Ֆոնդյուի բաղադրիչները | |
Ենթատեսակ | սննդամթերք |
Առաջացման երկիր | Շվեյցարիա |
Fondue Վիքիպահեստում |
Ֆոնդյու, շվեյցարական, իտալական և ֆրանսիական ուտեստ հալած պանրով, որ մատուցվում է ընդհանուր սպասքով շարժական ջեռոցի վրա և ուտում են երկար պատառաքաղների միջոցով հացը թաթախելով տաք պանրի մեջ։ Այն Շվեյցարական պանրի միության կողմից 1930 թ. ներկայացվում է որպես շվեյցարական ազգային ուտեստ և 1960-ականներին շատ տարածված էր Հյուսիսային Ամերիկայում։
1950-ականներից "ֆոնդյու" անվանումը ընդհանրացվել և տարածվել է այն բոլոր ուտեստների վրա, որոնք մատուցվում են ընդհանուր սպասքով. շոկոլադի ֆոնդյու, որում մրքի կտորները թաթախվում են հալած շոկոլադի խառնուրդի մեջ և fondue bourguignonne, որում մսի կտորները եփվում են եռացող ձեթի մեջ։
Ֆոնդյու ֆրանսերեն fondre ('հալվել') բայի գոյականացված ձևն է։ Այն առաջին անգամ օգտագործվել է ֆրանսերենով 1735 թ, Վինսենտ լա Շապելում, իսկ անգլերենով՝ 1878 թ։
Պանրով ֆոնդյուի ամենավաղ հայտնի բաղադրատոմսը ինչպես գիտենք գալիս է 1699 թ. Ցյուրիխում տպագրված "Käss mit Wein zu kochen" 'եփել պանիրը գինու մեջ' գրքից։ Առաջարկվում է քերած պանիրը ջեռոցի վրա հալել գինու մեջ և ուտել հացը մեջը թաթախելով։