Ṭṭrenǧ
Ṭṭrenǧ d yiwet seg uraren n telwiḥt mucaεit ed iqburen maḍi, d urar astratiji anda usamma ur yesεi ara tamlilt. Ṭṭrenǧ yurar gar snat yimyuraren, suffel telwiḥt tebḍa ɣef 64 n timkuẓin, yal amyurar yesɛa 16 n tisiway n urar (tiɣmiwin-ines maci kifkif, s umata; timellalin ed tiberkanin).
Amyurar i yesɛa tisiway n urar timellalin yebda urar, deffir wakken, yal amyurar iɛerreḍ ad nekkes tisiway tameqqrant n axṣim-is, agellid.
Amezruy
Ṭṭrenǧ iban-d i tikelt tamezwarut deg lqern wis 6 deg Lhend. Seg lqern wis 10, i yenfufed deg Asya, Asamar alemmas ed Turuft. Seg lqern wis 15, ṭṭrenǧ yettwaḥseb em urar ageldan imi cciεa-is deg tinnubla.
Alɣuɣen n umaḍal n ṭṭrenǧ
| Tilɣuɣa | Isem n alɣuɣ | Tamurt-is |
|---|---|---|
| 1866–1894 | Guillaume Steinitz |  Tutrict
|
| 1894–1921 | Emmanuel Lasker |  Lalman
|
| 1921-1927 | José Raúl Capablanca |  Kuba
|
| 1927–1935 | Alexandre Alekhine |  Rusya -  Fṛansa
|
| 1935–1937 | Max Euwe |  Timura n Wadda
|
| 1937–1946 | Alexandre Alekhine | Rusya - Fṛansa
|
| 1948–1957 | Mikhaïl Moiseyevitch Botvinnik | Rusya
|
| 1957–1958 | Vasily Smyslov | Rusya
|
| 1958–1960 | Mikhaïl Moiseyevitch Botvinnik | Rusya
|
| 1960–1961 | Mikhail Nekhemyevitch Tal |  Liṭṭunya
|
| 1961–1963 | Mikhaïl Moiseyevitch Botvinnik | Rusya
|
| 1963–1969 | Tigran Vartanovitch Petrossian |  Arminya
|
| 1969–1972 | Boris Vassilievitch Spassky | Rusya
|
| 1972–1975 | Robert (Bobby) Fischer |  Iwunak Yeddukklen n Temrikt
|
| 1975–1985 | Anatoly Yevgenyevich Karpov | Rusya
|
| 1985–2000 | GarryKasparov | Rusya
|
| 2000–2007 | Vladimir Kramnik | Rusya
|
| 2007–2013 | Vishwanathan Anand |  Lhend
|
| 2013- | Magnus Carlsen |  Nuṛvij
|
Ilugan n urar
Ṭṭrenǧ yurar deg telwiḥt tamkuẓt tebḍa ɣef 64 n timkuẓin, timkuẓin-nni sɛant snat tiɣmiwin : ṣfan em amellal neɣ awraɣ; ed tiɣmi nniḍen : yestulles em aberkan neɣ azegzaw.
Imussuyen n tisiway n urar
Telwiḥt tamkuẓt n ṭṭrenǧ em umkan n umennuɣ, deg-s taredsa n yal amyurar ttnaɣen ad nekkes ugellid n uxṣim-is, taredsa n yal amyurar deg-s 16 n tisiway n urar. Deg ṭṭranǧ llan 6 leṣnaf n tisiway :
- Agellid (♔, ♚) : yal agellid yezmer yettembiwil akked yiwen amkuẓ deg ɣer yal tama.
- Lberǧ (♖, ♜) : yal amyurar yesɛa snat lebraǧ, lberǧ-nni yezmer yettembiwil akked 1-7 timkuẓin deg tanilat agi (⇆, ⇅).
- Ilu (♗, ♝) : yal amyurar yesɛa snat yiluten, ilu yezmer yettembiwil deg yal amkuẓ deg tanilat agi ( ↖ ↘ ↗ ↙).
- Aneɣlaf / vizir (♕, ♛) : yal amyurar yesɛa aneɣlaf, aneɣlaf yezmer yettembiwil em Lberǧ ed ilu.
- Amnay / aɛudiw (♘, ♞) : yal amyurar yesɛa snat imnayen / iεudiwen, aɛudiw-nni yezmer yettembiwil am isumal n usekkil ''L''.
- Aserdas (♙,♟) : yal amyurar yesɛa 8 iserdasen, asedas yezmer yettembiwil akked yiwen amkuẓ ɣer zdat (snat deg tazwara n urar), ed ad yeṭṭfeɣ tisiway n axṣim-is deg tanilat (↖, ↗) akked yiwen amkuẓ.
-
Imussuyen n yilu (♗, ♝). -
Imussuyen n lberǧ (♖, ♜). -
Imussuyen n vizir/aneɣlaf (♕, ♛). -
Imussuyen n ugellid (♔, ♚). -
Imussuyen n umnay/uεudiw (♘, ♞). -
Imussuyen n aserdas (♙,♟).
Tizmilin
- ↑ 1,0 1,1 1,2 1,3 1,4 1,5 1,6 et 1,7 (en) chess, deg britannica.com.
- ↑ 2,0 et 2,1
échecs, deg larousse.fr.
