Dinastia Qing
.svg)
.jpg)
La Dinastia Qing (, lfn: txing) ia es la dinastia imperal final de Xina. Lo ia comensa en 1636, e rena Xina propre de 1644 a 1912. Lo ia es presededa par la Dinastia Ming e segueda par la Republica de Xina. La impero de la Qing ia dura per cuasi tre sentenios e crea la teritorio fundal per Xina moderna. Lo ia es la impero sinco de grandia teritorial en istoria.
La dinastia ia es fundida par la clan mandju Aisin Gioro en Mandju. En la sentenio 16 tarda, Nurhaci, orijinal un vasal de la Ming, ia comensa organiza "banderas", unias militar-sosial cual ia inclui elementos mandju, han, e mongol. El ia uni la clanes mandju e ia proclama ofisial la Dinastia Jin en 1616. Sua fio Hong Taiji ia comensa forsa la armadas ming estra de la penisola Liaodong e ia proclama un dinastia nova, la Qing, en 1636. En cuando la controla par la minges ia desintegra, cultivores rebelante conduida par Li Zicheng ia concista la capital Beijing en 1644. Jeneral Wu Sangui de la minges ia refusa aida el, ma ia abri la colo de montes de Shanghai per la armadas de la banderas, conduida par la prinse renante Dorgon, ci ia defeta la rebelas e ia saisi la capital. Drogon ia servi como la prinse renante su la imperor Shunzhi. Resiste par la fidistes ming en la sude, e la revolui de la Tre Feudos, conduida par Wu Sangui, ia retarda la concista intera asta 1683 su la imperor Kangxi (1661-1722). La des campanias grande de la imperor Qianlong de la desenios 1750 tra 1790, ia estende controla par la qing en Asia interna. En la culmina de la dinastia Qing, la impero ia renada la tota de Xina, Hainan, Taiuan, Mongol, Mandju esterna, e Xina esterna norde-ueste. La renores qing temprana ia manteni sua costumes mandju e ia es padrones de budisme tibetan, e an si sua titulo ia es "Imperor", los usa Bogd khaan cuando trata con la mongoles. Los ia governa usante la stilo e instituidas burocrata confuziste, reteninte la esaminas imperal per enscrive xineses han per labora su o con la mandjus. Los ia ance ajusta la ideales de la sistem de tribuis en declara superioria supra paises periferial como Corea e Vietnam, e propri teritorios visina como Tibet e Mongol.
La dinastia ia ateni sua culmina en la sentenio 18 tarda, e alora desende gradal en la fasa de defias, revoluis interna, crese de cuantia de popla, disturba de la economia, froda, e la esita de la elites per cambia sua disposas mental. La cuantia de popla ia crese a sirca 400 milion, ma impostas e revenus de la governa ia es fisada a un taso basa, cual ia resulta en crise finansial. Seguente la Geras de Opio, potias european, spesial Britan, ia forsa "tratas nonegal", comersia libre, e portos su controla par stranjeres. La Rebela Taiping (1850-1864) e la Rebela Dungan (1862-1877) en Asia sentral ia resulta en la mori de alga 20 milion persones de famion, maladias, e gera. Ma, en la Restora Tongzhi de la desenio de 1860, la elites han ia asembla per aida la defende de la ordina confuziste e la renores mandju. La ganias de la comensa de Promove Auto-fortinte ia es perdeda en la Gera Prima Xina-Japan en 1895, en cual la qing ia perde sua influe supra Corea e la posese de Taiuan. Armadas nova ia es organizada, ma la Reformis de 100 Dias de 1898 ia es reversada en un colpa par la Imperoresa Viduida Cixi (1835-1908), ci ia es la vose dominante en la governa nasional pos 1861. Cuando la luto per sedes par la potias stranjer ia inisia la Rebela de Boxores. La boxores ia es anti-stranjeres violente, en 1900, con multe stranjeres e cristianes ia es matada, la potias stranjeres ia invade Xina. Cixi ia suporta la boxores e ia es vinseda par la oto potias invadente, resultante en la fuji par la corte imperal a Xi'an en Xina sentral.
Pos un acorda per suscrive a la Protocol de Boxores, la governa ia comensa reformis finansial e dirije nova, incluinte elejes, un codigo legal nova, e la elimina de la sistem de esaminas. Sun Yat-sen e otra revoluistes ia compete con monarcistes constitual como Kang Youwei e Liang Qichao, per cambia la Impero Qing a un nasion moderna. Pos la moris de la Imperor Guangxu e Cixi en 1908, la corte conservaliste mandju ia aliena reformistes e elites local par impedi reformis sosial. La Rebela Wuchang a 11 otobre 1911 ia condui a la Revolui Xinhai. Jeneral Yuan Shikai ia negosia la renunsia de Puyi, la imperor final, a 12 febrero 1912. Pos esta, armadas Qing ia es ance vinseda en Tibet e Xinjiang.