Dit is 'n archief, wo-in aw nuujsberichte waere opgesjlage. Inhawd weurt hie dan normaal gesjpraoke ouch neet eweggehaold. Recènter nuujs mót me zeuke op 't hoofblaad: In 't nuujs. |
Veur 't iers weurt in Nederlandj e geval van 't nuuj coronavirus vasgesjtèld. De man, dae in 't zjwaor getroffe Lombardije is gewaes, is in quarantaine gezat.
Door Ellen, d'n derde wintersjtörm in korten tied, waere diverse vastelaovendsoptochte aafgelas of oetgesjtèld.
De Nederlandse politicus Jos van Kemenade sjtörf op 82-jäörige laeftied.
In Kirchroa en Amsterdam óntploffe bómbreve, aafkumstig van 'ne aafpaersjer. De explosieve waore in bei gevalle nog neet bezörg.
Krimmeneel Saïd R., dae èng in verbandj weurt gebrach mit Ridouan T., weurt in Colombia gearresteerd.
De Nederlandse politicus Rudolf de Korte (VVD) sjtörf op 83-jäörige laeftied.
In 'ne flat in Ernem weurt brandj gesjtich. 'ne Man van 38 en zien döchterke van veer kómme óm; twie jónge van 12 en 13 waere opgepak.
Nuujslaezer Fred Emmer sjtörf op 85-jäörige laeftied.
Sjtaotssecretair van Financië Menno Snel (D66) treujt aaf nao 'n affair róndj kènjertoesjlaag.
Ridouan T., groete naom in d'n Amsterdamse 'mocromafia' en de miesgezochde krimmeneel vaan Nederland, weurt in Dubai gearresteerd.
De kathelieke Gooj Herderkirk in Hoogmade (gemeinte Kaag en Braassem, ZH) brentj nao 'n óngelök bie hersjtèlwerke gans oet.
De Nederlandse politica Ella Vogelaar begeit op 69-jäörige laeftied zelfmaord.
De Nederlandse politicus en óngernummer Henry Keizer sjtörf op 58-jäörige laeftied.
D'n Hoege Raod verbeujt per direk rouke in de horeca. Dit beteikent det ouch de roukruumdes, die bis noe waore toegesjtange, neet mie maoge.
De Nederlandse prinses Christina van Lippe-Bisterfeld sjtörf op 72-jäörige laeftied.
Einen daag later waere al nuuj wermderecords gevèstig: In Gilze-Rijen weurt 't 40,7°C.
In Nederlandj weurt 't wermer es oets: in Èndjhaove mit me 39,3°C op.
In gelaekde documènte van de NATO bliek veur 't iers mit zaekerheid det 't atoombomme gief op de basis van Kleine-Briegel, Volkel (NB) en nog diverse anger Europese bases.
D'n tribbenaal van Amsterdam veroerdeilt Willem Holleeder tot 'n laeveslang gevangenissjtraof veur de liquidatie van veer anger krimmenele en ein poging daotoe.
Sjtaotssikkertair Mark Harbers van Justitie treujt aaf nao e sjendal róndj e misleiend rapport.
De Nederlandse politicus Johan Witteveen (VVD), ex-minister van Financië en ex-veurzitter van 't IMF, sjtörf op 97-jäörige laeftied.
Op de A1 ter huugde van Deventer kómme veer luuj óm 't laeve bie 'n ernstig óngelök.
De Nederlandse journalis Max van Weezel sjtörf op 67-jäörige laeftied aan alvleisklierkanker.
De Nederlandse politicus Frans Andriessen sjtörf op 89-jäörige laeftied.
Bie de verkezinge veur de Provinciaal Sjtaote en de watersjappe is 't rechspopulistisch FvD de groete winner.
Bie 'n sjeetpartie in d'n Utrechse wiek Kanaleneiland kómme drie luuj óm en rake 'rs vief gewóndj. E terroristisch motief weurt neet oetgesjlote.
De Nederlandse militair Hans Couzy sjtörf op 78-jäörige laeftied.
't Aopebaar Ministerie eis 'n laevelang gevangenissjtraof taege krimmeneel Willem Holleeder.
't Kenniscentrum Aanpak Funderingsproblematiek (KCAF) waarsjuwt det zeker 1 miljoon hoezer dreige te verzakke door d'n druge zomer van veurig jaor. 't Geit in de meiste gevalle óm hoezer in 't weste van 't landj, die op houte päöl sjtaon.
Sipke Vrieswijk, eine vanne beruchste sekteleijers van Nederlandj, is euverleje.
Inwoeners van 37 gemeintes keze in 't kader vanne fusering op 1 jannewari 2019 'ne nuje raod. Ein van die nuuj gemeintes is Baekdale, die zal óntsjtaon oete hujige gemeintes Nut, Óngerbenk en Sjènne. 't CDA is dao de groetste partie.
Wim Kok, vakbóndjsman, politicus en premier van twie kabinètte, sjtörf op 80-jäörige laeftied.
Rob Jetten weurt verkaore tot fractieveurzitter van D66. Hae volg Alexander Pechtold op, dae drie daag ieder bekèndj maakde dat hae aaftraoj.
De militaire veiligheidsdeens MIVD maak bekèndj dat 'r 'ne groete Russischen hack-aanval op de systeme van 't OPCW (de internationaal organisatie taege sjemische waopes) haet veurkómme.
De Stint weurt op alle Nederlandse waeg verbaoje, nao 't óngeval van 20 september.
Bie 'n óngeval mit 'nen elektrischen bakfiets (Stint) op 'nen euverwaeg kórtbie Oss zeen veer kinger óm 't laeve gekómme. E viefde kindj en 'nen begeleijer raakde zjwaorgewóndj.
In Rotterdam versjient de Mesjtreechsen terreurverdachte Mohammad G. veure rechter. Hae weurt verdach van betrokkeheid bie de gewelddadige óntveuring en maord van e Brits echpaar in Zuud-Afrika.
Börgemeister Femke Halsema deit de Noord/Zuidlijn van d'n Amsterdamse metro officieel aope. De boew haet vieftien jaor gedoerd en is hoegeliks boete 't oersjprunkelik budget gevalle.
In Hilversum weurt 'n 22-jäörege vrouw oet Mestreech um 't leve gebrach.
De richter verbèd de motorclub Satudarah.
De Surinaams-Nederlandsen imam Abdullah Haselhoef kump op 49-jäörige laeftied um bie 'n auto-óngelök.
't Kabinet wèl de gaaswinning in Groninge in 2030 definitief sjtopzètte.
Ex-verzatsheld en ex-politicus Johan van Hulst (CHU, CDA) sjtörf op 107-jäörige laeftied.
In Nederlandj weurt gesjtump veur de gemeinteraodsverkezinge en 't raodgaevend referendum euver de zoegeneumde sjleipwèt. Euver 't algemein verlere de PvdA, D66 en de SP sjterk. GroenLinks en DENK behaole väöl sjtumme in de groete sjtaej inne Randsjtad en de PVV deit veur 't iers op groeter sjaol mèt. In Nederlands Limburg winne veural de lokaal partieje, 't CDA aevel veural in 't naorde en in 'n aantal Zuud-Limburgse gemeintes. 'n Klein mierderheid van 49,5% waor taege de sjleipwèt.
Op de N270 bie Hèllemed kómme vief luuj óm bie 'n ernstig óngelök. Veer luuj raakde gewóndj.
Aad-premier Ruud Lubbers (CDA) sjtörf op 78-jäörige laeftied.
In Amsterdam begintj de zaak taege krimmeneel Willem Holleeder, dae van 'n aantal liquidaties weurt verdach.
't Sjtaotstoezich op de Koele adviseert óm de gaaswinning oet 't veld van Slochteren van 21,6 nao 12 km³ trök te bringe.
In Groninge weurt 'nen aerdsjóddel mit 'n krach van 3,4 op de Memènt-Magnitudesjaol geveuld. D'n aerdsjóddel, de zjwaorste in Groninge saer 2012, is 't gevolg van gaaswinning.
Aad-politicus Frans van der Spek vanne Pacifistisch Socialistische Partij (PSP) is op 93-jäörige laeftied euverleje.
't Kabinèt-Rutte III weurt beëidig.
VVD, CDA, D66 en ChristenUnie prizzentere e regeerakkaord, wat de waeg vriemaak veur e kabinèt-Rutte III.
Politicus Eberhard van der Laan (PvdA) sjtörf op 62-jäörige laeftied aan lóngkanker.
Jeanine Hennis-Plaschaert (VVD) trejt aaf es minister van Defensie nao diverse sjandale op häör ministerie. Staotssecretair Klaas Dijkhoff nump häör functie waor.
In Swifterbant (gemeinte Dronten, Flevolandj) kómme 40.000 hoonder óm bie 'ne sjtalbrandj.
In 't Twentse Agelo kómme doezende verkes óm bie 'ne sjtalbrandj.
De Nederlandse ex-minister en ex-veurzitter van de Ierste Kamer Gerrit Braks (CDA) sjtörf op 84-jäörige laeftied.
Huub Ernst, emeritus-bisjop van Breda, sjtörf op 100-jäörige laeftied.
Kórtbie 't Fries Harlingen kumt op 'ne sjpooreuverwaeg e treintoesjtel van Arriva in botsing mit 'nen auto. Twie luuj kómme óm 't laeve.
Naodat de Törkse ministers van Boetelandjse Zake Çavușoğlu en Familiezake, Kaya, d'n toegank weurt geweigerd, stèlt Turkije economische sancties in taege Nederlandj.
De Ierste Kamer sjtömt mit 'n kleine minderheid in mit e wètsveursjtel waodoor persoene die in 't boetelandj mitvechte mit terroristische organisaties, 't Nederlandersjap kan weure óntnaome.
minister van Veiligheid en Justitie Ard van der Steur (VVD) maak zien aaftraeje bekind tiedes e Kamerdebat euver zien hanjele es lid van de Twiede Kamer inzake d'n "Teeven-deal".
Door 'n aanvaring bie De Graaf (Grave) raak 'ne sjtoew irnstig versjendeleerd. Hiedoor kan 't waterpeil op de Maas en 't Maas-Waalkenaal plaatsjelik neet mie waere geraegeld en krieg ónger mie Naord-Limbörg mit óngewoen lieg watersjtenj te make.
Geert Wilders weurt sjöljig verklaord aan groopsbeleidiging en aanzètte tot discriminatie, meh ónvèngk geine sjtraof.
Tv-perseunlikheid Joop Braakhekke sjtörf op 75-jäörige laeftied aan alvleisklierkanker.
Piet de Jong, premier van 1967 tot 1971, sjtörf op 101-jäörige laeftied.
Journalis Henk Hofland sjtörf op 88-jäörige laeftied.
Bie e rifferendum over 'n associatieverdraag tösje de EU en Oekraïne sjtump 61,1% taege en 38,1% veur bie n opkóms van 32,2%.
Radovan Karadžić, de vreugere veurman van de Serviërs in Bosnië-Hercegovina, weurt sjöljig bevónge aan genocide en misdaode taege de minsjheid en veroerdeild tot 40 jaor gevangenis.
De Nederlandse bevolking geit euver de grens van 17 miljón inwoeners.
't Perces taege Geert Wilders óm zien oetspraoke bie de gemeinteraodsverkezinge van 2014 begint.
Gerard de Korte weurt beneump tot bisjop van Den Bosch.
Gerard T., d'n Utrechse serieverkrachter, weurt veroerdeild tot 16 jaor gevangenissjtraaf.
Khadija Arib (PvdA) weurt verkoze tot veurzitter van de Twiede Kamer. Ze volg de aafgetrejje Anouschka van Miltenburg (VVD) op.
Anouschka van Miltenburg (VVD) trit aaf es veurzitster van de Twiede Kamer, nao e sjandaal róndj Fred Teeven.
De Twiede Kamer geit 'n óngerzeuk insjtèlle nao e laek oet de kemissie veur Inlichtinge- en Veiligheidsdeenste ('kemissie-Sjtiekem').
Veurmaolig Kamerlid Willem Aantjes (ARP, CDA) sjtörf op 92-jäörige laeftied.
Job de Ruiter (CDA), minister van zjustitie in 't kabinèt-Van Agt I en van defensie in 't kabinèt-Lubbers I, sjtörf op 85-jäörige laeftied.
In 't weste van 't landj, veural in de pervincie Naord-Hollandj, vèntj 'ne zeldzaome zomersjtörm plaots, mit lokaal wèndjkrach 10.
De bekènden anestesioloog en activis Bob Smalhout sjtörf op 87-jäörige laeftied.
D'n Arubaanse Nederlenjer Mitch Henriquez kump nao hel pelitie-optrejje óm. Nao óngerzeuk besjluut 't Opebaar Ministerie de agente te gaon vervolge.
D'n tribbenaal in D'n Haag verplich de Nederlandse sjtaot óm de oetsjtoet van kooldioxide taege 2020 mit 25% (taegeneuver 1990) te riddecere.
D'n arabis en europarlemintariër Hans Jansen (PVV) sjtörf op 72-jäörige laeftied aan e harre-imfark.
De krimmenele Anouar B. en Adil A. waere tot laeveslank veroerdeild óm 'n dóbbel liquidatie in de Amsterdamse Staatsliedenbuurt.
De Raod van Sjtaot bepaolt tot de gaaspöt in Loppersum zoe good wie toew mót, óm de veiligheid van 't door aerdsjóddele geplaog gebeed te waorborge. Minister Henk Kamp volg dit advies op.
De ME óntruump 't Maagdenhuis, 't akkedemiegeboew van de Universiteit van Amsterdam, wat de aafgeloupe waeke daor próttesterende sjtudente bezat waor gewaes.
D'n tribbenaal van Assen lègk 't krimmeneel paar Antonio van der P. en Enise B. respectievelik 16 en 12 jaore gevangenis op.
Naodat minister Ivo Opstelten en sjtaotssecretair Fred Teeven van Justitie zeen opgesjtap, waere ze vervange daor respectievelik Ard van der Steur en Klaas Fijkhoff.
Bie de verkezinge veur de Provinciaal Sjtaote verlere de regerinspartieje (in 't bezunjer de PvdA); wins gief 't veur ónger mie de SP en D66. Ouch de Volkspartij Limburg van Jos van Rey wèt 'ne zetel te bemechtige in Limbörg.
De tribbenaal bepaolt dat de bewaorplich van telecommunicatiegegaeves óngróndjwèttelik is. Providers móste tot noe toe gegaeves van hun klante veur opsjporingsdoele e haaf jaor bewaore.
Politica Cathy Ubels, fractieveurzitter (en ènsig Kamerlid) veur de EVP tösse 1982 en 1986, sjtörf op 86-jäörige laeftied.
De redactie van 't NOS-journaal weurt euvervalle daor 'ne gewaopende man dae zich zendjtied eis. Nao óngevaer e kerteer weurt hae euvermeisterd.
De Nederlanjer Ang Kiem Soei weurt in Indonesië geëxecuteerd. Hae waor dao veroerdeild óm de productie van xtc.
De sjtökker van vlöch MH17, die in augustus in de Oekraïne denaersjtortde, kómme veur óngerzeuk bie de lochmachbasis Gilze-Rijen aan.
Op 'n sjaol in Voorburg weurt 'ne 15-jäörige jóng doedgesjtaoke.
't Opebaar Ministerie concludeert dat Geert Wilders zich sjöljig haet gemaak aan haat zejje en besjlut häöm te hure.
Bie 'ne show in Haaksbergen riet 'ne monstertruck in op 't pebliek. Dit haet drie doeje en ach zjwaor gewónje tot gevolg.
Nederlandj en Duutsjlandj lègke definitief hun ziegrens in 't Eems-Dollardgebeed vas. De aafgeloupe decennia waor dit betwis gebeed.
Op de Shell-raffinaderie in Moerdijk (gemeinte Moerdijk, Naord-Braobent) brik 'ne zier groete brandj mit 'n explosie oet. De knalle zeen vanop tientalle kilomaeters te zeen en te hure.
De Twiede Kamerfractie van 50Plus vilt oeterein nao e conflik tösje fractieveurzitter Norbert Klein einerzies en Martine Baay-Timmerman en 't partiebesjtuur angerzies.
't MERS-coronavirus, wat 'n longkrenkde veroerzaak en in 't Midde-Oeste al veur versjillende doeje haet gezörg, weurt veur d'n ierste kier aangetroffe in Nederlandj.
In zien woenplaots Mestreech störf ex-minister Wil Albeda (ARP, CDA) op 88-jaorege leeftied.
Volkert van der G., de maordenaer van Pim Fortuyn, kump vervreug en ónger sjtreng veurwaerde vrie.
Op de Veluwe brentj good 300 hectaar hei en bósj aaf. 't Naoblösse doert nog bis de volgenden daag.
In D'n Haag begèntj 'nen internationalen top euver nucleair veiligheid. Veur de beveiliging van de toegesjtruimde waereldleiers zeen groete deile van de Randjsjtad aafgezat of mit controles bezjwaord.
Bie verkezinge veur de gemeinteraod is de PvdA de groete verlezer, dewiel D66 euveral sjterk opkump.
De sjriever en columnis Hugo Brandt Cortius, ouch bekèndj as Battus, sjtörf op 78-jäörige laeftied.
De bookwinkelkette Polare weurt failliet verklaord.
De vreugere neuroloog Ernst Jansen weurt tot drie jaor gevangenissjtraaf veroerdeild óm 't opzèttelik sjtèlle van valse diagnoses.
Els Borst (D66), minister in de twie kabinètte-Kok, weurt op 81-jäörige laeftied vermaord.
'n Akkaord van 't kabinèt-Rutte II mit oppositiepartieje D66, ChristenUnie en SGP brik de Rieksbegroeting veur 2014 aope. Dit akkaord waor nujig óm de begroeting ouch in de Ierste Kamer te doon goodkäöre.
Prins Friso sjtörf op 44-jäörige laeftied. Hae laog al angerhauf jaor in coma.
De twie breurs oet Zeist, die saer twie waeke vermis waore en nao waem op versjillende locaties in Utrech en Nederlands Limburg is gezoch, waere doed gevónge in de ómgaeving van Cothen (gemeinte Wijk bij Duurstede, Utrech).
Keuningin Beatrix abdiceert, womit häöre zaon Willem-Alexander keuning weurt.
De vreugere journalis en columnis Jérôme Heldring sjtörf op 95-jäörige laeftied.
In de Amsterdamse zedezaak weurt hoofverdachte Robert M. in hoeger beroop tot 19 jaor cel mit tbs veroerdeild, ei jaor mier as in iersten aanlag.
D'n Haof van Discipline bevèstig de ieder oetsjpraok van de tuchrichter taege Bram Moszkowicz. Dae weurt daomit definitief oet 't beroop van avvekaat gezat.
Tiny Muskens, emeritus-bisjop van Breda, sjtörf op 77-jäörige laeftied.
't Rieksmuseum in Amsterdam geit nao 'n renovatie van tien jaor weer aope.
't kabinèt-Rutte II en de sociaal partners sjlete e sociaal akkaord.
De gerichshaof in Leeuwarden maak 't verbod op vereiniging Martijn, 'n belangevereiniging veur pedofiele, óngedaon. In juni 2012 had d'n tribbenaal in Assen dees vereiniging wel verboje verklaord.
Pieter Kooijmans, minister van Boetelandse Zakes in 't kabinèt-Lubbers III en minister van Sjtaot, sjtörf op 79-jäörige laeftied.
De Nederlandse regering nationaliseert de bank en verzaekeraer SNS Reaal veur 3,7 mieljard euro.
Keuningin Beatrix kunjig aan per 30 april aansjtaonde aafsjtandj te doon van häör troen veur häören awdste zaon prins Willem-Alexander.
Programmamaeker Leo Nelissen sjtörf op 91-jäörige laeftied.
In Middelburg (Zielandj) veurkump de pelitie de gewelddaodige bevriejing van 'ne gedetineerde oet de gevangenis.
De politicus Gerard Helders (CHU), minister van Zakes Euverzie in 't kabinèt-Drees III en de awdste man van Nederlandj, sjtörf op 107-jäörige laeftied.
'ne Nederlandse voetbalgrensrechter sjtörf naodat hae d'n daag teväöre daor drie jäögsjpaelers is mishanjeld.
't Kabinèt-Rutte II, röstend op 'n mauf coalitie van VVD en PvdA, weurt beëidig.
De bekènden avvekaat Bram Moszkowicz weurt door de Raod van Disciplien veur 't laeve oet zien amb gezat.
Mark Rutte (VVD) en Diederik Samsom (PvdA) prizzentere e regeerakkoord. Normaal gezeen mót op 5 november 't kabinèt-Rutte II zitting gaon numme.
'ne 25-jäörige man oet Winschoten weurt opgebrach op verdènking van miervoudige brandsjtichting in zien woenplaats. Hae weurt verdach van 17 brandsjtichtinge en 'n poging tot 'n achtiende.
Bie de verkezinge veur de Twiede Kamer winne de VVD en de PvdA, die mit 41 en 38 zaetele de twie groetste partieje weure. PVV en CDA verlere henjig, de SP blief taege de verwachting geliek.
In Waalre (W(a)older, Naord-Braobentj) brentj 't raodhoes aaf nao 'n gerichde aanval mit autobomme.
De restauratie van 't Rieksmuseum in Amsterdam, van de handj van Pierre Cuypers, weurt aafgerundj. Nao herinrichting zal 't in april 2013 weer aopegaon.
D'n tribbenaal in Assen verbeit MARTIJN, 'n Nederlandse vereiniging veur legalisatie van pedofilie.
De Nederlandse sjtaotsman Jan Gmelich Meijling (VVD), sjtaotssecretair van Defensie in 't ierste kabinèt-Kok, sjtörf op 76-jäörige laeftied.
Kreegsmisdaojiger Klaas Faber sjtörf op 90-jäörige laeftied in 't Duutsj Ingolstadt.
D'n Amsterdamsen tribbenaal deit oetsjpraok in de 'Amsterdamse zedezaak'. Hoofverdachte Robert M. krieg 18 jaor gevangenis mit tbs veur 't misbroeke van tientalle klein kènjer, ziene man Richard O., dae weurt vriegesjpraoke van mitplichtigheid, krieg 6 jaor ómdat hae dit misbroek gemekkeliker haet gemaak.
De Fries Sybrand van Haersma Buma weurt tot liestrèkker van 't CDA gekoze.
Journalis Gerard van Westerloo sjtörf op 69-jäörige laeftied.
In de zujelike provincies Zielandj, Naord-Braobentj en Limburg waere, mit de inveuring van de zoegeneumde wietpas, coffeeshops besjlaote clubs wo gein boetelenjers mie kemp kanne koupe.
D'n tribbenaal in Groninge veroerdeilt 'nen 53-jäörige man tot 10 jaor gevangenis óm 't jaorelank misbroeke en bevröchte van zien dochter.
Nao de breuk mit de PVV beit 't kabinèt-Rutte I aan keuningin Beatrix zien óntsjlaag aan.
't Opebaar Ministerie eis in de Amsterdamse Zedezaak 20 jaore gevangenis en tbs mit dwangverplaeging taege hoofverdachte Robert M.
Herman Broekhuizen, radiomaeker en componis van euverbekènde kènjerleedjes, sjtörf op 89-jäörige laeftied.
In Amsterdam begintj 't perces taege Robert M. en ziene partner, in de zoegenaamde Amsterdamse zedezaak. M. weurt devan verdach tientalle henjig jóng kènjer zjwaor te höbbe misbroek.
Job Cohen trejt trök as fractieveurzitter van de PvdA nao taegevallende opiniepeilinge en kritiek oet de partiej.
d'r Is 'n arrestatie gerich in verbandj mit de kinjermisbroekzaak in Oudenbosch (gemeinte Halderberge). 't Zów gaon óm 'ne 26-jäörige man.
Prins Johan Friso van Oranje-Nassau, twiede kèndj van keuningin Beatrix, raak op skivakantie in 't Oesterieks Lech zjwaorgewóndj. Wie later bliek haet hie zier zjwaor hersesjaoj en zal hae noets mie biekómme.
Gerrit Ybema, sjtaotssecretair veur D66 in 't kabinèt-Kok II, sjtörf op 66-jäörige laeftied.
Laura Dekker kump aan op Sint Maarten en weurt daomit de jónkste zeil(st)er dae/die oets allein óm de waereld in gezeild.
Danser en choreograaf Rudi van Dantzig sjtörf op 78-jäörige laeftied.
Actäör Piet Römer, bekèndj van versjillende Nederlandse films en series, sjtörf op 83-jäörige laeftied.
Klavecinis Gustav Leonhardt, sjtörf op 83-jäörige laeftied.
'ne Groeten brandj verwues theater Het Speelhuis in Helmond en versjendeleert de aanligkende kubushoezer. 't Theater wie de kubushoezer zien rieksmonumènte van de handj van Piet Blom.
Piet Hein Donner (CDA) weurt beneump tot vicepresident van de Raod van Sjtaote; zien partiegenoet Liesbeth Spies zal häöm opvolge as minister van Binnelandse Zakes.
Hónkballer Gregory Halman weurt in Rotterdam vermaord, nao me dènk daor zie broor.
De Nederlandsen acteur en kemik Rijk de Gooyer sjtörf op 85-jäörige laeftied.
Óngernummer Morris Tabaksblat, ex-veurman van Unilever en opsjtèller van de nao häöm geneumde gedraagscode, sjtörf op 74-jäörige laeftied.
In de 'Wintergreunzaak' taege de plegers van groetsjalige boewfraude waere versjillende miejäörige gevangenissjtrafe geëis.
In de sjeem van de wèdsjtried taege De Graafschap valle zoe'n 50 koej supporters van Feyenoord 't Maasgeboew (boe 't besjtuur van de club zit) aan, oet ónvrei euver 't beleid van de aafgeloupe jaore. De polies trèk häör gewaere óm ze trök te dringe.
D'n tribbenaal in D'n Haag sjtilt de Nederlandse sjtaot aansjpraokelik veur 't bloodbaad in Rawagedeh, Indonesië, wat in 1947 bie de Politioneel Acties woort aangerich, en verplich häöm de nog laevende wedevrouwe te compensere.
Door bezuniginge op 't ministerie van Defensie mótte de kazèrn in Buul en twie in D'n Haag sjlete. De KMS in Wieërt weurt verplaatsj nao Ermelo (provincie Gelderlandj) en e financieel ketoer in Egelse weurt verplaatsj nao örges angers in Zuud-Limburg.
Bie verboewinge aan de Grolsch Veste, 't sjtadion van voetbalclub FC Twente oet Enschede, kump 't daak nao ónger, wodoor twie doeje en veertien gewónje valle.
Prizzentator Willem Duys sjtörf op 82-jäörige laeftied aan 'n lónginfectie.
D'n tribbenaal in Leeuwarden veroerdeilt Sietske H. oet Nij Beets (gemeinte Opsterland) tot twelf jaore opsjleting óm de maord op häör veer eige pasgebaore kènjer.
Ralf Krewinkel (PvdA) weurt börgemeister in de Limburgse gemeinte Baek.
'ne 24-jaorege inwoener vaan Alphen aan den Rijn sjut mèt 'n automatisch waope in e winkelcentrum op ederein dee heer tegekump. In totaal valle zeve doeje, inclusief de sjötter, dee ziech vaan 't leve benump. 't Gief nog versjeie gewonde, boe-oonder zwoergewonde, lui.
Verkezinge waere gehawwe veur de Provinciaal Sjtaote. De coalitie van 't kabinet-Rutte I liekent zjus neet aan 'n mierderheid in de Ierste Kamer te kómme.
In 't havegebeed van Amsterdam brèk 'ne brandj oet op e chemisch terrein. De wolk wejt van de sjtad aaf nao 't Kennemerlandj (d.i. Haarlem en ómgaeving)/
'n Kamermierderheid van CDA, VVD, GroenLinks, D66, ChristenUnie en SGP sjtump veur 'n poliesmissie nao Kunduz, Afghanistan, naodat de regering häör planne haet aangepas aan bezjwaore van de oppositie.
In Den Haag protestere sjtudente en professore taege kabinètsplanne veur hoeg boetes biej oetloupende sjtudies.
Bie Moerdijk (provincie Noord-Braobant) weujt 'ne groete brandj in e chemisch bedrief. De gifwolk bedreig de wiej ómgaeving, in 't bezónjer Dordrech (Zuud-Hollandj).
De Nederlands-Limburgse gemeintes Èèsjde en Mergraote gaon same tot Èèsjde-Mergraote. Ouch in de provincies Frieslandj, Naord- en Zuud-Hollandj, Utrei en Noord-Braobantj vènje fusies plaats. 'n Aantal geplande gaon neet door, wo-ónger die tösje Mook en Middelar, Gennep en Baerge.
In Rotterdam waere twelf Somaliërs opgepak op verdènking van terrorisme. De mieste lier me de daag denao weer gaon.
Femke Halsema, fractieveurzitster van GroenLinks, verliet de politiek en liet häör functie aan Jolande Sap.
In Amsterdam weurt 'ne pedofiel, Robert M., opgepak dae weurt verdach van 't make van kènjerporno en 't misbroek van tientalle henjig jóng (nul tot veer) kènjer.
D'n tribbenaal in Dordrech veroerdeilt Sander V. tot achtien jaore opsjleting en tbs veur de maord op Milly Boele.
In versjillende Nederlandse gemeintes, wo-ónger 'n aantal in Limburg, waere gemeinteraodsverkezinge gehawwe. 't Geit óm gemeintes die in 2011 móste fusere; in 'n aantal gevalle geit die fusie (nog) neet door.
In Antwerpe en Amsterdam waere terreurverdachte opgepak.
Bie 't vaer euver 't Amsterdam-Rienkenaal tösje Breukelen en Nieuwer Ter Aa (provincie Utrei) veurt e bènnevaartsjeep euver de póntj haer. De sjipper kump daobiej óm.
't kabinet-Rutte weurt nao 127 daag formatie beëidig.
De Nederlandse Antille weure opgeheve. De twie groeter eilen Curaçao en Sint-Maarten weure zelfstendege (meh neet oonaofhenkeleke) len binne 't Keuninkriek (zoegenaomde status aparte), de kleinder eilen Bonaire, Sint-Eustatius en Saba weure es bezunder gemeintes geïntegreerd mèt Nederland.
D'n actäör en einmalige zenger Antonie Kamerling begeit op 44-jäörige laeftied zelfmaord.
In Nederlandj geit 'n wèt in die krake verbeit; 'n demonstratie daotaege in Amsterdam löp 's aoves oet de handj.
Mark Rutte, Maxime Verhagen en Geert Wilders sjlete e regeer- en e gedoogakkaord wat mót leie tot e mènjerheidskabinèt van CDA en VVD mit sjteun van de PVV.
In Assen, Nijverdal (gemeinte Hellendoorn) en Hoogeveen weurt brandj gesjtich in Molukse cultuurcentra.
De besjpraekinge veur e rechs kabinèt van VVD en CDA mit gedaogsjteun van de PVV loupe sjtök, naodat Geert Wilders zich tröktrèk.
Sportverslaaggever Jean Nelissen störf op 74-jaorege leeftied.
De sjrijver Appie Baantjer, bekind vaan de beuk euver rechercheur De Cock störf op 86-jaorege leeftied.
Judoka Anton Geesink störf op 76-jaorege leeftied.
Op Curaçao, wat op 10 oktober e landj bènne 't Keuninkriek weurt, wèntj de Nederlandsgezèndje PAR de raodsverkezinge.
Actries en zengeres Conny Stuart sjtörf op 96-jäörige laeftied.
't 14-jäörig Laura Dekker begèntj in Gibraltar aan 'n waereldreis. 't Wilt daomit de jóngste oets waere, die allein um de waereld zeilt.
't Nederlands laeger beènjig zien missie in Uruzgan, Afghanistan. 't Commando weurt euvergedrage aan de Amerikane en de Australiërs.
In Maares (Maarheeze), gemènte Kranedonk, stopt vuur 't ierst in 70 jaor weer 'nen trein.
Verkezinge waere gehauwe veur de Twiede Kamer. De VVD weurt veur 't iers in häör historie de groetste, kort veur de PvdA. De PVV is de groete winner, CDA, de groete verlezer. Premier Jan Peter Balkenende kunjig aan trök te trejje oet de lenjelike politiek.
De Ierste Kamer nump, mit 'n mierderheid van CDA, VVD, ChristenUnie en SGP, e wètsveursjtil aan wat krake geit verbeie. De wèt zal normaal gesjpraoke op 1 oktober ingaon.
De vakbónje bereike e principeakkaord mit de VNG euver 'n nuuj CAO veur amtenaere. Daomit kump 'n èndj aan de sjtakinge van drekluuj in Amsterdam en Utrei.
Sjtaatssecretair Jack de Vries (CDA) trejt aaf nao e sekssjendal.
Ex-minister Hans Dijkstal (VVD) sjtörf op 67-jäörige laeftied.
De ierste berichte euver seksueel misbroek door katholieke geistelike in Nederlandj kómme nao boete. Ze make deil oet van e waereldwied misbroekssjendal. De maonde dao-op kump de zaak herhaoldelik in 't nuujs.
't Verzjwónde maedje Milly Boele oet Dordrech, wat 'n waek lang 't nuujs in Nederland haet beheers, weurt doed gevónge in d'n haof van 'ne politieman, dae later bekèntj.
Ouch PvdA-leismaan Wouter Bos kundeg aon de Nederlandse politiek te goon verlaote. Job Cohen, tot daan börgemeister vaan Amsterdam, stèlt ziech kandidaot es opvolger en lègk zie börgemeistersjap daoveur neer.
't Kabinet-Balkenende IV vilt naodat e gesjil tösse coalitiepartieje CDA en PvdA euver de NATO-missie in Uruzgan neet opgelos kèn waere.
De waddezieë is ópgenaome óp de waeltranglies van de UNESCO es besjermd natuurgebied.
Bie de verkezinge veur 't Europees Parlemènt sjrief de PVV van Geert Wilders ónverwach groete wins bie.
Bisjóp Wiertz wert es örsjte bisjóp in Nederland oonder eed verhuuërd.
Bie de róndrit van de keuninklike familie door Apeldoorn haet 'ne aansjlaag ongelök, mèt 6 doaje en 13 gewónde, plaatsgevónge. 'ne Auto voort door de aafzètting en 't publiek tege De Naald van Apeldoorn.
Veur 't iers in twelf winters weurt in Nederlandj (op de Oostvaardersplassen biej Lelysjtad, Flevolandj) 't Nederlands Kampiónsjap Marathonsjaatse op natuuries gereje. Carla Zielman wèntj biej de vrouwluuj, Sjoerd Huisman biej de mansluuj.
Geert Wilders publiceert ziene film Fitna en vrögt 'n kamerdebat över 't oonderwaerp.
Nederland erkènt Kosovo.
1 april 2005 -
30 mei 2005 -
1 augustus 2005 -
12 december 2005 -
2 februari 2006 -
11 april 2006 -
27 december 2006 -
24 juni 2007 -
19 april 2008