Lindhu Gedhé Kantō (関 東 大 震災 Kantō daishinsai) nandang Laladan Kantō, pulo Honshu ing dina Setu, 1 September 1923 nalika 11.58.44 Wektu Jepang (10.58.44 WIB). Suwéné gempa watara 4 nganti 10 menit.
Lindhu kasebut duwéni kakuwatan 7,9 skala richter, kanthi titik punjering gempa ing ngandhap pulo Izu Ōshima ing Teluk Sagami. Penyebabé ya iku Lèmpèng Sagara Filipina kang ditubruk déning Lèmpèng Okhotsk ing sadawané Palung Sagami.
Lindhu iki ngremukké Tokyo, kutha pelabuhan Yokohama, lan prefektur ing sakiwa-tengené Chiba, Kanagawa, lan Shizuoka, uga nyebabaké karusakan ing laladan Kantō. Lindhu iki krasa nganti Kamakura, 60 km (37 mil) saka saka titik punjering lindhu. Saking gedhéné, lindhu iki kasil nggèsèr patung Great Buddha (93 ton) nganti 60 cm. Gungggung korban ing kedadéan iki udakara 142.800 jiwa, kalebu udakara 40.000 wong kang ilang lan dianggep mati. Miturut lapuran konstruktor Kajima Kobori Research ing sasi September 2004, 105.385 wong kang nemoni pati ing lindhu tahun 1923.
Laladan sadawané pasisir Samudera Pasifik wiwit Ujung Bōsō, Teluk Sagami, pasisir wétan Ujung Izu, Kepuloan Izu nganti Kepuloan Ito nandang tsunami namung pirang menit sawisé lindhu:
Ing kota Atami, kacatet dhuwuré tsunami 12 metèr
Ing Semenanjung Bōsō, kacatet dhuwuré tsunami 9 metèr.
Watara satus wong ilang kagawa tsunami ing Pasisir Yui-ga-hama, Kamakura (Prefektur Kanagawa), lan korban ing tlatah Enoshima ana 50 cacah jiwa.
Akèh-akèhé wong mati amarga kobongan kang disebabaké déning lindhu.
Kerusakan akibat lindhu iki bencana gedhé dhéwé ing Jepang sadurungé perang. Ing taun 1960, pemaréntah mbiyawarakaké tanggal 1 September minangka "Dina Njugaraké Bencana" kang dipengeti saben taun.