Оа́кафорд, е боккха форд е океа́н (ба)(эрс: Океа́н, ш.-ян. Ὠκεανός, дош хьадаьннад къаьнара эллиной даьла волча Океана цӀерах; ингал: Ocean) — эггара йоккхагӀа хин объект я, Дунен оакафорда да́къа лоацаши, гӀа́рашта юкъе уллаши. Оакафорд ший хиш гóбахара раж йолаш а ба, иштта кхыйола лаьрххӀа белгалонаш йолаш а ба. Оакафордо хадданза вӀаший бувзам бу тӀехар-Ӏанарцеи лаьттан чкъорцеи.
Оакафордехи фордехи латташ болча Дунен оакафорда тӀехе Лаьттан тӀехенах гаргга 71 % я (361 млн км²). Оакафордий хибухен рельеф тайп-тайпара я.
Оакафордаш тохкаш долча Ӏилман цӀи «Океанологи» я; оакафорда бунеи дийнатий дунеи тохкаш йолча биологен ралса цӀи «Оакафорда биологи» я.