Քոջաթեփե մզկիթ թուրքերեն՝ Kocatepe Camii | |
---|---|
Տեսակ | մզկիթ |
Երկիր | Թուրքիա |
Վարչատարածք | Անկարա |
Հիմնվել է | 1987 |
Կառուցման սկիզբ | 1967 |
Կառուցման ավարտ | 1987 |
Ճյուղ/ավանդույթ | սուննի ջումա մզկիթ |
Կարգավիճակ | գործող մզկիթ |
Ճարտարապետություն | |
Ճարտարապետ | Hüsrev Tayla? և Fatin Uluengin? |
Ոճ | օսմանյան ճարտարապետական ոճ |
Գմբեթ | 1 գլխավոր գմբեթ և 4 կիսագմբեթներ |
Արտաքին գմբեթի բարձրություն | 48,5 |
Արտաքին գմբեթի տրամագիծ | 25,5 |
Մինարեթներ | 4 |
Մինարեթի բարձրություն | 88 |
Քոջաթեփե մզկիթ (թուրքերեն՝ Kocatepe Camii), Անկարայի ամենամեծ մզկիթը։ Համարվում է քաղաքի տեսարժան վայրերից մեկը։ Գտնվում է Անկարայի համանուն թաղամասում՝ քաղաքի պատմական հատվածից դեպի հարավ։
Մզկիթի կառուցումը սկսվել է 1967 թվականին։ Ճարտարապետ Վեդաթ Դալոքայի նախնական նախագծով նախատեսվում էր կառուցել ժամանակակից մզկիթ, սակայն հետո քաղաքային իշխանությունները վերանայեցին իրենց որոշումը և նախապատվությունը տվեցին ճարտարապետ Հյուսրեվ Թայլայի դասական ոճի նախագծին։ Մզկիթի կառուցումը տևել է ավելի քան 20 տարի և ավարտվել 1987 թվականին։ Քոջաթեփե մզկիթը ունի չորս մինարեթներ և մեծ գմբեթ՝ բնորոշ օսմանյան ճարտարապետական ոճի մնացած մզկիթներին։ Գլխավոր գմբեթի բարձրությունը կազմում է 48,5 մ, իսկ տրամագիծը՝ 25,5 մ։ Մինարեթների բարձրությունը, որոնք զարդարված են ոսկեզօծ կիսալուսիններ, կազմում է 88 մետր։ Մզկիթի ընդհանուր տարածքը կազմում է 4288 մ²։
Մզկիթը ներսից զարդարված է ապակենախշերով և ոսկե թիթեղիկներով, հախճապակե մեծ ջահերով, դեկորատիվ սալիկներով։ Հատակը պատված է մարմարով։ Մզկիթի կենտրոնում գտնվում է Մասջիդ ան Նաբավի մզկիթի մոդելը, որը գտնվում է Մեդինայում։ Մոդելը 1993 թվականին Թուրքիայի նախագահ Սուլեյման Դեմիրելին նվիրել է Սաուդյան Արաբիայի թագավոր Աբդուլլահ իբն Աբդուլ-Ազիզ ալ-Սաուդը։
Ստորգետնյա տարածքներում տեղակայված են սրճարաններ և քաղաքի ամենամեծ սուպերմարկետներից մեկը, որի վարձավճարը վճարվում է մզկիթի բյուջեից։