Ֆրանց Վրանիցկի | |
Կուսակցություն՝ | Ավստրիայի սոցիալ-դեմոկրատական կուսակցություն |
---|---|
Կրթություն՝ | Վիեննայի պետական տնտեսագիտական համալսարան |
Մասնագիտություն՝ | քաղաքական գործիչ, բասկետբոլիստ, տնտեսագետ և բանկիր |
Դավանանք | Հռոմի Կաթոլիկ եկեղեցի |
Ծննդյան օր | հոկտեմբերի 4, 1937 (86 տարեկան) |
Ծննդավայր | Վիեննա, Ավստրիայի դաշնային պետություն |
Քաղաքացիություն | Ավստրիա |
Ինքնագիր | |
Պարգևներ | |
Ֆրանց Վրանիցկի (գերմ.՝ Franz Vranitzky, հոկտեմբերի 4, 1937, Վիեննա, Ավստրիայի դաշնային պետություն), ավստրիացի պետական և քաղաքական գործիչ։
Մեծացել է աշխատավորի ընտանիքում։ Երիտասարդ տարիքում բասկետբոլ է խաղացել և Ավստրիայի հավաքականի խաղացող է եղել։
1976 թվականից աշխատել է բանկային կազմակերպություններում։ 1984-1986 թվականներին աշխատել է ֆինանսների նախարար Ֆրեդ Զինովացի կաբինետում
Ավստրիայի Սոցիալիստական կուսակցության առաջնորդի և Դաշնային կանցլերի պաշտոնից Զինովացու հրաժարականից հետո գլխավորել է սոցիալիստներն ու երկրի կառավարությունը։
Վրանիցկու առաջին կաբինետը ձևավորվել է, ինչպես արդեն տարիներ շարունակ, սոցիալիստներից և ավստրիական Ազատության կուսակցության ներկայացուցիչներից։ Սակայն 1986 թվականի սեպտեմբերին Ազատության կուսակցության նոր առաջնորդ է ընտրվել Յորգ Հայդերը, որը հայտնի է իր արմատական ազգայնական հայացքներով։ Հայդերի հետ համագործակցելու սկզբունքային մերժման պատճառով Վրանիցկին անմիջապես խզել է կոալիցիան։
Ընտրությունների արդյունքներով՝ Վրանիցկին ձևավորել է «մեծ կոալիցիայի» կաբինետը, որը բաղկացած է երկրի երկու խոշորագույն ուժերի՝ սոցիալիստների և ժողովրդների ներկայացուցիչներից։ «Մեծ կոալիցիան» պետք է ղեկավարեր երկիրը մինչև 2000 թվականը, և կրկին 2007 թվականից՝ արդեն այն բանից հետո, երբ նա հեռացվեց քաղաքական ասպարեզից։
1991 թվականին Վրանիցկին Սոցիալիստական կուսակցությունը Սոցիալ-դեմոկրատական անվանափոխելու նախաձեռնողներից մեկն էր։ 1995 թվականին Ավստրիան անդամակցեց ԵՄ-ին։ 1997 թվականի հունվարին Վրանիցկին հրաժարական տվեց։
Հրաժարականից հետո Ֆրանց Վրանիցկին կատարում էր Ալբանիայում ԵԱՀԿ առաքելության ղեկավարի գործառույթները։
Վիքիպահեստն ունի նյութեր, որոնք վերաբերում են «Ֆրանց Վրանիցկի» հոդվածին։ |
|