Կոբաղդ (լատ.՝ Cobaltum)՝ քիմիական տարր է, որուն նշանն է Co, կարգահամար՝ 27, հիւլէական զանգուածը՝ 58,9332: Կոբաղդը վարդագոյն երանգով արծաթափայլ, ծանր մետաղ մըն է։ Ունի մեկ կայուն իզոտոպ՝ 59Co (տարածուածությամբ 100 %), արհեստական ռատիոաշխոյժ իզոտոպներէն արժէքաւոր է 60Co-ը (T1/2= = 5.27 տարի)։
Միարժէք եւ քառարժէք կոբաղդի համար ստացուած են միայն քիչ թիւով համալիր միացութիւններ։ Սովորական ջերմաստիճանին հոծ կոբաղդը կայուն է ջուրի եւ օդի ազդեցութեան նկատմամբ։ α-Co-ը ունի վեցանկիւն բիւրեղացանցի կառուցուածք, β-Co-ի բիւրեղացանցը խորանարդ է, α↔β ջերմաստիճանային անցումը 427 °C է:
Հին Եգիպտոսին, Բաբելոնին եւ Չինաստանին մէջ կոբաղդի օքսիտը կը կիրառուեր ապակին եւ արծնը կապոյտ ներկելու համար։ Նոյն նպատակով ԺԶ դարուն Արեւմտեան Եւրոպային մէջ կ'օգտագործուէր քրքումաներկը, որը կը ստանային «քոպոլտ» կոչուող հանքանիւթերու ջերմային մշակմամբ, որուն ընթացքին կ'անջատուէր մեծ քանակութեամբ թունաւոր ծուխ, իսկ ջերմային մշակման նիւթերէն չհաջողեր մետաղ ձուլել։
Միջնադարեան հանքափորներն ու մետաղագործներն պյդ երեւոյթը կը համարէին առասպելական էակներու՝ քոպոլտներու (գերմաներէն՝ Kobold՝ տան ոգի) արարքներ։ 1735 թուականին շուէտացի, քիմիագէտ Կեօրկ Պրանտթը (շուէտ.՝ Georg Brandt, 1694-1768) քրքումաներկի, ածուխի եւ ֆլիւսի խառնուրդը հնոցին մէջ տաքացնելով ստացաւ մետաղ եւ անուանեցաւ «քոպոլտի ձուլահատիկ»: Ան եղած է առաջին անձը, որ բացայայտեցաւ անտիկ ժամանակներէն յայտնի մետաղը:
Հետագային ան վերանուանուեցաւ «քոպողդ», ապա՝ «կոբաղդ»:
Երկրակեղեւին կոբաղդի պարունակութիւնն ըստ զանգուածի հաւասար է 4•10−3 %։ Յայտնի է կոբաղդ պարունակող շուրջ 30 հանքանիւթ, որոնցմէ են՝ քոպալթինը CoAsS, լինեիտը Co3S4, սմալտինը CoAs2 եւ այլն։ Ծովու ջուրին մէջ պարունակութիւնը մօտ (1,7)•10−10 % է։ Կոբաղդի ամէնահարուստ հանքերը կը գտնուեն Քոնկոյի Տեմոքրաթական Հանրապետութեան մէջ։
Կոբաղդը բոլոր կենդանիներու եւ բոյսերու համար ունի էական նշանակութիւն եւ անոնց բոլոր հիւսուածքներուն մէջ կը մասնակցէ նիւթափոխանակութեան գործընթացքներուն։ Ան քոպալամինի հիմնական բաղկացուցիչն է, որը յայտնի է նաեւ որպես B12 կենսամին։ Կոբաղդը կը մասնակցէ արյունաստեղծմանը, նեարդային համակարգի եւ լեարդի գործունէութեանը։ Մարդու օրական կոբաղդի պահանջը 0.007-0.015 մկ է։ Մարդու մարմինը կը պարունակէ իր քաշի իւրաքանչւր քիլոկրամի հաշւարկով 0.2 մկ կոբաղդ։
20րդ դարու սկիզբին Նոր Զելանտայի հիւսիսին անասնապահութեան զարգացման ժամանակ անասունները կը տուժէին «թուփերի հիւանդութիւն» անունը ստացած տկարութիւնէ, որուն պատճառը հրաբխային ապարներուն մէջ անասուններուն սնունդի համար անհրաժեշտ կոբաղդի պակասն էր եղած:
Պարբերական համակարգի 8րդ խումբի առաջին եռեակի քիմիական տարր է:
|