The Hitman’s Bodyguard (հայ.՝ Մարդասպանին Թիկնապահը) արկածախնդրական եւ զգայացունց տիպի Ամերիկեան ֆիլմ մըն է: Այս ֆիլմին նիւթը կը ներկայացնէ աշխարհի ամէնէն լաւ թիկնապահին արկածախնդրութիւնները, երբ ան նոր անձ մը կը ստանձնէ պաշտպանելու: Իր նպատա՞կը. նոր մարդասպան յաճախորդը անվտանգ հասցնել ՄԱԿ-ի Արդարութեան Միջազգային Դատարան դատավարութեան:
Ֆիլմը նախ ցուցադրուեցաւ Հոնկ Քոնկի մէջ 10 Օգոստոսին եւ հետզհետէ ուրիշ երկիրներու մէջ ալ սկսաւ սփռուիլ շարժապատկերի տարբեր պաստառներու վրայ. ԱՄՆ-ի մէջ առաջին անգամ ցուցադրուեցաւ 18 Օգոստոսին: Ֆիլմին բեմադրիչն է Փաթրիք Հյուզ, հեղինակը՝ Թոմ Օքանըր: Լեզուն անգլերէնով է: Ֆիլմին պիւտճէն $30 միլիոն էր, սակայն շահը $143 միլիոն:
Գլխաւոր Դերասաններ
- Սամուէլ Ճէքսըն, նշանաւոր իր հռչակաւոր «Pulp Fiction» ֆիլմի մէջի դերով, ինչպէս նաեւ ուրիշ մօտաւորապէս 100 այլ ֆիլմերու իր դերերով եւ Golden Globe մրցանակներով:
- Սալմա Հայէք, Լիբանանեան ծագումով Մեքսիքացի, սիրուած կին դերասանուհի տասնեակ մրցանակներով. իր ամէնէն նշանաւոր դերերը են «Grown Ups» (հայ.՝ Չափահասները) եւ «Savages» (հայ.՝ Վայրենիներ) ֆիլմերուն մէջ. Լիբանանեան ծագումով մեկնելով ան բեմադրեց «The Prophet» (հայ.՝ «Մարգարէն») ֆիլմը, Լիբանանցի յայտնի փիլիսոփայ Ժըպրան Խալիլ Ժըպրանի նոյն անուամբ գիրքին վրայ հիմնուած:
- Ռայըն Ռէնըլտզ, Քանատացի հանրածանօթ դերասան, ճանչցուած իր «The Proposal» (հայ.՝ առաջարկը) եւ «Deadpool» ֆիլմի դերերով: Ան ամուսնացած է հռչակաւոր դերասանուհի Պլէյք Լայվլիի հետ եւ երկուքը միասին կը նկատուին Հոլիվուտի ամէնէ շատ սիրուած զոյգը:
Ծանօթագրութիւններ