Ուիլյամ Հարիսոն |
Զավակներ | Ջոն Սքոթ Հարիսոն, Քարթեր Բասեթ Հարիսոն, Էլիզաբեթ Բասեթ Հարիսոն, Ջոն Քլիվս Սիմս Հարիսոն, Լյուսի Սինգլթոն Հարիսոն, Ուիլյամ Հենրի Հարիսոն, Բենջամին Հարիսոն, Մերի Սիմս Հարիսոն, Աննա Թաթիլ Հարիսոն և Ջեյմս Ֆինդլի Հարիսոն |
Ինքնագիր | |
Աննա Տատխիլլ Սիմմս Հարիսոն (անգլ.՝ Anna Tathill Simms Garrison հուլիսի 25, 1775, Մորիսթաուն, Նյու Ջերսի նահանգ, Բրիտանական Ամերիկա - փետրվարի 25, 1864, Նորթ Բենդ, նախագահ Ուիլյամ Հենրի Հարիսոնի կինը՝ նախագահ Բենջամին Հարիսոնի տատը։ ԱՄՆ-ի առաջին տիկին է եղել 1841 թվականի մարտի 4-ից մինչև ապրիլի 4-ը։
Աննան ծնվել է Նյու Ջերսիի Մորիսթոն քաղաքում, 1775 թվականի հուլիսի 25-ին, նրա ծնողներն էին Ջոն Քլիվ Սիմսը և Աննա Թաթիլ Սիմսը։ Մայրը մահացել է 1776 թվականին։ Պատերազմի ժամանակ նրան խնամել են Լոնգ-Այլենդում գտնվող նրա տատերն ու պապերը։
Նա մեծացել է Լոնգ-Այլենդում ՝ ստանալով անսովոր լայն կրթություն այդ ժամանակի կնոջ համար։ Երբ նա տասներեք տարեկան էր, Աննան հայրիկի և խորթ մոր հետ տեղափոխվել են Օհայո նահանգի Հյուսիսային Բենդ քաղաք։ 1795 թվականի ապրիլին որոշ հարազատների այցելելիս՝ Աննան հանդիպել է Ուիլյամ Հենրի Հարիսոնի հետ։ Հարիսոնը, այն ժամանակ բանակի լեյտենանտ էր, գտնվում էր քաղաքում՝ ռազմական գործերով։ Չնայած Աննայի հոր նախնական դժգոհությանը, երիտասարդները սկսել են հանդիպել և ամուսնացել են 1795 թվականի նոյեմբերի 22-ին։ Նրանք ունեցել են տաս երեխա։
Երբ նրա ամուսինը՝ Ուիլյամ Հարիսոնը, ընտրվել է նախագահ 1841 թվականին, Աննան արգելափակվել էր հիվանդության պատճառով Նորթ Բենդում գտնվող իր տանը և չի կարողացել ամուսնուն ուղեկցել Վաշինգտոն։ Նախագահ Հարիսոնին ուղեկցում էր որդու այրին Ջեյն Իրվին Գարիսոնը, որին նա տվել էր իր անունը, որը պետք է իրականացներ առաջին տիկնոջ բոլոր գործառույթները մինչև այն պահը, երբ Աննան կառողջանա։ Սակայն ապրիլի 4-ին՝ ընտրվելուց ուղիղ մեկ ամիս անց, նախագահ Հարիսոնը մահացել է, և Աննան այդպես չի մտել Սպիտակ տուն։
Ամուսնու մահից հետո Աննան ապրում էր իր որդու՝ Ջոն Սքոթ Հարիսոնի հետ Հյուսիսային Բենդում։ 1841 թվականի հունիսին նախագահ Ջոն Թայլերը օրենք է ստորագրել և 25 000 ԱՄՆ դոլար դրամաշնորհ է տվել տիկին Հարիսոնին։
Աննա Հարիսոնը մահացել է 1864 թվականի փետրվարի 25-ին, 88 տարեկան հասակում և թաղվել է Հյուսիսային Բենդ նահանգի հուշահամալիրի Ուիլյամ Հենրի Հարիսոն գերեզմանոցում։
Վիքիպահեստն ունի նյութեր, որոնք վերաբերում են «Աննա Հարիսոն» հոդվածին։ |
|
|