„Happy“ | ||||
---|---|---|---|---|
სინგლი — როლინგ სტოუნზი | ||||
ალბომიდან Exile on Main St. | ||||
B-მხარე | All Down the Line | |||
გამოსვლის თარიღი | 15 ივლისი 1972 | |||
ჩაიწერა |
ივლისი-ნოემბერი 1971 ვილა „ნელკოტი“, საფრანგეთი | |||
ჟანრი | როკი | |||
ხანგრძლივობა | 3:05 | |||
ხმისჩამწერი ლეიბლი | Rolling Stones Records | |||
ავტორ(ებ)ი | ჯეგერი/რიჩარდსი | |||
პროდიუსერი | ჯიმი მილერი | |||
როლინგ სტოუნზი — სინგლების ქრონოლოგია | ||||
|
„Happy“ — ინგლისური როკ-ჯგუფ როლინგ სტოუნზის სიმღერა. იგი სინგლის სახით 1972 წელს გამოიცა. შეტანილია ალბომში Exile on Main St..
სინგლი Billboard Hot 100-ში 1972 წლის 15 ივლისს #69 პოზიციაზე მოხვდა და იმავე წლის 19 აგვისტოს #22-მდე ავიდა.
ჯეგერის/რიჩარდსის თანახმად, „Happy“ კით რიჩარდსის მიერ 1971 წლის ზაფხულში დაიწერა, სამხრეთ საფრანგეთში, დღის საათებში. რიჩარდსი ამბობდა, რომ იგი სულ ოთხ საათში დაიწერა, თავიდან ბოლომდე. „ოთხ საათზე იგი უკვე ჩაწერილი იყო.“ ძირითადი პარტიები ვილა ნელკოტის სარდაფში ჩაწერეს, რაშიც როლინგ სტოუნზის მობილური სტუდია გამოიყენეს. რიჩარდსმა დაუკრა ბასზე, გიტარაზე და შეასრულა, ვოკალი. პროდიუსერი ჯიმი მილერი უკრავს დასარტყმელ საკრავებზე, ხოლო საქსოფონისტი ბობი კიზი - მარაკასზე. ნიკი ჰოპკინმა ფორტეპიანოს პარტია მოგვიანებით დაამატა, ისევე, როგორც ჯიმი პრაისმა - საყვირი, კიზმა - საქსოფონი, მიკ ტეილორმა - გიტარა და საბოლოო ვოკალური პარტიები, ხოლო მიკ ჯეგერმა - ვოკალი.
1972 წლიდან ჯგუფი „Happy“-ს ასრულებდა საკუთარი ტურნეების ფარგლებში. 1978 წლამდე კონცერტებზე მისამღერს ჯეგერი ასრულებდა.
საკონცერტო ვერსიები შეტანილია ალბომებში Love You Live და Live Licks; სტუდიური ვერსია გამოცემულია კომპილაციურ ალბომებზე Made in the Shade, Forty Licks და GRRR! სიმღერა აგრეთვე შეტანილია ფილმებში და DVD კომპლექტებში Ladies and Gentlemen: The Rolling Stones (1974), Stones at the Max (1992), Four Flicks (2004), The Biggest Bang (2007), Some Girls: Live in Texas '78 (2011), Sweet Summer Sun: Hyde Park Live (2013) და L.A. Forum - Live In 1975 (2014).