Կառլոս Ալբերտո Տոռես

Կառլոս Ալբերտո Տոռես; պորտ.՝ Carlos Alberto Torres
Քաղաքացիությունը	Բրազիլիա
Ծննդյան ամսաթիվ	հուլիսի 17, 1944
Ծննդավայր	Ռիո դե Ժանեյրո, Բրազիլիա
Մահվան ամսաթիվ	հոկտեմբերի 25, 2016 (72 տարեկան)
Մահվան վայր	Ռիո դե Ժանեյրո, Բրազիլիա
Հասակ	180 սանտիմետր
Քաշ	77 կիլոգրամ
Դիրք	պաշտպան

Կառլոս Ալբերտո Տոռես, առավել հայտնի է Երրորդ թիմի ավագ անունով (պորտ.՝ Carlos Alberto Torres, հուլիսի 17, 1944(1944-07-17), Ռիո դե Ժանեյրո, Բրազիլիա - հոկտեմբերի 25, 2016(2016-10-25), Ռիո դե Ժանեյրո, Բրազիլիա), բրազիլացի ֆուտբոլիստ, կենտրոնական պաշտպան, 1970 թվականին Բրազիլիայի հավաքականի կազմում եղել է թիմի ավագը և դարձել է աշխարհի չեմպիոն, ընդգրկվել է 20-րդ դարի աշխարհի խորհրդանշական հավաքականի կազմում։ 1970 թվականի առաջնության եզրափակիչ խաղի ժամանակ Պելեի փոխանցումից հետո դարձել է գոլի հեղինակ։ Որոշ մասնագետների կարծիքով Կառլոս Ալբերտոյի այդ գոլը համարվում է 20-րդ դարի լավագույն գոլը։

Կենսագրություն

Կառլոս Ալբերտո Տոռեսը ծնվել է Ռիո դե Ժանեյրոյում, որտեղ էլ սկսել է զբաղվել ֆուտբոլով։ 19 տարեկանում նա պայմանագիր է կնքել «Ֆլումինենսե» հետ և հենց առաջին մրցաշրջանում ցուցադրել է գերազանց խաղ։ Չնայած այն հանգամանքին, որ Կառլոս Ալբերտոն եղել է եզրային պաշտպան, բայց նա մեծ դեր է ունեցել թիմի գրոհների կազմակերպման ժամանակ։

Երեք մրցաշրջան «Ֆլումինենսեում» անցկացնելուց հետո նա տեղափոխվում է «Սանթոս», որտեղ էլ անցան իր կարիերայի հաջորդ 8 տարիները։ Այդ տարիների ընթացքում նա «Ձկների» կազմում անց է կացրել 440 խաղ։

1974-1977 թվականներին Կառլոս Ալբերտոն նորից վերադարձել է «Ֆլումինենսե»։ Հանդես գալով այդ երկու ակումբներում Կառլոս Ալբերտո Տոռեսը նվաճել է Ռիո դե Ժանեյրոյի և Սան Պաուլու նահանգների յոթ չեմպիոնի տիտղոս ։

Ավարտելով Բրազիլիայի հավաքականի կազմում իր խաղերը, 1977-1981 թվականներին նա ավարտել է իր ֆուտբոլային կարիերան «Նյու Յորք Կոսմոս» ակումբում։

Կառլոս Ալբերտոն համաշխարհային փառքի է հասել Բրազիլիայի հավաքականի կազմում խաղալու տարիներին։ Նա որպես աջ կիսապաշտպան բազմաթիվ անգամ ընդգրկվել է 20-րդ դարի աշխարհի խորհրդանշական հավաքականի կազմում։ Ավելի փայլուն խաղ է ցուցադրել 1970 թվականի աշխարհի առաջնության ժամանակ։ Եզրափակչում խփած նրա գոլը դասվել է հարյուրամյակի գոլերի շարքին։

Կարիերայի ավարտից հետո նա զբաղվել է մարզչական աշխատանքներով։ Եղել է «Ֆլամենգոյի», «Կորինթիանսի», «Բոտաֆոգոյի» մարզիչը։

Կառլոս Ալբերտո Տոռեսը զբաղվել է նաև քաղաքականությամբ։ 1989- 1993 թվականներին եղել է Ռիո դե Ժանեյրո քաղաքի Դեմոկրատական աշխատանքային կուսակցության փոխնախագահն ու առաջին քարտուղարը։

Կառլոս Ալբերտո Տոռեսի որդին Կառլոս Ալեշանդրե Տոռեսը նույնպես եղել է ֆուտբոլիստ։ 1985—2001 թվականներին հանդես է եկել «Ֆլումինենսեյում», «Վասկո դա Գամայում», Նագոյայի Գրամպուս թիմերում։ 1992 թվականին մեկ խաղ է անցկացրել Բրազիլիայի ազգային հավաքականում։

Ծանոթագրություններ

↑ ^1,0 ^1,1 ^1,2 ^1,3 ^1,4 ^1,5 ^1,6 ^1,7 https://www.washingtonpost.com/sports/carlos-alberto-torres-captain-of-brazils-world-cup-winning-team-dies-at-72/2016/10/25/bdb9ce22-9ad3-11e6-9980-50913d68eacb_story.html
↑ ^2,0 ^2,1 Transfermarkt.com(բազմ․) — 2000.
↑ ^3,0 ^3,1 ^3,2 https://www.nytimes.com/2016/10/27/sports/soccer/carlos-alberto-torres-72-scorer-of-memorable-goal-for-brazil-dies.html?mcubz=3
↑ ^4,0 ^4,1 ^4,2 https://www.lemonde.fr/sport/article/2016/10/25/mort-du-footballeur-carlos-alberto-capitaine-du-bresil-champion-du-monde-en-1970_5020306_3242.html
↑ Скончался один из лучших игроков 20 века
↑ «Добрый вечер, болельщик сборной Бразилии!». Արխիվացված է օրիգինալից 2017 թ․ դեկտեմբերի 12-ին. Վերցված է 2017 թ․ դեկտեմբերի 9-ին.
↑ Бразилия Италия ЧМ 70 красивый финал Гол Карлоса Альберто с передачи Пеле!
↑ Andrew Benson (2 июня 2006). «The perfect goal» (անգլերեն). BBC Sport. Արխիվացված օրիգինալից 2012 թ․ հունիսի 6-ին. Վերցված է 2012 թ․ մարտի 1-ին.

Արտաքին հղումներ

Վիքիպահեստն ունի նյութեր, որոնք վերաբերում են «Կառլոս Ալբերտո Տոռես» հոդվածին։

[_5911dfa544842c73-1] 1,0 ^1,1 ^1,2 ^1,3 ^1,4 ^1,5 ^1,6 ^1,7 https://www.washingtonpost.com/sports/carlos-alberto-torres-captain-of-brazils-world-cup-winning-team-dies-at-72/2016/10/25/bdb9ce22-9ad3-11e6-9980-50913d68eacb_story.html

[_e60f1a40f9adc061-2] 2,0 ^2,1 Transfermarkt.com(բազմ․) — 2000.

[_fc650c34ef558f03-3] 3,0 ^3,1 ^3,2 https://www.nytimes.com/2016/10/27/sports/soccer/carlos-alberto-torres-72-scorer-of-memorable-goal-for-brazil-dies.html?mcubz=3

[_c6762ba825dbabf5-4] 4,0 ^4,1 ^4,2 https://www.lemonde.fr/sport/article/2016/10/25/mort-du-footballeur-carlos-alberto-capitaine-du-bresil-champion-du-monde-en-1970_5020306_3242.html

[5] Скончался один из лучших игроков 20 века

[6] «Добрый вечер, болельщик сборной Бразилии!». Արխիվացված է օրիգինալից 2017 թ․ դեկտեմբերի 12-ին. Վերցված է 2017 թ․ դեկտեմբերի 9-ին.

[7] Бразилия Италия ЧМ 70 красивый финал Гол Карлоса Альберто с передачи Пеле!

[8] Andrew Benson (2 июня 2006). «The perfect goal» (անգլերեն). BBC Sport. Արխիվացված օրիգինալից 2012 թ․ հունիսի 6-ին. Վերցված է 2012 թ․ մարտի 1-ին.