ფაილი | |
---|---|
ლილ უეინი 2020 წელს | |
დაბადების სახელი | დუეინ მაიკლ კარტერი უმცროსი |
დაბადების თარიღი |
27 სექტემბერი, 1982 ახალი ორლეანი, ლუიზიანა, აშშ |
მოქალაქეობა | აშშ |
საქმიანობა |
|
აქტიური | 1995-დღემდე |
მეუღლე(ები) | ტოია ჯონსონი (იქ. 2004; განქ. 2006) |
შვილ(ებ)ი | 4 |
მუსიკალური კარიერა | |
ჟანრი | ჰიპ-ჰოპი |
ინსტრუმენტები |
|
ლეიბლები | |
ასოციაციები |
დუეინ მაიკლ კარტერი უმცროსი (ინგლ. Dwayne Michael Carter, Jr.), ცნობილი სასცენო სახელით ლილ უეინი (ინგლ. Lil Wayne დ. 27 სექტემბერი, 1982) — ამერიკელი რეპერი, მომღერალი, სიმღერების ავტორი, ბიზნესმენი და მსახიობი.
მისი კარიერა დაიწყო 1995 წელს, 9 წლის ასაკში, როდესაც შეუერთდა ლეიბლს Cash Money Records. 1996 წელს გახდა არასრულწლოვანი რეპერებისგან შემდგარი ჯგუფ Hot Boys-ის წევრი. 1997 წელს ჯგუფმა გამოსცა პირველი სტუდიური ალბომი Get It How U Live!.
ლილ უეინის სადებიუტო სტუდიურ ალბომს Tha Block is Hot (1999) მიენიჭა პლატინის სტატუსი, ხოლო მის მომდევნო ორ ალბომს Lights Out და 500 Degreez — ოქროსი. მას დიდი წარმატება მოუტანა 2004 წელს გამოცემულმა ალბომმა Tha Carter, ისევე როგორც Destiny's Child-თან შესრულებულმა სიმღერამ „Soldier. მას შემდეგ მან გამოსცა ალბომი Tha Carter II (2005), აგრეთვე რამდენიმე მიქსტეიპი“. მსოფლიო აღიარება მოუტანა ალბომმა Tha Carter III (2005), რომელიც დღემდე რჩება მის ყველაზე წარმატებულ ალბომად — ერთ კვირაში აშშ-ში გაიყიდა ერთი მილიონი ეგზემპლარის ოდენობით, ხოლო გრემის 51-ე დაჯილდოებაზე ალბომმა გაიმარჯვა ნომინაციაში „საუკეთესო რეპ ალბომი“.
Tha Carter III-ის წარმატების შემდეგ უეინმა გამოუშვა ალბომი Rebirth (2010). უარყოფითი შეფასებების მიუხედავად, ალბომს მიენიჭა ოქროს სტატუსი RIAA-სგან. 2010 წელს იარაღის უკანონო ტარებისთვის რვა თვიანი სასჯელი მოიხადა რაიკერსის გამოსასწორებელ კოლონიაში. მისი მერვე ალბომი I Am Not a Human Being (2010) გამოიცა ციხეში ყოფნის პერიოდში. ერთი წლის შემდეგ გამოუშვა მეშვიდე სტუდიური ალბომი Tha Carter IV, რომლის გაყიდვებმა პირველივე კვირაში, აშშ-ში 964,000 ასლი შეადგინა. მასში შესულია სინგლები: „6 Foot 7 Foot“, „How to Love“ და „She Will“. 2018 წელს გამოსული მეთორმეტე ალბომი Tha Carter V სერტიფიცირებული იქნა პლატინით.
მთელი კარიერის განმავლობაში, ლილი უეინს გაყიდული აქვს 100 მილიონი ჩანაწერი, მათ შორის 15 მილიონი ალბომი და 37 მილიონი ციფრული ტრეკი. ამ მაჩვენებლით იგი ითვლება ყველა დროის ერთ-ერთ ყველაზე გაყიდვად მუსიკალურ შემსრულებლებლად.
|date=
-ში (დახმარება)
|accessdate=
და |date=
-ში (დახმარება)