Կատերինա Սակելարոպուլու | |
Կուսակցություն՝ | անկախ քաղաքական գործիչ |
---|---|
Կրթություն՝ | Աթենքի համալսարան (1978), Պանթեոն-Ասսաս համալսարան և Արսակիոն (1974) |
Մասնագիտություն՝ | դատավոր, իրավաբան և նախագահ |
Դավանանք | ուղղափառություն |
Ծննդյան օր | մայիսի 30, 1956 (67 տարեկան) |
Ծննդավայր | Սալոնիկ, Հունաստան |
Քաղաքացիություն | Հունաստան |
Ինքնագիր | |
Պարգևներ | |
Կատերինա Սակելարոպուլու (հուն․՝ Κατερίνα Σακελλαροπούλου, Եկատերինա Սակելարոպուլու, մայիսի 30, 1956, Սալոնիկ, Հունաստան), Հունաստանի նախագահ, ով պաշտոնը կստանձնի 2020 թվականի մարտի 13-ին։ 2020 թվականի հունվարի 22-ին Խորհրդարանը ընտրել է նրան՝ փոխարինելու Պրոկոպիս Պավլոպուլոսին։ Նախքան երկրի նախագահի պաշտոնը զբաղեցնելը, 2018 թվականի հոկտեմբերից եղել է Հունաստանի պետական խորհրդի՝ Գերագույն վարչական դատարանի առաջին կին նախագահը։
Պաշտոնը ստանձնելով՝ Սակելարոպուլուն կլինի Հունաստանի 13-րդ նախագահը (8-րդը Հելլենական Երրորդ Հանրապետության պատմության մեջ) և առաջին կինն այս պաշտոնում։
Սակելարոպուլուն ծնվել է Սալոնիկում։ Նրա ընտանիքը սերում է Քսանտի պրեֆեկտուրայի Ստավրուպոլի քաղաքից։ Իրավաբանություն է ուսանել Կապոդիստրիայի անվան Աթենքի ազգային համալսարանում, այնուհետև հանրային իրավունք է ուսումնասիրել Փարիզի II համալսարանում։ 1980-ականների կեսերին ընդունվել է Պետական խորհրդի շարքերում և 2000 թվականին դարձել է խորհրդական։ 2015 թվականի հոկտեմբերին նշանակվել է Պետական խորհրդի փոխնախագահ, իսկ 2018 թվականի հոկտեմբերին միաձայն ընտրվել է Խորհրդի նախագահի պաշտոնում։
Սակելարոպուլուն եղել է Պետական խորհրդի դատական գործառույթների ասոցիացիայի անդամ, ասոցիացիայում զբաղեցրել է բազմաթիվ պաշտոններ՝ գլխավոր քարտուղար (1985-1986), փոխնախագահ (2006-2008) և նախագահ (1993-1995, 2000-2001)։
Ֆրանսիական կրթությամբ դատավորը 2018 թվականի հոկտեմբերին դարձել է երկրի առաջին կինը, որ զբաղեցնում է բարձրագույն դատարանի ղեկավարի պաշտոնը։ Այս պաշտոնը նրան առաջ է մղել այն ժամանակվա ձախակողմյան Սիրիզա կուսակցության վարչակազմը՝ հենվելով Սակելարոպուլուի քաղաքացիական ազատությունների, էկոլոգիական և փոքրամասնությունների խնդիրների, փախստականների իրավունքների նկատմամբ զգայունությունից։
Սակելարոպուլուն պարբերաբար հրատարակվում է գիտական ամսագրերում։ Նա նաև իր ներդրումն է ունեցել «Ֆինանսական ճգնաժամը և շրջակա միջավայրի պաշտպանությունը պետական խորհրդի իրավասության շրջանակներում» գրքում (հուն․՝ Οικονομική κρίση και προστασία του περιβάλλοντος στη νομολογία του Συμβουλίου της Επικρατείας), Փափազիսիս հրատարակություն։
«Արիս Սալոնիկի»-ի աջակիցներից է։
2020 թվականի հունվարի 15-ին Հունաստանի վարչապետ Կիրիակոս Միցոտակիսը Կատերինա Սակելարոպուլուին առաջադրել է Հունաստանի նախագահի պաշտոնում։
Նախորդող Նիկոլաոս Սաքելարիու |
Հունաստանի պետական խորհրդի նախագահ Կատերինա Սակելարոպուլու 2018-այժմ |
Հաջորդող - |
|
Վիքիպահեստն ունի նյութեր, որոնք վերաբերում են «Կատերինա Սակելարոպուլու» հոդվածին։ |
|