Բիքսեն Լիզարազյու բասկ.՝ Bixente Lizarazu | |||
---|---|---|---|
Քաղաքացիությունը | Ֆրանսիա | ||
Ծննդյան ամսաթիվ | դեկտեմբերի 9, 1969 (54 տարեկան) | ||
Ծննդավայր | Սեն Ժան դը Լյուզ | ||
Հասակ | 1,69 մետր | ||
Քաշ | 69 կիլոգրամ | ||
Դիրք | եզրային պաշտպան | ||
| |||
| |||
| |||
| |||
|
Բիշենտե Լիզարազյու (Լիսարասու), (բասկ.՝ Bixente Lizarazu , ֆր.՝ Bixente Lizarazu) (դեկտեմբերի 9, 1969, Սեն Ժան դը Լյուզ), ազգությամբ բասկ ֆրանսիացի ֆուտբոլիստ, եզրային պաշտպան, հանդես է եկել «Բորդոյում», Աթլետիկ «Բիլբաոյում», «Բավարիայում», Մարսելի «Օլիմպիկում»։ 1998 թվականի Ֆուտբոլի աշխարհի առաջնության և 2000 թվականի Եվրոպայի առաջնության չեմպիոն։ Համարվում է ֆուտբոլի պատմության մեջ լավագույն եզրային պաշտպաններից մեկը։
Ծնվել է Բասկերի ֆրանսիական երկրում։ Ծնողները նրան անվանել են Բիշենտե (ֆր.՝ Bixente), սակայն տեղի պետական պաշտոնյան հրաժարվում է նրա փաստաթղթում գրանցել բասկի անուն, և տղային գրանցում են ֆրանսիացու անուն՝ Վենսան (ֆր.՝ Vincent)։
Հետաքրքրվել է սըրֆինգով, դայվինգով, երաժշտությամբ։ Սերտ հարաբերությունների մեջ է եղել բնապահպանական կազմակերպության հետ։ Ֆուտբոլային կարիերայի ավարտից հետո զբաղվել է բրազիլական ջուջուցուով և 2009 թվականին դարձել է իր տարիքակիցների Եվրոպայի չեմպիոն։ Աշխատում է ֆրանսիական հեռուստատեսությունում որպես ֆուտբոլի մեկնաբան, միաժամանակ վարում է մեկ այլ ֆուտբոլային հաղորդում։ Մի քանի անգամ սպառնալիքներ է ստացել բասկյան ձախ ծայրահեղական, ազգայնական անջատողականների կազմակերպության՝ ԷՏԱ-ի կողմից։ Դրանից հետո նա սկսեց օգտվել թիկնապահների ծառայություններից։ Ունի երկու երեխա, տղան՝ Չիմիստան, և աղջիկը՝ Ուխաինան։ Հետագայում Լիզարազյուն բնակություն է հաստատել Սիբուր քաղաքում։ Նրա ֆուտբոլիստ ընկերներն են Զինեդին Զիդանը և Քրիստոֆ Դյուգարին։
Ֆրանսիայի հավաքականում իր առաջին խաղն անց է կացրել 1992 թվականի նոյեմբերի 14-ին Փարիզում տեղի ունեցած Ֆրանսիա- Ֆինլանդիա խաղի ժամանակ (2:1)։ Հավաքականում վերջին խաղն անց է կացրել 2004 թվականի հունիսի 25-ին՝ Եվրոպայի առաջնությունում, Հունաստանի դեմ խաղի ժամանակ (0:1)։
Ֆրանսիայի հավաքական
Վիքիպահեստն ունի նյութեր, որոնք վերաբերում են «Բիքսեն Լիզարազյու» հոդվածին։ |
|