Klakksvík
Klakksvík (færeyska: Klaksvík) er næststærsti bær Færeyja, staðsettur á Borðey með um það bil 4700 íbúa. Mikil fiskvinnsla er stunduð í Klakksvík. Einu sinni voru 4 bóndabæir þar sem Klakksvík stendur, en byggðin jókst smám saman og varð að fjórum þorpum. Síðar fóru þorpin að stækka og uxu saman, og mynduðu bæinn Klakksvík. Póstnúmer bæjarins er FO 700.
Tónleikahátíðin Summarfestivalurin er haldin árlega í bænum.
Íþróttir
Klaksvíkar ítróttarfelag er knattspyrnulið bæjarins. Árið 2023 komst það í riðlakeppni Meistaradeildar Evrópu.
